বি আই মাদর মারিয়ম থ্রেসিয়া কেনোনাইজেসন তৌবদা মহাক্কী মন কি বাত থৌরমদা মহাক্না থাগৎপগীদমক কংগ্রেগেসন ওফ হোলি ফেমিলিনা প্রধান মন্ত্রী নরেন্দ্র মোদী থাগৎলি ।
“ইমুং কয়া মতেং পাংলিবা বি আই মাদর মারিয়ম থ্রেসিয়া কেনোনাইজেসন তৌবদা মন কি বাত থৌরমদা থাগৎপগীদমক কংগ্রেগেসন ওফ হোলি ফেমিলিগী সুপররিয়র জেনরেল, সেনিয়ন উদায়া সি ঐচ এফ ঐনা অদোম্বু থম্মোয় শেংনা থাগৎলি । মহাক খুদোংথিবা কয়া মায়োক্নদুনা মহাক্কী মিসন মাইপাকহনখিবা মীৎয়েং শানবা, লাইনিংবী নুপী অমা, অচৌবা অঙকপা মীওই অমনি ।
নুংশিবা অমসুং শান্তি ফংহন্দুনা অমসুং ইজুকেসনগা লোয়ন্না ইমুং কয়া ফিবম ফগৎহন্নবা থবক কন্না শুখিবী ভারতকী অনৌবা সেন্ত মারিয়ম থ্রেসিয়াগী মফমদা অদোম্না থম্মোয় শেংনা থাগৎপা ফোংদোক্লি । লৈবাক অসি শেমগৎপদা মহাক্না অচৌবা থৌদাং অমা লৌরি । ইকায়খুম্নরবা মোদীজি মন কি বাত মনুংদা পীখিবা নহাক্কী থাগৎপগী পাউজেল অসি য়াম্না ফজখি অমসুং মসি ঐখোয়গী কংগ্রেগেসনগী মীপুম খুদিংমক অমসুং মীয়াম্না থাগৎনখি” হায়না কংগ্রেগেসন ওফ হোলি ফেমিলিনা প্রধান মন্ত্রীদা পীরকপা চিথি অমদা পনখি ।
মারিয়ম থ্রেসিয়া কেনোনাইজেসন তৌবদা মহাক্কী থাগী রেদিওগী থৌরম মন কি বাত্ত হরাওবা ফোংদোক্লদুনা প্রধান মন্ত্রী নরেন্দ্র মোদীনা হায়খি “লাক্লিবা ওক্তোবর ১৩দা পোপ ফ্রান্সিসনা সিস্তর মারিয়ম থ্রেসিয়া সেন্ত অমনি হায়না লাউথোক্কদবা অসি ভারতমচা খুদিংমক্কী চাউথোকচবনি । ঐনা থম্মোয় শেংনা সিস্তর মারিয়ম থ্রেসিয়া ইকায়খুম্নবা উৎলি অমসুং ভারতকী মীয়াম মরুওইনা ঐখোয়গী খৃস্তিয়ান ইনাওশিং অমসুং ইচলশিং মসিগী মাইপাকপা অসিগীদমক থাগৎলি” ।
