নিংশিং শেনয়েক অমসুং স্তাম্প ফোঙখ্রে
“অনৌবা পর্লিয়ামেন্ত অসি ভারতমচা করোর ১৪০গী অনিংবশিং অমসুং মঙলানশিংগী মমি অমনি”“মসি মালেমদা ভারতনা শক্লিবা ৱাশক্কী পাউজেল অমা পীবা ঐখোয়গী গনতন্ত্রগী লাইশঙ অমনি”“ভারতনা খুমাঙ চাউশিনবা মতমদা, মালেম খুমাঙ চাউশিল্লি”“ঐখোয়না শেংলবা শেঙ্গোলগী চিংলেম্বা অমুক হঞ্জিনহলবা অসি ঐখোয়গী লাইবক ফবনি। হাওসকী থবক-থৌরমশিং মনুংদা শেঙ্গোলনা ঐখোয়দা ইথিল পীগনি”“ঐখোয়গী গনতন্ত্র অসি ঐখোয়গী অপাম্বনি অমসুং ঐখোয়গী সংবিধান অসি ঐখোয়গী ৱারেপ্নি”“অমৃত কাল অসি ঐখোয়গী হেরিতেচ ঙাকপগা লোয়ন্না চাউখৎপগী অনৌবা মশকশিং শেম্বা মতম অমনি”“ঙসিগী ভারতনা মীনাই ওইবগী ৱাখল্লোন তুংওইনরম্লে অমসুং কলাগী অরিবা ফজবা লৌশিল্লে। মসিগী অনৌবা পর্লিয়ামেন্ত বিল্দিং অসি মসিগী থবক অসিগী অহিংবা খুদম অমনি”“বিল্দিং অসিগী মচাক খুদিংমক্তা ঐখোয়না এক ভারত শ্রেস্থা ভারতকী ৱাখল্লোন উরে”“অনৌবা পর্লিয়ামেন্ত বিল্দিংদা শ্রামিকশিংনা পাংথোকখিবা থবকশিং মুৎপা নাইদনা থম্বা অসি মসিনা অহানবনি”“অনৌবা পর্লিয়ামেন্ত বিল্দিং অসিগী চেক খুদিংমক, ফক্লাং খুদিংমক, মচাক খুদিংমক লায়রবশিংগী য়াইফনবা কৎথোক্মহাক্না মৈরা অমসু চুখৎখি অমসুং শেঙ্গোলদা লৈ কৎখি।ইকাই খুম্নরবা লোক সভাগী স্পীকর শ্রী ওম বির্লাজী, রাজ্য সভাগী দিপুতী চিয়রমেন শ্রী হরিবন্সজী, ইকাই খুম্নরবা পার্লিয়ামেন্তগী মেম্বরশিং, মকোক থোংবা মীয়ামগী মীহুৎশিং, অখন্নবা মীথুংলেনশিং, অতোপ্পা দিগনিতরীশিং, অমসুং ঐহাক্কী ইরৈবাকচাশিং!
লৈবাক খুদিংমক্কী চাউখৎ-থৌরাংগী খোঙচৎতা, মতম চুপ্পগী ওইনা অমর ওইরবা মীকুপশিং লৈখি। পুৱারীদা মুৎনাইদনা মমি তাখিবা তাং খরা লৈ। ঙসি, মে ২৯, ২০২৩ অসি অদুগুম্লবা য়াইফরবা নুমিৎ অমনি। লৈবাক অসিনা মাগী নীংতম্বগী চহি ৭৫ শুরকপদা ‘অমৃত মহোৎসব’ পালন তৌরি। ভারতকী মীয়াম্না মখোয়গী দেমোক্রেসীবু ‘অমৃত মহোৎসব’কী মতমদা অনৌবা পার্লিয়ামেন্ত হাউস খুদোল তমখি। পার্লিয়ামেন্ত হাউস কমপ্লেক্সতা অয়ুক্তা লাইনীং লাইশোন পুম্নমক্কী থৌনি থৌরম পাঙথোকখি। ঐহাক্না ইরৈবাকচা পুম্নমক্তা ভারতকী দেমোক্রেসীগী মরু ওইবা মীকুপ অসিগীদমক নুংঙাইবা ফোঙদোকচরি।
মরুপশিং,
মসি শুপ্নগী বিল্দিং অমা খক্তা নত্তে। মসি ভারত মচা করোর ১৪০গী অনীংবশিং অমসুং মঙলানশিংগী মমি অমনি। ঐখোয়গী দেমোক্রেসীগী মন্দিরনা মালেমদা ভারতকী অচেৎপা ফিরেপকী পাইজেল পীরি। অনৌবা পার্লিয়ামেন্ত হাউসনা অশেংবদা থোকপগা পোরমশিংগা, ইমপ্লিমেন্তেসনগা পোলোসীশিং অমসুং মাইপাকপগা অখাং কনবগী মরক্তা মরু ওইবা লিঙ্ক অমনি হায়না উৎলগনি। অনৌবা বিল্দিংনা ঐখোয়গী নীংতম লান্মীশিংগী মঙলানশিং মঙফাওনবা ঙম্নবা পাম্বৈ অমা ওইরগনি। অনৌবা বিল্দিং অসিনা ‘আত্মনির্ভর ভারত’কী মঙলান থুংহল্লগনি। অনৌবা বিল্দিং অসিনা চাউখৎপা ভারতকী অনীংবশিং মঙফাওনবা উবা ফংলগনি। অনৌবা বিল্দিং অসিনা অনৌবা অমদি অরিবা অনিমক্কী কোএকজিস্তেন্সকী মতিক চারবা রিপ্রজেন্সতেসন অমসু ওইরি।
মরুপশিং,
অনৌবা মোদেলশিং অসি অনৌবা লম্বীশিং য়াৎলবা মতমদতা ওইথোকপা ঙমগনি। ঙসি, অনৌবা ভারতনা অনৌবা পান্দমশিং থম্মি অমসুং অনৌবা লম্বীশিং শেম্মি। অনৌবা ইনোৎ য়াওরি। অনৌবা খোঙচৎ অমসুং অনৌবা ৱাখল্লোন ওইরি। মাইকৈ অদু অনৌবনি অমসুং বিজন অদু অনৌবনি। ফিরেপ অদু অনৌবনি, থাজবা অদু নৌবনি। অমসুং ঙসি, অমুক হন্না মালেম পুম্বনা ইকাই খুম্নবা অমসুং থাজবগা লোয়ননা ভারত্তা, ভারতকী অখাং কনবা মতৌ, ভারত মীয়ামগী মতিক-ময়াই, ভারত মচাগী থৌনাদা মীৎয়েং থম্মি। ভারতনা খুমাং চাউশিল্লবা মতমদা মালেমনা খুমাং চাউশিনবা ঙমগনি। অনৌবা পার্লিয়ামেন্ত হাউসনা ভারতকী চাউখৎ-খোঙচৎকী মৈরা ওইবা খক্তা নত্তনা মালেমগী খুমাং চাউশিন্নবগী খোলাউগী খোন্থাংসু ওইরগনি।
মরুপশিং,
পুৱারী ওইরবা মীকুপ অসিদা শেংলবা সেঙ্গোল অসি মীকুপ খরগী মমাংদা পার্লিয়ামেন্তগী অনৌবা বিল্দিংদা খিনখ্রে। সেঙ্গোল অসি অচৌবা চোলা সমরাজ্যগী মতমদা থৌদাং লৈ, শেবা অমসুং লৈবাক নীংবগী খুদম অমা ওইনা লৌনরম্মি। সেঙ্গোল অসিনা রাজাজী অমসুং অধীনমগী মুনিশংগী লমজিং মখাদা ত্রান্সফর ওফ পাৱরগী খুদম ওইরকখি। মপুং ওইনা তামিল নাদুগী অধীনমগী লম্বোইবশিংনা ঐখোয়বু থৌজাল পীবীনবা অয়ুক্তা পার্লিয়ামেন্ত হাউস অসিদা লাকপীরমখি। ঐহাক্না মখোয়দা অমুক হন্না ইকোক নোন্দুনা ইকাই খুম্নবা উৎচরি। শেংলবা সেঙ্গোল অসি মখোয়গী লমজিং লমতাক মখাদা লোক সভাদা খিনখি। হন্দক্তা মেদিয়ানা মসিগী পুৱারীগা মরী লৈনবা ইপাউ কয়া শিয়র তৌখি। ঐহাক্না মসিগী মতাংদা কুপ্না হায়জররোই। অদুবু ঐহাক্না থাজৈ মদুদি শেংলবা সেঙ্গোলগী মতিক ময়াই অমসুং ইকাই খুম্নবা অসি অমুক হঞ্জিন হনবা ঙম্বা হায়বা অসি ঐখোয়গী লৈবাক ফবনি। পার্লিয়ামেন্ত হাউস অসিদা প্রোসীদিংশিং হৌবা খুদিং সেঙ্গোল অসিনা ঐখোয় পুম্নমক্তা মখা তানা ইথিল পীগনি।
মরুপশিং,
ভারত অসি দেমোক্রেসী চৎপা লৈবা অমা ওইবা খক্তা নত্তনা দেমোক্রেসীগী মমাসু ওইরি। ঙসি ভারত অসি গ্লোবেল দেমোক্রেসীগী মরু ওইবা বেজ অমসু ওইরি। দেমোক্রেসী অসি ঐখোয়গীদমক সিস্তেম অমা খক্তা নত্তে; মসি কলচর, ৱাখল্লোন অমসুং চৎনবী অমনি। ঐখোয়গী বেদনা ঐখোয়দা সভা অমসুং সমিতীশিংগী দেমোক্রেতিক ওইবা ৱাখল্লোনশিং তাকপীখি। ‘গানাস’কী সিস্তেম অমসুং রিপব্লিক অসি মহাভারতকুম্বা তেক্সশিংদা য়াওরমখি। ঐখোয়না বৈশলিগুম্বা রিপব্লিক্কী খুত্থাংদা হিংখি। ঐখোয়না ভগৱন বসাবেশ্বরাগী ‘অনুভাব মন্তপা’ অসি ঐখোয়গী চাউথোকচবা অমা ওইনা লৌখি। তামিল নাদুদা ৯০০ এদি মতমগী ইনস্ক্রিপ্সন ফংখিবা অসিনা মীপুম খুদিংমক্তা হৌজিক ফাওবা অঙকপা পোক্নহনখি। ঐখোয়গী দেমোক্রেসী অসি ঐখোয়গী ইথিলনি, ঐখোয়গী কনস্তিত্যুসন্না ঐখোয়গী ফিরেপনি। ঐখোয়গী পার্লিয়ামেন্তনা মসিগী ইথিল অমসুং ফিরেপ অসিগী খ্বাইদগী ফবা রিপ্রজেন্তেতিব ওইরি। অমসুং পার্লিয়ামেন্তনা শেতে নিপধ্য-মানস্য চরাতি চরতো ভগ: চরৈবেতি, চরৈবেতি – চরৈবরি হায়বদি খোঙফম লেংদ্রবা মীশক অদুগী লাইবকসু খোঙফম লেংলরোই হায়বা অসি তাক্লিবা লৈবাক্কী ফজরবা কলচর অসি তাক্লি। অদুবু মখা তনা চংশিল্লিবা মীশক অদুগী মরাইবক অদুদি খুমাং চাউশিনগনি, অনৌবা পনখৈশিংসু য়ৌবা ঙমগনি মরম অসিনা ঐখোয়না মাংদা চংশিনগদবনি। ঐখোয়গী ভারতনা মাগী অনৌবা খোঙচৎ অসি মীখা পোন্দুনা মাংবা য়াবা কয়া মাংলবা মতুংদা হৌখি। খোঙচৎ অসিদা অৱাবা নুংঙাইবা কয়া থেংনখি, শীংনবা কয়া মায়োক য়াখি, অমসুং হৌজিক নীংতম্বগী “অমৃত কাল”দা চংশিল্লি। নীংতম্বগী “অমৃত কাল” অসি হেরিতেজ য়োকখৎপগা লোয়ননা চাউখৎপগী অনৌবা মায়োল অমদা চংশিল্লিবা ‘অমৃত কাল’ অদুনি। নীংতম্বগী ‘অমৃত কাল’ অসি লৈবাক্তা অনৌবা মাইকৈ তাক্লিবা ‘অমৃত কাল’ অদুনি। নীংতম্বগী ‘অমৃত কাল’ অসি লোইনাইদ্রবা মঙলানশিং অমসুং মশিং লাকঙমদ্রবা অনীংবশিং থুংহন্নবা ‘অমৃত কাল’ অদুনি। ‘অমৃত কাল’গী পান্দম অসি --
নীংতম্লবা ইমা লৈবাক অসিদা অনৌবা ভেল্যুশিং লৈফম থোকই।
অনৌবা কুহ্মৈ অসিগীদমক ঐখোয়না অনৌবা থৌনা মথৌ তাই।
অনৌবা ঈশৈ শকপগা ইরোইননা ঐখোয়না অনৌবা সুর অমা মথৌ তাই।
অনৌবা কুহ্মৈ অসিগীদমক ঐখোয়না অনৌবা থৌনা মথৌ তাই।
মরম অসিনা ভারতকী অফবা তুংলমচৎ শেমগদৌরিবা মসিগী থবক মফম অসিনা চপ মান্ননা ইন্নোবেতিব অমসুং মোর্দন ওইবা মথৌ তাই।
মরুপশিং,
মতম অমদা ভারত অসি খ্বাইদগী চাউখৎপা অমসুং মতিক ময়াই লৈবা মালেমগী লৈবাকশিংগী মনুংদা চল্লমখি। ভারতকী সহরশিংদগী কোনুংশিং ফাওবদা, ভারতকী মন্দিরশিংদগী স্কল্পচরশিং ফাওবদা ভারতকী আর্কিতেকচরনা ভারতকী হৈশিংবা অদু তাকখি। ইন্দস সিবিলাইজেসনগী তাউন প্লান্নিংদগী মৌর্যনগী য়ুম্বী অমসুং স্তুপাশিং ফাপবদা, চোলাশিংনা শারমখিবা অচৌবা মন্দিরশিংদগী রিজার্বর অমদি অচৌবা দামশিং, ভারতকী মতিক ময়াই অসিনা মালেমদগী লাকপা লমকোইবশিংদা অঙকপা পোকহনখি। অদুবু মীখা পোনবগী চহি কয়ানা ঐখোয়দগী মসিগী ফজরবা মতিক ময়াই অসি মুনবীখি। অতোপ্পা লৈবাকশিংদা শারিবা অসিনা ঐখোয়বু শুমহৎপা হৌখিবা মতমসু লৈখি। ২১শুবা চহিচাগী অনৌবা ভারত, থৌনা থল্লবা ভারতনা মীখা পোনবগী ৱাখল্লোন তুংওইনদুনা থম্লি। ঙসি ভারতনা অমুক হন্না মাগী অরিবা মতমগী মতিক ময়াই লৈরবা ইচেল অদু তম্না চংশিনখি। অমসুং অনৌবা পার্লিয়ামেন্ত হাউসনা খোঙথাং অসিগী হিংদুনা লৈরিবা খুদম অমা ওইরি। ঙসি ভারত মচাশিংনা অনৌবা পার্লিয়ামেন্ত হাউস অসি য়েংবদা চাউথোকচবনা থল্লি। বিল্দিং অসিদা হেরিতেজ লোয়ননা আর্কিতেকচর য়াওরি। মসিদা আর্ত লোয়ননা স্কিল য়াওরি। মসিদা কলচর লোয়ননা কন্সতিত্যুসনগী খোলাউ য়াওরি।
অদোমনা উবা ফংগনি লোক সভাগী মনুং অসি জাতিগী উচেক, ৱাহোংদা য়ুম্ফম ওই। রাজ্য সভাগী মনুং অসি জাতিগী লৈ, থম্বালদা য়ুম্ফম ওই। অমসুং ঐখোয়গী জাতিগী উ-পাম্বী খোঙনাং অসিসু পার্লিয়ামেন্ত মনুংদা লৈ। অনৌবা বিল্দিংদা ঐখোয়গী লৈবাক্কী তোঙান-তোঙানব শরুকশিং দাইভর্সিতী য়াওরি। রাজস্থানদগী পুরকখিবা গ্রেনাইৎ অমসুং সেন্দস্তোন শীজিন্নখি। ৱুদন ৱার্ক অসিনা মহারাস্ত্রদগীনি, য়ু.পি.গী ভাদোহিগী আর্তিসনশিংনা কার্পেৎশিং মখুৎনা শাখি। অমরোমদা ঐখোয়না বিল্দিং অসিগী পোৎলম খুদিংমক্তা ‘এক ভারত শ্রেস্থ ভারত’কী ৱাখল্লোন উবা ফংগনি।
মরুপশিং,
ঐখোয় পুম্নমক্না খঙই মদুদি পার্লিয়ামেন্তগী অরিবা বিল্দিংদা থবক তৌবদা অৱাবা কয়া থেংনৈ হায়বা অসি। তেক্নোলোজী লোয়ননা ফমফমগী শিল-লাংবদা খুদোংচাদবা কয়া মায়োক্নৈ। হৌখিবা দিকেদ অনি মখাই অসিদা লৈবাক অসিনা অনৌবা পার্লিয়ামেন্ত বিল্দিং অমগী মথৌ তাবগী মতাংদা ফোঙদোক্তুনা লাকখি। অমসুং ঐখোয়না মীয়াম্না সীৎকী মশিং হেনগৎলকপা মতমদা মীয়াম্না কদাইদা ফমগনি অমসুং তুংদা পার্লিয়ামেন্তগী মেম্বরশিংগী মশিং হেনগৎলকপদা কমদৌগনি?
মরম অসিনা ঐওয়না পার্লিয়ামেন্তগী অনৌবা বিল্দিং অমা শাবা অসি তঙাই ফদবা অমা ওইখি। অমসুং মোদর্ন ফেসিলিতীশিং য়াওবা অচৌবা বিল্দিং অসি উবাদা ঐহাক্না নুংঙাইবা পোকই। ঐখোয়না উবা ফংলে মদুদি মীকুপ অসিদা নুমিৎকী মঙালনা হোল অসিদা চংলি। মৈ শীজিন্নবগী চাং হন্থহন্নবা হোৎনখি অমসুং মফম খুদিংমক্তা খ্বাইদগী নৌবা তেক্নোলোজীগী গেদজেৎশিং লৈরি।
মরুপশিং,
অয়ু্ক্তা ঐহাক্না পার্লিয়ামেন্ত হাউস অসি শাবদা য়াওখিবা শিন্মী কাংলুপ অমগী উনবগী খুদোংচাবা ফংখি। পার্লিয়ামেন্ত হাউস অসিনা শিন্মী ৬০,০০০রোমদা থবক পীখি। মখোয়না অনৌবা বিল্দিং অসি শাবদা মখোয়গী হুমাং মমল য়াওখি। মখোয়না তৌখিবা থবক অদু ইকাই খুম্নবা উৎনবা পার্লিয়ামেন্ত অসিদা শাখিবা দিজিতেল গেলেরী কত্থোকপা উবা ফংখিবদা ঐহাক্না নুংঙাইবা পোকই, মসি মালেমগী ওইনা অনৌবা মখল অমনি। হৌজিক মখোয়না পার্লিয়ামেন্তদা শাবদা শরুক তমখিবা অদু অমর ওইরগনি।
মরুপশিং,
হৌখিবা চহি মাপন অসি এক্সপর্ত অমা হেক্তনা য়েংশিনবা মতমদা মহাক্না চহি মাপন অসি অনৌবা কনস্ত্রকসনশিং তৌবা অমসুং ভারতকী লায়রবশিংগী য়াইফনবা তৌখিবা থেংনগনি। ঙসি ঐখোয়না অনৌবা পার্লিয়ামেন্ত হাউসকীদমক চাউথোকচবা পোকপগা লোয়ননা হৌখিবা চহি মাপন অসিদা লায়রবশিংগীদমক য়ুম করোর মরি শাখিবা অসিদা ঐহাক্না অপেনবা পোকখি। ঐখোয়না অচৌবা বিল্দিং অসিদা য়েংবদা ঐখোয়না ঙক ৱাংনা থাংগৎপা মতমদা হৌখিবা চহি মাপান অসিদা তোইলেৎ করোর ১১ শাখিবদসু অপেনবা পোকখি, মসিনা নুপীশিংগী ইকাই খুম্নবা ঙাকশেনখি অমসুং মখোয়বু ইজৎ লৈনা হিংহনখি। ঙসি পার্লিয়ামেন্ত হাউসতা লৈরিবা ফেসিলিতীশিং অসিগী মতাংদা ঐখোয়না খন্নবা মতমদা ঐহাক্না হৌখিবা চহি মাপন অসিদা খুঙ্গংশিং ফাওননবা লম্বী কিমোমিতর ৪০০,০০০ হেন্না শাবা ঙমখিবা অসিদা অপেনবা পোকই। ঐখোয়না ইকো-ফ্রেন্দলী ওইবা বিল্দিং অসিদা য়েংবা মতমদা ঐহাক্না ঈশিং মরি খুদিংমক মাংহনদনবা ‘অমৃত সরোবর’ ৫০,০০০ হেন্না শাখিবদা ঐহাক্না অপেনবা পোকখি। অনৌবা পার্লিয়ামেন্ত হাউস অসিদা লৈরিবা লোক সভা অমসুং রাজ্য সভাগীদমক ঐখোয়না নুংঙাইবা ফোঙদোকপা মতমদা ঐহাক্না লৈবাক অসিদা অনৌবা পঞ্চায়ৎ ভবন ৩০,০০০ হেন্না শাখিবদা ঐহাক্না অপেনবা পোকই। অতোপ্পা ৱাহৈদা হায়রগনা পঞ্চায়ৎ ভবনদগী পার্লিয়ামেন্ত হাউস য়াওনা ঐখোয়গী কত্থোকপা অসি চপ মান্নৈ, ঐখোয়গী ইথিল অসি অহোংবা লৈতে।
লৈবাক চাউখৎপা হায়বা অসি মীয়ামগী চাউখৎপগা পাঙ্খক ওই।
মরুপশিং,
নখোয়না নীংশিলমগনি ঐহাক্না ওগস্ত ১৫দা লাল কিলাগী লানবনদগী জাতিদা ৱা ঙাংবা মতমদা ঐহাক্না হায়খি “হন্দক অসি মতম ওইরে, চপ চারবা তানফমনি’। লৈবাক্কী কনসিয়নেস য়কাইরকপগী মতম অমা লৈবাক খুদিংমক্কী পুৱারীদা মতম অমা লাকই। নীংতম্বা ফংদ্রিঙৈ মমাং চহি ২৫, ১৯৪৭কী মমাংগী মতম তুংহন্দুনা য়েংলুবদা চপ মান্নবা থৌদোক থোকখি। গান্ধীজীগী নন-কোওপরেসন মুফমেন্তনা লৈবাক পুম্বদা থাজবগী ইথিল পোকহনখি। গান্ধীজীনা মশানা মশা লৈঙাকচবগী ফিরেপকা লোয়ননা ভারত মচা খুদিংমকপু শম্নহনখি। মতম অদুদা ভারত মচা খুদিংমক্না নীংতম্বগীদমক মশাবু থৱায় হকচাং য়াওনা কত্থোকখি অমসুং ঐখোয়না মদুগী ফল অসি ১৯৪৭তা ভারতনা নীংতম্বা ফংবদা উবা ফংখি। নীংতম্বগী ‘অমৃত কাল’ অসি ভারতকী পুৱারীদা মরু ওইবা মাইলস্তন অমসু ওইরি। ঙসিদগী চহি ২৫গী মতুংদা ভারতনা নীংতম্বগী চহি ১০০ মপুং ফারগনি। ঐখোয়গী মাংদা ‘অমৃত’কী মতম ওইরিবা চহি ২৫ লৈরি। ঐখোয়গী পান্দম অসি চহি ২৫ অসিদা পুন্না থবক তৌদুনা চাউখৎপা ভারত অমা ওইহনবনি। পান্দম অসি অচৌবনি, লম্বেল অসি শীংনবনা থল্লি, অদুবু মসিদা প্রজা খুদিংমক্না থৱায় হকচাং য়াওনা কত্থোকপা, অনৌবা থৌরাং পাইখৎপা, অনৌবা ফিরেপশিং লৌবা অমসুং অনৌবা খোঙজেলগা লোয়ননা চংশিনবা মথৌ তাই। অমসুং পুৱারীনা শাখি ওইরি মদুদি ভারত মচাশিংগী থাজবা অসি ভারত খক্তগী নত্তে। ঐখোয়গী নীংতম্বগীদমক ৱাখিবা অদুনা মালেমগী অকোইবদা লৈরিবা লৈবাক কয়াদা অনৌবা কন্সিয়সনেস পোকহনখি। নীংতম্বগীদমক ঐখোয়না লান্থেংনখিবা অসিগী খুত্থাংদা ভারতনা নীংতম্বা ফংবা খক্তা নত্তনা নীংতম্বগী লম্বেলদা লৈবাক কয়াবু ইথিল পীখি। ভারতকী থাজবা অসিনা অতোপ্পা লৈবাকশিংগী থাজবদা ঙাকলৌ পীখি। মরম অসিনা ভারতগুম্বা দাইভর্স ওইবা লৈবাক অমনা, মাগী য়াম্লবা মীশিং অমসুং মশীং লাকঙমদ্রবা শীংনবশিংগা লোয়ননা মাংদা চংশিল্লি, মসিনা মালেমগী লৈবাক কয়াদা ইথিল অমা ওইরি। ভারতকী মাইপাকপা খুদিংমক্না তুংদা লাক্কদবা মতমশিংদা মালেমগী তোঙান-তোঙানবা শরুকশিংদা লৈরিবা লৈবাক কয়াগীদমক ইথিলগী হৌরকফম, মাইপাকপগী খুদম অমা ওইরগনি। করিগুম্বা ভারতনা ঙসি লায়রবা অসি মুত্থৎপা ঙম্লবদি মসিনা লায়রবা মুত্থৎনবা লৈবাক কয়াদা ইথিল পীগনি। চাউখৎপা ভারতকী ফিরেপনা অতোপ্পা লৈবাক কয়াগীদমক শক্তিগী হৌরকফম অমা ওইরগনি। মরম অসিনা ভারতকী থৌদাং অসি য়াম্না চাউই।
অমসুং মরুপশিং,
মাইপাকপগী অহানবা কন্সিদন অসি ইশাদা থাজবা থম্বনি। অনৌবা পার্লিয়ামেন্ত হাউসনা অনৌবা পনখৈশিং য়ৌনবা থাজবা অদু ৱাংখৎহনগনি। মসিনা চাউখৎপা ভারত অমা শেমগৎপদা ঐখোয় পুম্নমক্কীদমক ইথিলগী হৌরকফম অমা ওইরগনি। পার্লিয়ামেন্ত হাউসনা ভারত মচা খুদিংমক্তা থৌদাং লৈবগী ৱাখল্লোন পোকহনগনি। ঐহাক্না থাজৈ মদুদি পার্লিয়ামেন্তদা ফম্মিবা মীহুৎশিংনা অনৌবা ইথিলগা লোয়ননা দেমোক্রেসীবু অনৌবা মাইকৈদা পুনবা হোৎনগনিখ ঐখোয়না “লৈবাক হান্না” হায়বা ৱাখল্লোনগা লোয়ননা মাংদা চংশিনগদবনি। ঐখোয়গী থৌদাংশিং ঐখোয়না মরু ওইনা লৌগদবনি। ঐখোয়না পুম্নমক্তগী ঐখোয়গী থৌদাংবু হেন্না লুম্না লৌগদবনি। ঐখোয়গী খোঙথাংগী খুত্থাংদা ঐখোয়না ফিদম্নফম ওইরবা খুদম থম্বা তাই, ঐখোয়না ইশাবু ফগৎহন্নবা লেপ্পা লৈতনা হোৎনবা তাই। ঐখোয়না ইশাগী লম্বী শেমজবা তাই, ঐখোয়না ইশাবু দিসিপ্লিন লৈহনগদবনি অমসুং ইশাবু ফাজিনবা তমগদবনি। ঐখোয়না মীয়ামগী য়াইফনবা তৌবা হায়বা অসিনা ঐখোয়গী পুন্সিগী মন্ত্র ওইহনগদবনি। অনৌবা পার্লিয়ামেন্ত হাউসতা পুকচেল শেংনা ঐখোয়গী থৌদাংশিং পাঙথোক্লবা মতমদা লৈবাক্কী প্রজাশিংনা অনৌবা ইথিলসু ফংগনি।
মরুপশিং,
অনৌবা পার্লিয়ামেন্ত অসিনা মালেমগী খ্বাইদগী চাউবা দেমোক্রেসীদা অনৌবা শক্তি অমসুং থৌনা অমা পীরগনি। ঐখোয়গী শিন্মীশিংনা কন্না হোৎন্দুনা অমসুং মখোয়গী হুমাং মমলনা অচৌবা পার্লিয়ামেন্ত হাউস শাখি। হৌজিক পার্লিয়ামেন্তরিয়ন ঐখোয় পুম্নমক্না কত্থোকপগা লোয়ননা হেন্না পুকচেল শেংনা থৌদাং লৌগদবি। লৈবাক অমা ওইনা ভারত মচা করোর ১৪০ হেনবগী ফিরেপনা অনৌবা পার্লিয়ামেন্তগী লাইফ ফোর্সসু ওইরি। মফম অসিদা লৌবা ৱারেপ খুদিংমক্না লাক্কদৌরিবা চহিচাশিংগী মখোঙ শোমগনি। মফম অসিদা লৌবা ৱারেপ খুদিংমক্না তুংগী মীরোলশিংবু শক্তি পীরগনি। মফম অসিদা লৌখিবা ৱারেপ খুদিংমক্না ভারতকী অফবা তুংলমচৎ অমগী য়ুম্ফম থোনগনি। মসি লায়রবা দলিৎ, মর্জিনেলাইজ কম্ম্যুনিতীশিং, ত্রাইবেল কম্ম্যুনিতীশিং, দিব্যাঙ্গশিং অমসুং শোত্থরবা ইমুং খুদিংমকপু শক্তি পীনবা লম্বেলসু ওইরি। অনৌবা পার্লিয়ামেন্ত হাউস শাবদা য়াওরিবা চেক খুদিংমক, ফকলাং খুদিংমক লায়রবগী য়াইফনবা কত্থোকখি। মথংগী চহি ২৫দা অনৌবা পার্লিয়ামেন্ত হাউসতা শেম্বা অনৌবা আইনশিংনা ভারত্তা লায়রবা কোকহনবদা মতেং পাংগনি। পার্লিয়ামেন্ত অসিদা শেম্বা আইনশিংনা নহাশিংগীদমক অনৌবা খুদোংচাবশিং পীরগনি অমসুং নুপীশিংদা শক্তি পীরগনি। অনৌবা পার্লিয়ামেন্ত হাউসনা অনৌবা ভারত অমা শেম্বগী য়ুম্ফম থোল্লগনি। মসি পোলিসী, জস্তিস, অশেংবা, ইকাই খুম্নবা অমসুং থৌদাংগী ৱাখল্লোনশিং ঙাক্না চৎপবা খুমাং চাউশিনবা, শক্তি লৈবা অমসুং চাউখৎপা ভারত অমা ওইহনবা ঙম্লগনি। ঐহাক্না অনৌবা পার্লিয়ামেন্ত হাউস অসি শঙ্গংবদা ভারতকী প্রজা পুম্নমক্তা নুংঙাইবা ফোঙদোকচরি। থাগৎচরি!
