“দিকেদ কয়াগী মতুংদা ভারতকী ফিরাল পাইহনখিবগীদমক অপুনবা তীমবু লৈবাক পুম্বগী মহুৎ শিন্দুনা eথাগৎপা ফোঙদোকচরি। মসি অপীকপা মাইপাকপা অমা নত্তে”
“হৌজিক ভারতনা শোত্থদুনা লৈত্রে। নখোয়গী মাইপাকপশিং অসিনা স্পোর্তসকী হৌরক্লিবা মীরোলশিংদা ইথিল পীরি”“অসিগুম্বা মাইপাকপা অসিনা লৈবাক অসিগী স্পোর্তসকী অপুনবা ইকোসিস্তেমদা অচৌবা থৌনা অমসুং থাজবা পোকহল্লি”“ঐখোয়গী নুপী তীমনা মখোয়গী ক্লাস অদু হঞ্জিন-হঞ্জিন উৎখ্রে। মসি মতমগী ৱাফমনি, করিগুম্বা হন্দক নত্ত্রবসু মথংদদি ঐখোয়না মশোইদনা মাইপাক্কনি”“অভী তো বহুৎ খেলনা ভী হে ওর খিলনা ভী হে – নখোয়না শান্নগদবা য়াম্না লৈরি অমসুং লৈশাৎতমগদবা য়াম্না লৈরি”“‘ঐহাক্না তৌবা ঙমগনি’ হায়বা অসি অনৌবা ভারতকী ৱাখল্লোনি”“মসি ভারতকী স্পোর্তসকী পুৱারীদা গোল্দন চেপ্তর অমগুম্বনি অমসুং নখোয়গুম্বা চেম্পিয়নশিং অমসুং নখোয়গী মীরোলগী শান্নরোয়শিংনা মসিগী অইবনি। ঐখোয়না মসিগী খোঙজেল অসি লেপহনদবা তাই”পি.এম.না তেলিফোনদা লক্ষ্যা সেন্না ‘বাল মিথাই’ পুরক্কনি হায়না ৱাশকখিবা অদু পুরকপগীদমক থাগৎপা ফোঙদোকখিপ্রধান মন্ত্রীজী: হোয় শ্রীকান্ত হায়বীয়ু!
শ্রীকান্ত: সর, অহানবদা, অদোমগী মমল য়াম্লবা মতম কাইথোকপীদুনা ঐখোয়গী মেচ হেক লোইবদা অদোম্না খুদক্তা কোল তৌবীরকপা ঐখোয় পুম্নমক্কা ৱারী শাখিবা অদুগীদমক ঐহাক্না সরবু হন্না-হন্না থাগৎচরি অমসুং মসিগীদমক মালেমদা লৈরিবা অতোপ্পা শান্নরোয় অমত্তনা অসুম্না থৌগৎপীবা ফংলম্লোই হায়না ঐহাক্না য়াম্না চাউথোক্না হায়জগে, ঐখোয় খক্তনা থোইরবা মতুংদা খুদক্তা অদোমগা ৱারী শানবগী খুদোংচাবা ফংখি সর।
প্রধান মন্ত্রীজী: ফরে শ্রীকান্ত, হায়বীয়ু বেদমিন্তন অমসুং কেপ্তেন ওইবা হায়বা অসিনা মীয়ামগী থমোয় লাইনা পেলহনবা ঙমদে, হৌজিক্তি অদোম কেপ্তেন ওইরে, হৌজিক অচৌবা তীম অমা লৈরে, অচৌবা শীংনবা লৈরে, অদোমগী মাংদা থৌদাং অসি লৌনবা তাদুনা লৈবা অমসুং অসিগুম্বা অচৌবা তার্গেৎ অমা লৈরিবা মতমদা করি ফাওবগে?
শ্রীকান্ত: সর, মীপুম খুদিংমক্না মখোয় মশাগী ওইবা মওংদা নীংথিনা শান্নখি। মীপুম খুদিংমক পুনশিন্দুনা তীম ইভেন্ত অসিদা য়াওবা অমসুং ঐখোয়না লোইবা ফাওবা অমত্তা ওইনা শান্নবা অসিনি সর। মসি য়াম্না অপীকপা ৱাফমনি সর, শান্নরোয় পুম্নমক্না পুল্লবা মতুংদা খন্ন-নৈনৈ, মসি খক্তনি তৌরিবা অসি সর। কেপ্তেন খক্তা ওইবনি ঐহাক্না অচৌবা থবক অমত্তা তৌদে মরমদি মীপুম খুদিংমক্না মখোয় মশান্না হান্নদগী নীংথিনা শান্নজৈ, সর।
প্রধান মন্ত্রীজী: নত্তে নত্তে! মীপুম খুদিংমক্না শান্নখি অদুবু মদু অরাইবা থবক অমদি ওইখিদে। স্তেজ অমদা য়ৌরক্লবা মতুংদা অদোম্না ইচম চম্না হায়বা ওইরম্বা য়াই অদুবু অচৌবা ৱাফম অমা অদোমগী মাংদা লৈবা মতমদা, ক্রিকেৎতা অরোইবা ওভর অসিনা কেপ্তএন্সীগী অচৌবা চাংয়েং তৌবা অদুগুম্না অদোমদা প্রেসর শোইদনা লৈরমগনি।
শ্রীকান্ত: সর হায়বদি ফাইনেলদা ঐহাক্না অপুনবা মেচকী লাস্ত দিসাইদর ৱিনিং মোমেন্ত অদু থেংনবগী খুদোংচাবা অমা ফংজখি, ইন্দিয়ন তীমগীদমক মরু ওইরিবা ফাইনেল অসিদা তশেংনা শান্নবা ফংজবা অসি ঐহাক্কী ওইনা খুদোংচাব অমা ওইখি অমসুং মসি ঐহাক্কী ওইনা খুদোংচাবা অমা ফংজবা ওইখি অমসুং ঐহাক্না অঙম্বা থাক্তা হোৎন্দুনা বেস্ত বেদমিন্তন শান্নগে হায়না খনখি অমসুং কোর্ত্তা চংলকপা মীকুপ অদুদা ১০০% শান্নগে অমসুং বেস্ত বেন্দমিন্তন শান্নগে হায়না খনখি।
প্রধান মন্ত্রীজী: ফরে অদোমদি মালেমগী বেন্দমিন্তন্দা নম্বর ১ ওইরি অমসুং অদোম্না হৌজিক থোমাস কপতা গোল্দ মেদল ফংলি মসি হঙফমদি থোক্তে মরমদি মাইপাকপা খুদিংমক মশাগী ওইবা মওংদা তোপ-তোপ্পো অদুবু ঐহাক্না পাউমীশিংগুম্না চপ মান্নবা ৱাহং হঙজগে, অদোম্না অনি অসিগী মরক্তা করম্বনা হেন্না মরু ওইনা লৌবগে?
শ্রীকান্ত : সর অনিমক ঐহাক্কী মঙলানশিংনি সর, শান্নরোয় খুদিংমক্কী মংলান ওইবনা মরম ওইরগা ঐহাক্না ৱর্ল্দ নম্বর ১ ওইবা পাম্মি অমসুং থোমাস কপ অসি মীওই ১০না তীম অমা ওইনা শান্নগদবা তোর্নামেন্ত অমনি। মসি মঙলান অমনি মরমদি ভারতনা থোমাস কপতা মেদল অমুক্তা লৌবা ঙমদ্রি অমসুং চহি অসিদা ঐখোয়না অচৌবা খুদোংচাবা অমা ফংজখি মরমদি ঐখোয়না পুন্না নীংথিনা শান্নখি। অদুনা অনিমক মঙলানশিংনি, সর অনিমক থুংহনবা ঙম্লে, মসি ঐহাক্কী ওইনা য়াম্না নুংঙাইবনি, সর।
প্রধান মন্ত্রীজী: অহানবদা থোমাস কপতা ঐখোয়না য়াম্না শোত্থনা লৈরমখি মরমদি অসিগুম্বা মখলগী তোর্নামেন্ত অসিগী মরমদা লৈবাক অসিদা খন্নদে। অসিগুম্বা অচৌবা তোর্নামেন্ত অসি পাঙথোক্লি হায়বা মীয়াম্না খঙনদে অমসুং মরম অসিনা পাউ অসিনা মীয়ামদা য়ৌবা মতমদা ঐহাক্না নখোয়দা ফোন্দা হায়খ্রিবদুনি মদুদি নখোয়না মাইপাক্লিবা অসি খঙনবা হোৎনবদা ভারত্তা পুং ৪-৬ চংখিগনি। ফরে শ্রীকান্ত ঐহাক্না লৈবাক পুম্বগী মহুৎ শিন্দুনা দিকেদ কয়াগী মতুংদা ভারতকী ফিরাল পাইহনবা ঙমখিবা অসিগীদমক অদোম অমদি অদোমগী তীমবু হন্না-হন্না থাগৎচরি মসি অপীকপা মাইপাকপা অমা নত্তে।
শ্রীকান্ত : থাগৎচরি সর!
প্রধান মন্ত্রীজী: শান্নরোয় অমা অমদি কেপ্তেন অমা ওইনা অরোইবা মীকুপ অদুদা অদোমদা প্রেসর কয়াম লৈরমগনি হায়বা ঐহাক্না খঙই অদুবু অখাং কনবনা অদোম্না অপুনবা তীমবু লুচিংদুনা লৈবাক অসিগী মীচৎ পুরকখি। ঐহাক্না তেলিফোন্দা থাগৎপা ফোঙদোকখ্রবসু অমুক হন্না ইশানা থাগৎপা ফোঙদোক্তুনা নুংঙাইবা অদু ফাওজনীংই।
শ্রীকান্ত: থাগৎচরি সর!
প্রধান মন্ত্রীজী: মশান্না অসিগী মরমদা খরা হায়বীয়ু। অদোমগী অৱা-নুংঙাইগী মতাংদা পাউদমবীয়ু।
সাতবিক: শোইদনা হায়জগে! হৌখিবা নুমিৎ ১০নি অসি পুন্সিদা খ্বাইদগী কাউঙমদবা মীকুপ ওইখি সর। কোর্ত্তা শান্নবদা উৎপা মতৌগুম্না তীম পুম্বনা ওফ কোর্ত্তসু সপ্পোর্ত তৌই, মসি নীংশিংদুনা লৈহৌরগনি, সপ্পোর্ত স্তাফ অমসুং ভারত্তগীসু সপ্পোর্ত য়াম্না ফংখি অমসুং হৌখিবা নুমিৎ খরা অসি য়াম্না নুংঙাইখি সর। ঐখোয় হৌজিকসু থাইলেন্দদা লৈরিবগুম্না ফাওই। হকচাং মফম অসিদা লৈজরবসু ৱাখলদি মফম অদুদা লৈহৌরি।
প্রধান মন্ত্রীজী: নুমিদাংদা কেপ্তেন্না চৈরমগনি।
সাতবিক: সর ফাইনেল মতুংদা মীওই খুদিংমক্না মেদলশিং শীরগা তুমখি। কনা অমত্তনা লৌথোকখিদে।
প্রধান মন্ত্রীজী: ঐহাক্না কনাগুম্বা অমনা ত্বিত তৌবা উখি মদু প্রন্য ওইরবা মাল্লি: প্রন্যনা মদু পাইরফা মহাক তুম্মরোই হায়খি। শান্নরবা মতুংদা ভিদিও য়েংলগা করি ৱাৎপগী হায়না ভেরিফাই তৌবরা।
সাতবিক: হোয় সর, মেচ মমাংদা কনাগা নহাক্না শান্নগনি হায়না গেম অদু মপুং ফানা এনলাইজ তৌই সর।
প্রধান মন্ত্রীজী: সাতবিক নহাক্কী মাইপাকপা অসিনা নহাক্কী কোচ অদু চুম্মি হায়না তাকপা খক্তা নত্তনা মসিনা নহাক অফাবা শান্নরোয় অমনি অমসুং অফবা শান্নরোয় অসি গেমগী তঙাই ফদবশিংগী মতুং ইন্না মশাবু শেম শাজবা অদুনি হায়না তাক্লি। মহাক্না নখোয়বু মখোঙ শোম্বী, অওনবা অদু এসেপ্ত তৌই। নখোয়না গ্রো তৌবা মথৌ তারবদক মসি মথন্তা গ্রো তৌজৈ অমসুং লৈবাক অসিনা ফল অসিগীদমক চাউথোকচবা পোকই। অদোমদা য়াইফ মঙ্গোল পীজরি। অদোমনা তৌগদবা য়াম্না লৈরি, লেপ্পা তৌগনু। থৌনা ফনা মাংদা চংশিল্লু, মঙ্গোল পীরি!
থৌরম লান্থোক্লিবা: চিরাগ শেত্তী
প্রধান মন্ত্রীজী: য়েংঙু চিরাগ শেত্তী নহাকপু য়াম্না থাগৎনরি।
চিরাগ শেত্তী: সর অহানবা খুরুমজরি! মমাংগী চহিদা মফম অসিদা ঐখোয়না লাকখিবা অদু নীংশিংলি। ওলিম্পিক্সকী মতুংদা অদোম্না ঐখোয়বু কৌরকখি, ঐখোয় শান্নরোয় ১২০বধ অদোমগী য়ুমদা লাক্নবা বর্তন তৌরকখি, মেদল লৌরকপা ঙমখিদবশিংসু মফম অসিদা লাকখি মদুদা ঐখোয়না লৈবাক অসিগীদমক মেদল লৌরকপা ঙমখিদে হায়না নুংঙাইতবা পোকখি অদুবু হন্দক্তি ঐখোয়না থোমাস কপ য়াওবা চৎপদা ইথিল অমা পোকখি ঐখোয়না মেদলদি লৌদবা য়াদে হায়না খনখি। মেদল লৌরকপা অসিদগী হেন্না নুংঙাইবা অতোপ্পা অমা ঐখোয়গী লৈবাক্তা পীবা ঙমলোই হায়না খঞ্জৈ, ৱাফম অসি খক্তমক হায়জনীংই সর।
প্রধান মন্ত্রীজী: য়েংবীয়ু নখোয়না লাকখিবা মতম অদুদা নখোয়গী খরগী মাইথোংদা মাকশিনখি অমসুং ঐখোয়না মেদল লৌরকপা ঙমদ্রে হায়না নখোয়গী ৱাখলদা ফাওখি। অদুবু নুমিৎ অদুদা ঐহাক্না নখোয়সু মেদল ফংগদবা কুইদ্রবনি হায়খি অমসুং ঙসি নখোয়না পুন্সিদা মাইপাকপা ঙম্নবা হোৎনবদা মাইথিবা মায়োক্নবা তাই হায়না তাকখি, নখোয়না মথৌ তাবা অসি থৌনা, ইথিল অমসুং মাইপাক্নবগী খোঙথাংশিং অদুনি। চিরাগ মমাংদা নহাক্কী পার্তনরদসু হঙখ্রে অমসুং তোকিও ওলিম্পিক্সতা নহাক্কী ৱাখলদা এপেথী অমা অমা লৈখি অদুবু ঙসি মসি অদোম্না থবক ওইনা উৎলি। অদোম অমসুং অদোমগী তীমনা লৈবাক অসিবু চাউথোকচবা পোকহল্লি। নখোয়না হোৎনখি অমসুং ওলিম্পিক্সকী মতমদা নখোয়দা নুংঙাইতবা পোকপা অদু মতম কুইনা লৈখিদে, নখোয়না মাইপাক্তুনা হল্লকপা ঙমহল্লিবা অতেনবা মতম অসিদা নখোয়দা করি ইথিল ফাওবগে?
চিরাগ শেত্তী: সর মরু ওইনা ওলিম্পিক্সতা মাইপাকপা ঙমখিদবদা নুংঙাইতবা পোকখি, ঐহাক্নাসু হায়খ্রে ঐখোয়বু মাইথিবা পীখিবা, ঐখোয়না মাইথিবা পীখিবদা মখোয়না মেদল লৌখি অমসুং ঐখোয়না মাইথিবা পীখি। হন্দক্তি ওন্ন তৈনবা অমা থোকখি প্রি ক্বাতর ফাইনেল গ্রুপ স্তেজতা ঐখোয়বু মাইথিবা পীখি অমসুং ঐখোয়না মফম অদুদা চৎতুনা গোল্দ মেদল লৌখি। লাইফক ফাবদগী কাবনি নত্ত্রগা হায়নীংবা অমা হায়রবসু ঐখোয় মীওই ১০ অসিনা ভারতকী তৌবা ঙম্বা অদু উৎলদুনা ঐখোয় পুন্না মাইয়োক্নগনি উৎখি।
প্রধান মন্ত্রীজী: ৱা চিরাগ য়েংঙু ঐখোয়না নঙোন্দা অমসুং অপুনবা তীমদা হায়জনীংবদি নখোয়না অহেনবা মেদল কয়া লৌরকখিগনি। অমসুং শান্নগদবা অমসুং লৈশাৎ তমগদবা য়াম্না লৈরি অমসুং লৈবাক অসিবু স্পোর্তসকী লমদা পুশিনবা তাই মরমদি হৌজিক ভারত অসি শোত্থদুনা লৈ্রে অমসুং ঐহাক্না নখোয়দা অমগী মথংদা অমা মাইপাক্নবা হায়জরি। নখোয়না স্পোর্তসকী হৌরক্লিবা মীরোলদা ইথিল পীরি অমসুং মসি অচৌবা ৱাফম অমনি, নখোয়দা ঐহাক্না য়াইফ-মঙ্গোল পীজরি।
চিরাগ শেত্তী: হন্না-হন্না থাগৎচরি সর।
থৌরম লান্থোক্লিবা: লক্ষ্য সেন
প্রধান মন্ত্রীজী: লক্ষ্য সেনগা তেলিফোন্দা ৱারী শাবদা ঐহাক্না মঙোন্দা অথুম্বা পুরক্নবা হায়খি, মদু নীংশিংলদুনা ঙসি মহাক্না পুরক্লিবা অসিগীদমক ঐহাক্না অহানবদা তৌবীমল খঙবা উৎচরি। ফরে হায়য়ু লক্ষ্য।
লক্ষ্য সেন: হেলো সর! য়ুথ ওলিম্পিক্সতা গোল্দ মেদল ফংখিবদা ঐহাক্না অদোমগা উনখি অমসুং ঙসি অনিরক শুবা ওইনা উনরি, অদোমগা উনবা ফংজবা অসিনা ঐঙোন্দা য়াম্না ইথিল পীখি। ঐহাক্না ভারতকীদমক মখা তানা মেদল লৌবা পাম্মি অমসুং অদোমগা উনদুনা মীথাইশিং পুরকপা পাম্মি।
প্রধান মন্ত্রীজী: মফম অদুদা ফুদ পোইজনিং তৌখিবা অদুগী মতাংদা হায়য়ু লক্ষ্য?
লক্ষ্য সেন: হোয় সর! ঐখোয়না য়ৌখিবদা নুমিৎ অদুদা ঐহাক ফুদ পিজনিং তৌখি, নুমিৎ নিনি ঐহাক শান্নবা ঙমখিদে অদুবু মদুগী মতুংদা ঐহাক তপ্না তপ্না ফগৎলকখি। মেচ শান্নখি অমসুং অদুগা অমুক পোত্থখি।
প্রধান মন্ত্রীজী: মসি অমা হেক্তা চাশিনবদা থোকপরা?
লক্ষ্য সেন: নত্তে সর! নুমিৎ অদুদা এয়রপোর্ত্তা ঐহাক্না করিগুম্বা অমা চাশিনখি মদুনা মরম ওইদুনা পুক য়াম্না নুংঙাইখিদে তোর্নামেন্ত অসি হৌরকপদা ঐহাক্না নোংমা নোংমগী ফগৎলকখি।
প্রধান মন্ত্রীজী: ঙসি লৈবাক অসিগী অপিক-অপিকপা অঙাংশিংনসু চৎনীংলি। মখোয়দা অদোম্না করি পাউজেল পীনীংবগে?
লক্ষ্য সেন: বিমল সরনা ঐহাক অসি য়াম্না মঙাওথিগল্লি হায় অমসুং ঐহাক্না ঙাওবা খরা হল্লম্বা তারবদি হেন্না ফরম্বা য়াই মরম অসিদা ঐহাক্না মীয়ামদা হায়নীংবদি থবক অমা তৌবদা থমোয় শেংনা তৌ অমসুং মদুদা মপুং ফানা থৱায় হকচাং য়াওনা হোৎনৌ হায়বা অসিনি।
প্রধান মন্ত্রীজী - ফুদ পোজনিং থোক্লবা মতুংদা হকচাংদা নুংঙাইতবা লৈরমগনি অদুগা অদোম্না মেন্তেল প্রোব্লেমশিংসু থেংনরমগনি খল্লি। গেমদি হৌখ্রে, হকচাংদি ফগৎলকতে, মতম অদুদা অদোম্না বেলেন্স তৌদুনা লৈরমগনি। অমসুং ফুদ পোইজনিংগী অৱাবা অসি মায়োক্নদুনা গেম অসি শান্তি ওইনা য়াওখি। মীকুপ অদু অমুক হন্না নীংশিংলুবদা অদোমদা থৌনা হেন্না হাপলমগনি। মীওই তরানা করিসু তৌরোই হায়না হায়রমগনি। অমসুং মদু ঐহাক্না খঙই, অমসুং অনিশুবদা মসিগী মঙাওথিবা অসি থাদোক্কনু মসি অদোমগী পুন্সিগী ইথিল অমনি। ঐহাক্না অমুক হন্না নুংঙাইবা ফোঙদোকচরি।
হোয় প্রন্য, হায়বীয়ু, মদু নহাক্কী ত্বিত নত্ত্রা?
প্রন্য – হোয় সর, ঐহাক্কী ত্বিতনি সর। চহি ৭৩গী মতুংদা থোমাস কপ ফংখিবা অসিনা মরম ওইরগা ঐখোয়গী য়াম্না নুংঙাইবা মীকুপ অমা ওইখি অমসুং মসি হেন্না চাউথোকচনীংঙাই ওই হায়না ঐহাক্না ফাওই মরমদি মসি ঐখোয়না লৈবাক অসিগী নীংতম্বা ফংখিবগী ৭৫ শুবা চহিদা ফংবা ঙম্লি। অদুনা মসি লৈবাক অসিগীদমক পীবা অচৌবা খুদোল অমনি অমসুং মসিদা ঐহাক্না য়াম্না নুংঙাইবা পোকই।
প্রধান মন্ত্রী - ফরে প্রন্য মলেসিয়া, দেনমার্ক অসি অফবা তীমশিংনি অমসুং মরু ওইবা মেচশিংদা মখোয়গী ফজদবা ক্বাতর-ফাইনেল অমসুং সেমি-ফাইনেল ৱিন অদুনা মীৎয়েং পুম্বা প্রন্যদা থমখি, করি থোকখিবগীনো। প্রেসর অদু অদোম্না করম্না লাকশিনবগে অমসুং মসিদা অদোম্না পাউখুম করম্না পীখি।
প্রন্য - সর প্রেসর অদু য়ামখি সর। মরু ওইনা ক্বাতর ফাইনেলশিংদা। মরমদি করিগুম্বা মেচ অসি মাইথিরবদি ঐখোয়না মেদল ফংলোই হায়বা ঐহাক্না খঙই অমসুং মেদল য়াওদনা ঐখোয়না হনখিগনি খঙই। অদুবু তীম স্পিরিৎ অসিনা ঐখোয়দা থৌনা হাপখি অমসুং অহৌবা নুমিৎতাগী হৌদুনা মেদল লৌদবা য়াদে হায়বা ৱাখল্লোনগা লোয়ননা হোৎনখি। মিনিৎ তরাগী মতুংদা ঐহাক্না মসি কাদেবা য়াদে খনখি। অমসুং চপ মান্নবা ফীভম অসিমক সেমি ফাইনেলদসু ওইখি সর। করিগুম্বা ঐখোয়না ফাইনেল য়ৌবা ঙম্লবদি গোল্দ লৌবা ঙমগনি হায়না ঐহাক্না খঙবনা প্রেসর হেনখি। অমসুং তীম পুম্বগীদমক ঐহাক্না সরদা থাগৎপা ফোঙদোকচরি। মরমদি মখোয় অদু স্পোর্তসকীনি অমসুং মীওইশিং অসিনা থৌনা কয়া পীখি।
প্রধান মন্ত্রী - য়েংঙু প্রন্য অদোম লান্মী অমা ওইনা ঐহাক্না উই। গেম অসিদগী মাইপাক্নবা অদোমদা য়াওরিবা ইথিল অদুবা অদোমগী খ্বাইদগী চাউবা পাঙ্গল ওইরি। অমসুং অদোমগী হকচাংদা শোকপা মতমদা, অদোম্না তৌবা খুদিংদা অদোমদা অচৌবা থৌনা অমা য়াওরি অমসুং ইথিল অমসু য়াওরি। ঐহাক্না য়াইফ-মঙ্গোল পীজরি।
প্রন্য – হন্না-হন্না থাগৎচরি সর!
থৌরম লান্থোক্লিবা – উন্নরি হুদা
প্রধান মন্ত্রী - ময়ামদগী উন্নতিনা খ্বাইদগী অঙাং ওইবরা।
উন্নতি –গুদ ইভিনিং সর।
প্রধান মন্ত্রী - হায়বীয়ু উন্নতি
উন্নতি – সর, অহানবদা মসিগী শরুক অমা ওইরুবনা ঐহাক্না ঙসি য়াম্না নুংঙাইবা পোকই। অমসং সর ৱাফম অমনা ঐহাকপু য়াম্না ইথিল পীখি মদুদি মতম চুপ্পদা অদোম্না মেদলিস্ত অমসুং নন-মেদলিস্তকী মরক্তা খেন্নবা থমদে।
প্রধান মন্ত্রী - ৱা জী ৱা! অদুক চহী নৌরিঙৈদা সিনিয়র কয়াগা পুন্না অমসুং ওলিম্পিক্সকী ৱিনর য়াওবা তীম অদুদা য়াওবা অদু অদোমদা করি ফাওবগে?
উন্নতি –সর, তোর্নামেন্ত অসিদগী ঐহাক্না এক্সপরিয়েন্স য়াম্না ফংখি অমসুং পরা কয়া তমশিনখি। অমসুং নুপা তীমনা কাখি অমসুং নুংঙাইবা পোকখি অমসুং মথংদা নুপী তীমশিংনা থোইদুনা মেদল ফংগনি হায়না ফাওই।
প্রধান মন্ত্রী - হরিয়ানাদগী হৌরকপা শান্নরোয় কয়া থোরক্লিবা অসি করম তৌবনো হায়বীয়ু?
উন্নতি –সর অহানবা অসি দুধ-দহি চাবা অসিনি।
প্রধান মন্ত্রী - উন্নতি ঐহাক অমদি লৈবাক পুম্বনা নহাক্না মীংচৎ পুরক্কনি হায়না থাজৈ। চহি নৌরিঙৈদা অদোম্না খুদোংচাবা অসি ফংখি। অদোম্না মসি হৌবতা ঙাইরি হায়না লৌগনি। তৌগদবা কয়া অমা লৈরি। মফম অসিদা লাকপা খুদিংদা মাইপাক্লগা লাকপীয়ু। অদোম্না চৎকদবা লম্বী য়াম্না শাংই। অমসুং চহি নৌরিঙৈদা এক্সপরিয়েন্স য়াম্না ফংলে। অমসুং মাইপাকপা অসি দাইজেস্ত তৌদুনা মাংদা চংশিল্লু অমসুং মসিনা অদোমদা মতেং য়াম্না ওইগনি। মসিনা থৌনা হাপকনি। ঐহাক্কী মাইকৈদগী য়াইফ-মঙ্গোল পীজরি।
উন্নতি – থাগৎচরি সর।
জে জজা – গুদ ইভিনিং সর।
প্রধান মন্ত্রী - জে জজা
জে জজা – নহা ওইরিবা প্লেয়র অমা ওইনা ভারতকীদমক শান্নবা ফংজবা অসি লাইবক ফবনি। লাক্কদৌরিবা চহিশিং অসিদা ঐখোয়গী লৈবাক্কী মেদল কয়া লৌরক্তুনা ভারতপু চাউথোকচবা পোকহনগনি।
প্রধান মন্ত্রী - ফেমিলী সপ্পোর্ত কমদৌবগে।
জে জজা –সর, পাপা অসি হান্নদগী স্পোর্তসতা লৈরকপনা মহাক্না অহানবা ফিজিকেল এজুকেসনগী ওজা ওইখি। অদিনা মহাক্না বেদমিন্তন শান্নবদা সপ্পোর্ত তৌখি, অহানবদা য়ুমদা কোর্ত শাখি, য়ুমদা তাকপীখি। মতুংদা নেস্নেল তোর্নামেন্ত, স্তেৎ অসিনচিংবদা মেদল লৌরকখি। ভারতকী তীমদা য়াওবা ঙম্নবা আশা অমা তৌখি।
প্রধান মন্ত্রী – অদোমগী ইমুংদা লৈরিবা মীওইশিংনা অপেনবা ওইরবরা?
জে জজা – হোয় সর য়াম্না ওইরে।
প্রধান মন্ত্রী - ইপানা নহাক্কীদমক হোৎনখিবা অদুনা মহাকসু হৌজিক্তি অপেনবা পোক্লে।
জে জজা – হোয়
প্রধান মন্ত্রী - য়েংঙু জয়া, উবর কপতা নখোয়না শান্নখিবা অদুদা লৈবাক অসিনা য়াম্না চাউথোকচবা পোকখি। অমসুং নখোয়না তার্গেৎ ফংবা ঙমখি। ঙসি নখোয়না পাম্লিবা ফল অদুমক ফংবা ঙমদ্রবসু নোংমদি নখোয়না পাম্বা অমসুং নখোবগী তীমনা পাম্বা ফল অদু ফংবা ঙমগনি হায়না ঐহাক্না থাজৈ। অতোপ্পা লাক্কদৌরিবা তীমনসু ফলশিং পুরক্কনি, নখোয়গী অহৌবা অসি য়াম্না ফজৈ। লৈবাক অসিগী নহারোলশিংদা নখোয়না অনৌবা থৌনা, অনৌবা ইনোৎ হাপলি অমসুং লৈবাক অসিনা হায়বদি মীওই করোর ১২৪ অসিনা দিকেদ তরেৎ ঙাইরকখিবনি।
দিকেদ তরেৎ অসিদা ঐখোয়গী শান্নরোয়গী মীরোল কয়া হৌখ্রে। বেদমিন্তনগী খঙবা মীওইশিংনদি মঙলান অসি শোইদনা শাগৎলমগনি। নখোয়না মঙলান অদু থুংহল্লি, মসি অপীকপনি হায়বা য়ারোই। অমসুং ঐহাক্না ফাইনেল মেচধা জজাগা ৱারী শাবদা নখোয়না পাঙথোক্লিবা অদু কয়াম চাউবগে হায়বা নখোয়না খঙদে হায়না ফাওখি। মরম অসিনা ঐহাক্না হঞ্জিন-হঞ্জিন্না নখোয়না অচৌবা থবক অমা তৌরে হায়না হায়জরিবনি।
অদোমগা মরী লৈনবা স্পোর্তসতা অদোম্না চাউনা অসুম্না মাইপাক্লকপা অসিদা ভারতকী স্পোর্তস ইকো-সিস্তেমনা মাগী কলচরদা মথৌ তাবা অনৌবা ইথিল, অনৌবা থৌনা অদু ফংখি। অফবা কোচনা ফাওবা পাঙথোকপা ঙমখিদবা অদু নখোয়না পাঙথোক্তুনা উৎলি।
উবর কপতা হেন্না হোৎনগদবা লৈরি, ঐখোয়না ঙাইখিদে অদুবু ঐখোয়না মাইপাক্নবা শেম-শাবা হৌসি। অমসুং ঐখোয়না মতম শাংনা ঙাইরোই হায়না ঐহাক্না থাজৈ মরমদি ঐহাক্না নখোয়গী মীৎশিংদা য়েংবদা নখোয়না ফাওরিবা ইহুল অদু খঙবা ঙম্মি। অমসুং ঐখোয়গী নু্পী তীমশিংনা হঞ্জিন-হঞ্জিন্না মখোয়গী ক্লাস অদু উৎপা ঙমখ্রে। ঐহাক্না ময়েক শেংনা উরি মদুদি মতমগী ৱাফম খক্তনা হন্দক নত্ত্রবসু মথংদা শোইদনা মাইপাক্কনি। নখোয়না মাইপাক্তুইনা হল্লক্কনি।
অমসুং নীংতম্বা ফংখিবগী আজাদী কা অমৃত মহোৎসব চত্থরিবা অসিদা নখোয়গী মীৎমাংদা ভারতনা শান্ন-খোৎনবগী লমদা চাউখৎলক্লি, শান্নবুংদগী নহারোক কয়া থোরক্তুনা মালেমগী ফম্পাক্তা শান্নরি। অমসুং অনৌবা থৌনাগা লোয়ননা ৱাখল্লোন অসি – ঐখোয়না তৌবা ঙমগনি – হায়বা অসিনা ওইরি। অমসুং প্রন্যদা হায়খিবা অদুগুম্না ঐহাক্কী ৱাখল্লদা হন্দক্তা মাইথিবা য়াদে তুংহনবা য়াদে হায়না খনগদবনি।
হোয়, ঐখোয়না তৌবা ঙমগনি। মসিনা ভারতকী অনৌবা ফোর্স ওইহল্লি। অমসুং উৎনবা হোৎনৌ। অমসুং ওপ্পোনেন্ত অদুনা ফনা শক্তি লৈরবসু, মহাক্কী রেকোর্দ লৈজরবসু মদুদগী হেন্না মরু ওইরিবদি ঙসিগী পর্ফোরমেন্সনি হায়বা নখোয়না নীংশিংঙু। ঐখোয়না কদাইদা য়ৌবা তাই, মদু ফংনবা থৌনাগা লোয়ননা মাংদা চংশিনগদবনি।
অদুবু মরুপশিং নীংশিংগদবদি লৈবাক অসিনা নখোয়দা এক্সপেক্তেসন থম্বা অসি হেনগৎলকপা হায়বা অসি মহৌশানি। লৈবাক অসিনা নখোয়দা এক্সপেক্তেসন থম্বা হেনগৎলকপগা লোয়ননা প্রেসর হেনগৎলক্কনি। অমসুং প্রেসর হেনগৎলকপা হায়বা আসি ফত্তবা নত্তে। অদুবু প্রেসরগী মখাদা লৈবা অসিদি ফত্তে। ঐখোয়না প্রেসর অদু ইনর্জীদা ওন্থোকপা তাই। অমসুং মদু শক্তিদা ওন্থোকপা তাই। ঐখোয়না পুক্নীং থৌগৎপা তাই অমদি খোঙজেল য়াংখৎপা তাই।
হৌখিবা চহি খরা অসিদা ভারতকী নহারোলশিংনা স্পোর্তস খুদিংমক্তা নীংথিনা শান্নরি। অমসুং করিগুম্বা অনৌবা, করিগুম্বা অফবা অমসুং করিগুম্বা অহেনবা অমা তৌনবা হোৎনরি। হৌখিবা চহি ৭-৮ অসিদা ভারতনা অনৌবা রেকোর্দশিং থমখি। ঐখোয়গী নহারোলশিংনা থৌনা উৎখি। ওলিম্পিক্স, পেরালিম্পিক্স ওইরবসু রেকোর্দ পর্ফোরমেন্স উৎখি। দেফওলিম্পিক্সকী মীওইশিংগা ঙসি অয়ুক উনখি। ঐখোয়গী অঙাংশিংনা নীংথিনা পর্ফোরম তৌখি।
ঙসি স্পোর্তসকী মতাংদা থাজনরম্বা অদু হোংলক্লে। মমা মপাশিংনা ঐখোয়না পুক্নিং থৌগৎপদা মতেং পাংশিল্লি। মমা-মপাশিংসু অঙাংশিংনা লম অসিদা মাংদা চংশিন্নবা হোৎনবদা আশা চাউনা থম্মি। অদুনা অনৌবা কলচর, অনৌবা এনভাইর্নমেন্ত অমা ঐখোয়না শেমখি। মসি ভারতকী স্পোর্তসকী পুৱারীদা গোল্দন চেপ্তর অমনি।
ঐখোয়না মসিগী খোঙজেল অসিদা মাংদা চংশিনবা তাই, মসিদা অপনবা অমত্তা লাকহনগনু। ঐহাক্না সরকার অসিনা নখোয়গী অঙম্বা মতেং পীগনি, মথৌ তারকপদা পুক্নিং থৌগৎকনি, তেংবাং পীগনি হায়না থাজবা পীরি। শেম-শাবা অসিদা মথৌ তাবা পুম্নমক থুংহনগনি। অমসুং ঐহাক্কী মাংদা ফম্লিবা অসিদা খক্তা নত্তনা লৈবাক পুম্বদা লৈরিবা শান্নরোয়শিংদা ঐহাক্না থৌনা পীজরি। হৌজিক মসিদা লেপথোক্কনু হৌজিক্তি তুংহন্দুনা চৎপগী মতম নত্তে। ঐখোয়না মাংদা চংশিনবা তাই, পান্দম অমগা লোয়ননা মাংদা চংশিনবা তাই অমসুং মাইপাক্তুনা হল্লক্কদবনি। ঐহাক্না পুম্নমকপু য়াইফ-মঙ্গোল পীজরি।
হন্না-হন্না থাগৎচরি!
