প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা ৱর্ল্দ বেঙ্কনা এসিস্ত তৌবা প্রোগ্রাম “রাইজিং এন্দ এসেলরেতিং এম.এস.এম.ই. পর্ফোর্মেন্স” (আর.এ.এম.পি.)গীদমক্তা য়ু.এস.দি. মিলিয়ন ৮০৮ নত্ত্রগা লুপা করোর ৬,০৬২.৪৫ ঙসি অয়াবা পীখ্রে। আর.এ.এম.পি. অসি অনৌবা স্কিম অমনি অমসুং এফ.ৱাই. ২০২২-২৩দগী হৌরগনি।
তৌখিবা চাদিং:
স্কিম অসিগী অপুনবা আউতলে অসি লুপা করোর ৬,০৬২.৪৫ নত্ত্রগা য়ু.এস.দি. মিলিয়ন ৮০৮ ওইরি, মসিগী মনুংদা লুপা করোর ৩৭৫০ নত্ত্রগা য়ু.এস.দি. মিলিয়ন ৫০০দি ৱর্ল্দ বেঙ্কতগী লোন অমা ওইনা ফংগনি অমসুং লেমহৌরিবা লুপা করোর ২৩১২.৪৫ নত্ত্রগা য়ু.এস.দি. মিলিয়ন ৩০৮ অসিনা ভারত সরকার (জি.ও.আই.)না শেন্থং পীথগনি।
পোইন্ত অমমমগী ওইবা অকুপ্পা ৱারোল:
“রাইজিং এন্দ এসেলরেতিং এম.এস.এম.ই. পর্ফোর্মেন্স” (আর.এ.এম.পি.) অসি ৱর্ল্দ বেঙ্কনা এসিস্ত তৌবা কেন্ত্রেল সেক্তর স্কিম অমনি, মসিনা মাইক্রো, স্মোল এন্দ মীদিয়ম এন্তর্প্রাইজেস মন্ত্রালয় (এম.ও.এম.এস.এম.ই.)গী কোরোনা ভাইরস দিজিজ ২০১৯ (কোবিদ) রেজিলিয়েন্স এন্দ রিকবরী ইন্তর্ভেন্সন কয়ামরুমদা তেংবাং পীরি।
প্রোগ্রাম অসিনা মার্কেৎ অমসুং ক্রেদিৎকী এক্সেস হেনগৎহনবা, কেন্দ্র অমসুং রাজ্যদা ইন্সতিত্যুসনশিং অমসুং গভর্নান্স মপাঙ্গল কনখৎহনবা, কেন্দ্র-রাজ্যগী লিঙ্কেজশিং অমসুং পার্তনরশিপশিং হেনগৎহনবা, পেমেন্ত তৌবদা থিন্থবগী সমস্যাশিং কোকহনবা অমসুং এম.এস.এম.ই.শিং গ্রীন ওইহনবদা পান্দম থম্মি।
জাতিগী থাক্তা এম.ও.এম.এস.এম.ই.গী কেপাসিতী হেনগৎহনবগী মথক্তা আর.এ.এম.পি. প্রোগ্রামনা রাজ্যশিংদা ইমপ্লিমেন্তেসন কেপাসিতী অমসুং এম.এস.এম.ই. কবরেজ হেনগৎহন্নবা হোৎনগনি।
থবক পীবা ঙম্বগী চাং অমসুং বেনিফিসরীশিংগী মশিং য়াওনা অচৌবা কান্নবশিং:
আর.এ.এম.পি. প্রোগ্রাম অসিনা হৌজিক লৈরিবা এম.এস.এম.ই. স্কিমশিং মরু ওইনা কম্পিতিতিবকী হীরমদা কান্নবা পীবা হেনগৎহন্দুনা এম.এস.এম.ই. সেক্তরদা লৈরিবা জেনরিক অমসুং কোবিদকা মরী লৈনবা শীংনবশিং অসি কোকহনগনি। মখা তানা প্রোগ্রাম অসিনা কেপাসিতী বিল্দিং, হেন্দহোল্দিং, স্কিল দিবেলপমেন্ত, ক্বালিতী এনরিচমেন্ত, তেক্নোলোজিকেল অপগ্রেদেসন, দিজিতাইজেন, আউতরীচ অমসুং মার্কেতিং প্রমোসন অমসুং অতোপ্পা হীরম কয়াগী ব্লোকশিং নীংথিনা মীৎয়েং চংদবা অদু ফগৎহল্লগনি।
আর.এ.এম.পি. প্রোগ্রামনা রাজ্যশিংগা চুংহন্নবা হেনগৎলকপগী খুত্থাংদা মসিনা জোব-ইনেব্লর, মার্কেৎ প্রমোতর, ফাইনান্স ফেসিলিতেতর ওইরগনি অমসুং শোত্থরবা শরুকশিং তেংবাংবদা অমসুং গ্রীন ওইহন্নবা থৌশিলশিংদা মতেং পাংলগনি।
এম.এস.এম.ই.শিংগী মশিং য়াম্না হন্থনা লৈবা রাজ্যশিংদা প্রোগ্রাম অসিনা আর.এ.এম.পি.কী মখাদা কবর তৌবা স্কিমশিংগী অচৌবা কান্নবদগী ফংলকপা ফলনা অচৌবা ফোর্মেলাইজেসন তৌবা ঙম্লগনি। রাজ্যশিং অসিনা দিবেলপ তৌখিবা এস.আই.পি.শিং অসিনা ফগৎহল্লবা এম.ই.এম.ই. সেক্তর অমা শেমগৎনবগী রোদমেপ অমা ওইরগনি।
আর.এ.এম.পি.না ইন্নোভেসন য়োকখৎতুনা অমসুং ইন্দস্ত্রীগী স্তেন্দর্দশিং, প্রেক্তিসশিং হেনগৎহন্দুনা অমসুং এম.এস.এম.ই.শিংবু কম্পিতিতিব ওইহন্নবা অমসুং মরোমদোল লেপচবা ঙম্নবা, এক্সপোর্তশিং হেনগৎহন্নবা, ইম্পোর্তশিংগী মহুৎশিন্নবা অমসুং দোমেস্তিক মেন্যুফেকচরিং তৌহন্নবা মখোয়দা মথৌ তাবা তেক্নোলোজিজেল ইনপুৎশিং পীদুনা আত্মনির্ভর ভারতকী মিসন অসিদা মতেং পাংলগনি।
আর.এ.এম.পি. অসিনা পীরিবশিং অসি ওইগনি:
- কম্পিতিতিবনেস অমসুং বিজিনেস সস্তেনেবিলিতী হেনগৎহন্নবা হেন্না কান্নগদবা অমসুং শেল চংদবা এম.এস.এম.ই.গী খোঙথাংশিং পাইখৎপা ঙম্নবা ইভিদেন্স-বেজ পোলিসী অমসুং প্রোগ্রাম দিজাইনগীদমক কেপাসিতী হেনগৎহনবগী খুত্থাংদা “পোলিসী প্রোভাইদে” ওইরি।
- ইন্তর্নেস্নেলগী এক্সপরিয়েন্সশিং শীজিন্নদুনা বেঞ্চ-মার্কিং, শিয়রিং অমসুং খ্বাইদগী ফবা প্রেক্তিসশিং/মাইপাকপগী ৱারী দেমোনস্ত্রেৎ তৌবগী খুত্থাংদা “নোলেদজ প্রোভাইদে” ওইরি, অমসুং
- স্তেৎ ওফ দি আর্ত আর্তিফিসিএল ইন্তেলিজেন্স, দেতা এনলাইসিস, ইন্তর্নেৎ ওফ থিংস (আই.ও.তি.), মেছিন লর্নিং অসিনচিংবগী খুত্থাংদা এম.এস.এম.ই.শিংগী দিজিতেল অমসুং তেক্নোলোজিকেল ত্রান্সফোর্মেসন পুরক্কদবা হায়-এন্দ তেক্নোলোজী এক্সেস ফংহল্লিবা “তেক্নোলোজী প্রোভাইদর” ওইরি।
আর.এ.এম.পি. প্রোগ্রামনা লৈবাক শিনবা থুংবদা পীবা শাফুশিংনা এম.এস.এম.ই. ওইনা ক্বালিফাই তৌরবা এন্তর্প্রাইস মিলিয়ন ৬৩দা হকথেংননা নত্ত্রগা নাকোইননা কান্নবা পীগনি।
অদুম ওইনমক, পর্ফোর্মেন্স হেনগৎহন্নবগীদমক্তা পুন্না এম.এস.এম.ই. ৫,৫৫,০০০দা খন্ননা তার্গেৎ তৌখি অমসুং মসিগী মথক্তা সর্ভিস সেক্তরশিং য়াওহন্নবা অমসুং নুপীশিংগী এম.এস.এম.ই. ৭০,৫০০রোম হেনগৎহন্নবা তার্গেৎ মার্কেৎ অসি পাকথোক-চাউথোকহনগনি।
ইমপ্লিমেন্ত তৌবগী লালোং অমসুং পান্দমশিং:
প্রোগ্রাম অসিনা অহানবগী মিসনশিং অমসুং স্তদীশিংগী মতুংদা ফল ওইনা ফংবা লম অনি মশক খঙদোকখি মদুদি : (১) এম.এস.এম.ই. প্রোগ্রামগী ইন্সতিত্যুসনশিং অমসুং গভর্নান্স মপাঙ্গল কনখৎহনবা, অমসুং (২) মার্কেৎ এক্সেস, ফর্ম কেপাবিলিতীশিংদা সপ্পোর্ত পীবা অমসুং ফাইনান্স এক্সেস তৌহনবা।
মার্কেৎ এক্সেস অমসুং কম্পিতিতিবনেস হেনগৎহনবদা মীৎয়েং চংদুনা হৌজিক পাইখৎলিবা এম.ও.এম.এস.এম.ই.গী প্রোগ্রামশিং অসি তেংবাং পীনবা দিসবর্সমেন্ত লিঙ্ক ইন্দিকেদরশিং (দি.এল.আই.শিং)গীদমক্তা আর.এ.এম.পি.গী খুত্থাংদা ফন্দশিং অসি মন্ত্রালয়গী বজেৎতা চংগনি।
মখাদা পীরিবা দিসবর্সমেন্ত লিঙ্ক ইন্দিকেদরশিং অসি থুংহল্লবা মতমদা আর.এ.এম.পি.গীদমক ৱর্ল্দ বেঙ্কতগী ফন্দশিং কাইথরক্কনি:
- নেস্নেল এম.এস.এম.ই. রিফোর্ম এজেন্দা ইমপ্লিমেন্ত তৌবা
- এম.এস.এম.ই. সেক্তরদা কেন্দ্র-রাজ্যগী কোল্লাবোরেসন হেনগৎহনবা
- তেক্নোলোজী অপগ্রেদেসন স্কিমগী কান্নবা হেনগৎহনবা (সি.এল.সি.এস.-তি.য়ু.এস.)
- এম.এস.এম.ই.শিংগীদমক ফংবা য়াবা ফাইনান্সিং মার্কেৎ মপাঙ্গল কনখৎহনবা
- ক্রেদিৎ গরেন্তী ত্রস্ত ফোর মাইক্রো এন্দ স্মোল এন্তর্প্রাইসেস (সি.জি.তি.এম.এস.ই.)গী কান্নবা অমসুং “গ্রীনিং এন্দ জেন্দর” দেলিবরী হেনগৎহনবা
- পেমেন্ত তৌবদা থিন্থবগী থৌদোক হন্থহনবা।
আর.এ.এম.পি.গী মরু ওইবা কম্পোনেন্ত অসি রাজ্য/য়ু.তি. পুম্নমক য়াওহনগদবা স্ত্রেতেজিক ইনভেস্তমেন্ত প্লানশিং (এস.আই.পি.শিং) শেম্বনি।
এস.আই.পি.শিংদা আর.এ.এম.পি.গী মখাদা এম.এস.এম.ই.শিং মশক খঙদোকপগী অমসুং মোবিলাইজেসন তৌনবা, মরু ওইবা অপনবা অমসুং অৱাৎপশিং মশক খঙদোকপা, পান্দমশিং থম্বা অমসুং রিন্যুএবল ইনর্জী, রুরেল এন্দ নন-ফার্ম বিজিনেস, হোলসেল অমসধং রিতেল ত্রেস, ভিলেজ এন্দ কোতেজ ইন্দস্ত্রীজ, ৱুমেন এন্তর্প্রাইজশিং অসি য়াওনা প্রাইওরিতী সেক্তরশুংদা থবক পাইখৎনবগীদমক মথৌ তাবা বজেৎশিং প্রোজেক্ত তৌনবগী আউতরীচ প্লান অমা য়াওহনবগনি।
আর.এ.এম.পি.গী মোনিতর তৌবা অমসুং পোলিসী পুন্না য়েংশিনবগী থবক অসি মন্ত্রালয় কয়ামরুমদগী মীহুৎশিং য়াওবা অমসুং সেক্রেতরেৎ অমনা সপোর্ত তৌবা এম.এস.এম.ই.গী মন্ত্রীনা মকোক ওইবা এপেক্স নেস্নেল এম.এস.এম.ই. কাউন্সিল অমনা পাংথোক্কনি। আর.এ.এম.পি.গী মখাদা অখন্ননা পীবা য়াবশিং মোনিতর তৌনবা এম.ও.এম.এস.এম.ই.গী সেক্রেতরীনা লুচিংবা আর.এ.এম.পি. প্রোগ্রাম কম্মিতী অমনা শেমগনি। মখাতানা নোংমা নোংমগী ইম্প্লিমেন্তেসন তৌনবা আর.এ.এম.পি. প্রোগ্রাম ইম্প্লিমেন্ত, মোনিতর অমসুং ইভাল্যুৎ তৌবদা এম.ও.এম.এস.এম.ই. অমসুং রাজ্যশিংগী মতেং পাংনবা ইন্দস্ত্রীদগী কম্পিতিতিব ওইনা খনগৎলবা প্রোফেস্নেল অমসুং এক্সপর্তশিংনা শাবা, প্রোগ্রাম মেনেজমেন্ত য়ুনিৎশিং নেস্নেল লেভেল অমসুং রাজ্যশিংদা লৈগনি।
মনুং চল্লিবা রাজ্যশিং/জিলাশিং:
রাজ্য/য়ু.তি. খুদিংমক্তা এস.আই.পি.শিং শেম্নবা চেবাউ পীখি অমসুং এস.আই.পি.শিংগী মখাদা লৈবা প্রপোজলশিংনা মখোয়না খন্নরবা মতুংদা ফন্দ পীথগনি।
ফন্দিং অসি ওবজেক্তিব সেলেক্সন ক্রাইতেরিয়াদা য়ুম্ফম ওইগনি অমসুং এম.ও.এম.এস.এম.ই.দা শেম্বা অচেৎপা থৌওং অমনা এস.আই.পি.শিং অসি য়েংশিনগনি অমসুং অয়াবা পীগনি।
বেকগ্রাউন্দ:
আর.এ.এম.পি. অসি য়ু.কে. সিনহা কম্মিতি, কে.ভি. কামথ কম্মিতী অমসুং প্রধান মন্ত্রী ইকনোমিক এদভাইজরি কাউন্সিল (পি.এম.ই.এ.সি.)না রিকম্মেন্দেসনশিং পীখিবগী মখাদা এম.এস.এম.ই.শিং মপাঙ্গল কনখৎহন্নবা ভারত সরকারনা শেমখি অমসুং প্রপোজ তৌখি।
দিপার্তমেন্ত ওফ ইকনোমিক এফিয়র্স (দি.ই.এ.)না ৯৭শুবা স্ক্রিনিং কম্মিতী মীফমদা আর.এ.এম.পি.দা প্রিলিমিনরী প্রোপোজলগী অয়াবা পীখি। মসিগী মখা তারকপা ওইনা মিসনশিং, রাজ্যশিং অমসুং অতোপ্পা স্তেকহল্দরশিংগা চাউনা কন্সল্তেসনশিং তৌবা অমসুং ৱর্ল্দ বেঙ্কনা তেকনিকেল অমসুং ফিদ্যুসিয়রী এসেসমেন্ত পাংথোকপা য়াওরি। মসিগী মতুংদা এক্সপেন্দিচর ফাইনান্স কম্মিতী (ই.এফ.সি.) অমা শেমখি অমসুং কম্মেন্তশিং লৌনবা মরী লৈনবা মন্ত্রালয়শিং/দিপার্তমেন্তশিংদা সর্কুলেৎ তৌখি। ই.এফ.সি.না মার্চ ২০২১দা পাংথোকখিবা মখোয়গী মীফমদা চেরোল অসিগী মতাংদা খন্নখি অমসুংপ্রোপোজল অসি মন্ত্রী মন্দলনা অয়াবা পীনবা রিকম্মেন্দ তৌখি।
On the occasion of 300th birth anniversary of Lokmata Devi Ahilya Bai Holkar, PM to participate in Lokmata Devi Ahilyabai Mahila Sashaktikaran Mahasammelan in Bhopal
