১৮শুবা লোক সভা মীখলদা এন.দি.এনা মাইপাকপদা মহাক থাগৎপা ফোঙদোক্নবা ঙসি ভুতানগী নিংথৌ জিগমে খেসার নামগয়েল ৱাংচুক্না প্রধান মন্ত্রী শ্রী নরেন্দ্র মোদীদা কোল তৌরকখ্রে। নিংথৌনা মহাক্কী য়াইফ-পাউজেল পীখি অমসুং প্রধান মন্ত্রী মোদীগী লুচিংবা মখাদা ভারতকী মীয়াম মখা তানা চাউখৎপা অমসুং নুংঙাই-য়াইফবা পুরক্নবা য়াইফ-পাউজেল পীখি।
মহাক্না য়াইফ-পাউজেল পীরকপগীদমক প্রধান মন্ত্রী মোদীনা ভুতানগী নিংথৌ থাগৎপা ফোঙদোকখ্রে। ভারত অমসুং ভুতানগী মরক্তা লৈনরিবা তমজনফম ওইরবা মরুপ-মপাংগী মরীশিং নিংশিংলদুনা, ভারত সরকারনা ভুতান সরকারগা থবক তৌমিন্নগনি অমসুং লৈবাক অনিগী তোপ-তোপ্পা মরী অৱাংবা থাক্তা পুখৎকনি হায়না প্রধান মন্ত্রী মোদীনা অমুক হন্না থাজবা ফোঙদোকখি।
ভারত-ভুতানগী মরী অসি থাজবা, অফবা অমসুং অমনা অমবু মশক খঙবগী থাকশিংদা লৈরি অমসুং অচেৎপা মীগা মীগা লৈনবা মরীশিং অমসুং অচেৎপা শেন-থুম অমসুং চাউখৎপগী মরীনা হেন্না মপাঙ্গল কনখৎহল্লে।
I thank His Majesty the King of Bhutan for his call and warm wishes. Bhutan-Bharat partnership is unique and exemplary. I look forward to continue working together and taking this extraordinary partnership to higher levels.
— Narendra Modi (@narendramodi) June 5, 2024
