ঐখোয়গী লৈবাকশিং (ভারত অমসুং US)গী মরক্তা লৈনরিবা পার্তনরশিপ অসি চহি তরাগী খুজিং কয়াদগী মপাঙ্গল কনবা ওইরক্লি অমসুং অফাওবা লুচিংবা অনি অফাওবা মরূপ অনি, রাস্ত্রপতি ত্রম্প অমসুং পি.এম. মোদীগী লুচিং মখাদা, লোইননা শান্তি অমসুং মনীংতম্বা, শোয়দ-ঙামদবা অমসুং ৱাত্ত-পাদবা ঐখোয়গী শিয়র তৌনরিবা মগুনশিং অদুগী মখা পোল্লি। ঐনা থাজৈ মদুদি ঐখোয়গী লৈবাক অনি অমসুং ঐখোয়গী লুচিংবশিংগী মরক্তা পার্তরশিপ অমসুং ফ্রেন্দশিপ অসি হেনগৎলক্লি অমসুং মপাঙ্গল কনখৎলক্লি।
নরেন্দ্র মোদীগা লোইননা ভারতকী দিবেলপমেন্ত অসি, 2047 ফাওবদা বিক্সিৎ ভারতকী লম্বীদা অমসুং হেল্থ, লৌউ-শিংউ, AI অমসুং অতৈ লমশিংদা নুংঙাইরবা এদভান্সমেন্তশিংগী মতাংদা ঐনা নীংথিজনা ৱারী শারে মদুগী ফল ঙসিদি ফংলে। ভারত্তা ইনোবেশন অসি মতৌ করম্না মফম অসিগী অমসুং মালেমগী থাক্তা শাহৌ ফংলিবগে হায়বসি উবদা য়াম্না নুংঙাইবা পোকই।
ঐনা খল্লি মদুদি মসি নুংঙাইরবা মতম্নি…। মসি 1997কী মতুংদা ঐনা মফম অসিদা (ভারত্তা) লাকখিবা অমসুং মাইক্রোসোফকী ফুলতাইম CEO ওইরম্বা মতম অদুগীনি। ঐনা মতম অদুদা উখি মদুদি ঐখোয়না ভারত্তগী থবক পীখিবা মীওইশিং অদু অঙকপা ওইখি অমসুং মতম অদুদা ঐনা মফম অসিদা লাকখিবদা, ঐনা উখি মদুদি মসি ইনফ্রাস্ত্রকচর অমসুং এজুকেশন্দা ইনভেস্ত তৌবা লৈবাক অমনি। ঐনা খনখি মদুদি লৈবাক অসি নোংমদি সুপরপাৱর ওইরক্কনি…। মসি অসুক থুনা ফংগনি হায়বদি ঐনা খনখিদে।
ভারতনা শুপ্নগী মশাগীদমক শাবদা নত্তনা, গ্লোবেল হেল্থ অমসুং দিবেলপমেন্ত ত্রান্সফোর্ম তৌবগী মপাঙ্গল লৈবা সোলুশন অমা শেম-শারি।
ঐ প্রধান মন্ত্রী অমা ওইনা অদোমগী থোইদোক-হেন্দোকপা মায় পাকপশিং অদুবু চাউনা শিংথাজবা অমনি। চাউরাক্না চহি 11দগী অদোম প্রধান মন্ত্রীগী ওফিস পায়বীরক্লিবা অসিদা, অদোম্না কোবিদগী ইথক্কা মায়োক্নখি অমসুং অদুমওইনমক ভারতকী শেনমিৎলোনবু 50%দগী হেন্না হেনগৎহনবদা মায় পাকপা ফংখি।
অদোম্না অদোমগী মীওই মিলিয়ন 250বু লাইরবদগী পুথোরকখি অমসুং কা হেন্না লাইরবা মুথৎখি। অমসুং ঙসিদি, ভারত অসি চাউরবা ইনোবেতিব পোতেন্সিএলগা লোইননা তেক্নোলোজীগী লমদা মকোক থোংলি।
অদোম থাগী সাউথ পোলদা তাবা অহানবা লৈবীক্নি, অমসুং থৌওং অসিদা অদোম্না মালেমগী মিৎয়েং অসি থোইদোক-হেন্দোকপা তেক্নোলোজিকেল প্রোৱেসকী মায়কৈদা চিংশিল্লি।
ঐনা মালেমগী লুচিংবশিংনা মখোয়গী লৈবাক্না হান্না হায়বসি তাখি। ঐনা পুৱারীদা কৈদৌঙৈদসু, কদাইদসু, অসুক চাউখ্রবা লৈবাক অমগী লুচিংবনা ‘য়ুমলোন্নবনা হান্না’ হায়বা ৱাফমসি হায়বা খক তাখিদ্রি। মসি অঙকপা তাঞ্জা অমনি। ঐনা অতৈ য়ুমলোন্নবা লৈবাকশিংগী মতাংদদি হায়বা ঙমজদে, অদুবু ভুতানগীদমক্তদি ‘য়ুমলোন্নবনা হান্না’ হায়বসিগী ৱাহন্থোক অসি লৈবাক অনিগী মরক্তা হেন্না চেৎপা মরূপ-মপাং ওইবগী মতৌ অমসুং ভারত্তগী মতেং-অমসুং তেংবাং হেন্না ফংবা হায়বা অসিনি। মসিনা ঐখোয়বু ঐখোয়গী শেন্মিৎলোন হেনগৎহন্নবা অমসুং ঐখোয়গী চাউখৎ-থৌরাংগী পান্দমশিং ফংবা ঙমহল্লে।
ঐ প্রধান মন্ত্রী মোদীগী লীদরশিপ্পু অদুক্কী মতিক ইকাই-খুম্নজৈ অমসুং লনাই ওইনা মহাক্না ঐঙোন্দা উৎপীরিবা অশেংবা মীনুংশি অসিগীদমক তৌবীমল খঙবা উৎচরি। মহাক্না ঐবু তশেংনা মনাও নুপা অমগুম্না লৌশিনবীরে। মহাকপু ঐনা ঐগী ওজা অমসুং মহাকপু ‘মার্গদর্শক’ হায়না কৌজৈ।
ভারতকুম্বা অচৌবা লৈবাক অমা – মালেমদা খ্বাইদগী মী মশিং য়াম্না লৈবা লৈবাক অমা লুচিংলিবা অসি খ্বাইদগী অরুবা থবকশিংগী মনুংদা অমনি। অদুবু এক্সিলেন্সী, অদোমগী লীদরশিপ অমসুং মীওই করোর 140দা মশাগী ওইজবা থিদনা সেবা তৌবগী খুৎথাংদা অদোম্না ভারতকী মীয়াম খক্তা নত্তনা ভুতান অমসুং মালেম পুম্বগী নুংশিবা, মীনুংশি অমসুং ইকাই খুম্নবা ফংলে।
অদোম (পি.এম. নরেন্দ্র মোদী)দা ঐহাক্না বুদ্ধিসৎত্ব অহুম অসিগী মশক উবা ফংই – মঞ্জুশ্রী, বজ্রপানী, অবলোকিতেশ্বর। অদোমদা, ঐনা মখোয়গী মগুনশিং ফোংদোকপা উবা ফংলি – লৌশিং, থৌনা অমসুং মীনুংশি। ভারতকী মপুং ফাবা তৌবা ঙম্বা অদু য়েংশিন্নবা অথোইবা লৌশিং অদুগা লোইননা অদোম্না লুচিংলি। অদোম্না থৌনা ফনা ৱারেপ লৌবগী পাঙ্গলগা লোইননা লুচিংলি অমসুং শিনবশিং মায়োক্নবদা খোঙফম চেৎনা লেপ্লি। পুম্নমক্কী মথক্তা, অদোম্না মীনুংশিগা লোইননা লুচিংলি, মতম পুম্নমক্তা অদোমগী লৈঙাক্কী থমোইদা অদোমগী মীয়ামগী য়াইফনবা থম্লি।
অদোম (পি.এম. নরেন্দ্র মোদী)গী লীদরশিপ অসি ত্রান্সফোর্মেন অমসুং অমুক্তা ওইখিদ্রিবা খোঙজেলগী খুদম্নি। মেক ইন ইন্দিয়া, আত্মনির্ভর ভারত, দিজিতেল ইন্দিয়া, স্কিল ইন্দিয়া, স্তার্তঅপ ইন্দিয়া, স্বচ্ছ ভারত, জল শক্তি অভিয়ান, পি.এম. আৱাস য়োজনা, গতি শক্তি, কিসান সম্মান নিধি… মসি অদোমগী হৈ-শিংলবা খোঙথাংশিংনি, লৈবাক অসিদা তম্বীবা অদোমগী খুদোলনি, মখোয়না করোর 30দগী হেনবা মীয়াম্বু লাইরবগী শাপ্তগী কনবীরে অমসুং ভারতকী শেন্মিৎলোনবু অনৌবা মতোন্দা পুখৎলে। অদোমগী লুচিং মখাদা ভারত বিক্সিৎ ভারত ওইনবগী মায়কৈদা চংশিল্লি…। অমসুং বিক্সিৎ ভারত - মপাঙ্গল লৈবা অমসুং ৱাৎত-পাদবা ভারত অমা – অদোমগী লিগেসী ওইগনি, সর।
প্রধান মন্ত্রী (নরেন্দ্র মোদী), ইয়াম্বা, ঐনা অদোমগা উনজবগী তাঞ্জা ফংজবা খুদিংগী, ঐ হরাওবতনা থল্লি। য়োর এক্সিলেন্সী, প্রধান মন্ত্রী – ঐগী লমজিংলোই, ঐনা অদোমগা হেক উনজবদা, ঐহাক পব্লিক সর্ভেন্ত অমা ওইনা হেন্না থবক তৌনবগী ইথিল পোকচৈ।
লম পুম্নমক্তা ঐখোয়না ভারতকী শিংথানীংঙাই ওইরবা শাহৌ উরিবা অসিদা, ভারতকী শেনমিৎ অসি লাক্কদৌরিবা চহি তরাগী খুজিং কয়াদসু অসুম্না মকা ফন্দুনা লৈগনি হায়না ঐখোয়না থাজৈ।