লৈবাক্কী কোনুংদা মখা তানা মেত্রোগী খুদোংচাবা হেনগৎহন্নবা দিল্লি মেত্রোগী ফেজ-৪ প্রোজেক্কী অনৌবা কোরিদোর অনি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।
কোরিদোর অনি অদুদি :
a) ইন্দরলোক-ইন্দ্রপ্রাস্থা ------ 12.377 km
b) লাজপাত নগর-সাকেত জি ব্লোক ------- 8.385 km
প্রোজেক্কী শেনফম অমসুং শেন থাদবা
দিল্লি মেত্রোগী ফেজ-৪ প্রোজেক্কী হায়রিবা কোরিদোর অনিগী অপুনবা শেনফম লুপা করোর ৮,৩৯৯ নি ,মসি ভারত সরকার, দিল্লি সরকার অমসুং মালেমগী ফন্দিং এজেন্সিশিংনা পুথোক্কনি।
লাইন অসিগী অপুনবা অশাংবা কিমি ২০.৭৬২ নি। ইন্দরলোক-ইন্দ্রপ্রাস্থা কোরিদোর অসি গ্রিন লাইনদগী মখা শাংদোকপা ওইগনি অমসুং মসিনা রেদ, য়েল্লো, এয়রপোর্ত লাইন, মেজেন্তা, ভাইওলেত অমসুং ব্লু লাইনশিংগা হোংদোক-হোংজিন য়াগনি অমসুং লাজপত নগর-সাকেত জি ব্লোক কোরিদোরনা সিলভর, মেজেন্তা, পিঙ্ক অমসুং ভাইওলেত লাইনশিংগা শম্নগনি।
লাজপত নগর-সাকেত জি ব্লোক কোরিদোর শীনবা থুংনা মথক্তা শেমগনি অমসুং স্তেসন নিপাল লৈগনি। ইন্দরলোক-ইন্দ্রপ্রাস্থা কোরিদোরনা কিমি ১১.৩৪৯ লৈনুংদা লৈগনি অমসুং কিমি ১.০২৮না মথক্তা লৈগনি অমসুং মসিদা পুন্না স্তেসন ১০ লৈগনি।
ইন্দরলোক-ইন্দ্রপ্রাস্থা লাইন্না হরিয়ানাগী বহাদুরগর লমদমদা চৎথোক-চৎশিনগী খুদোংচাবা হেনগৎহনগনি অমসুং হায়রিবা লমদম অসিগী মীওইশিং গ্রিন লাইন্দা হকথেংননা ইন্দ্রপ্রাস্থা অমসুং সেন্ত্রেল অমসুং ইস্ত দিল্লিগী তোঙান-তোঙানবা মফমশিং য়ৌবা য়াহনগনি।
হায়রিবা কোরিদরোশিং অসিদা ইন্দরলোক, নবি কারিম, নিউ দিল্লি, দিল্লি গেত, ইন্দ্রপ্রাস্থা, লাজপত নগর, চিরাগ দিল্লি অমসুং সাকেত জি ব্লোক্তা অনৌবা ইন্তরচেঞ্জ স্তেসন নিপাল শেমগৎকনি। হায়রিবা স্তেসনশিং অসিনা দিল্লি মেত্রো নেতৱার্ককী লাইনশিংগী মরক্তা অমা অমগা শম্নবগী খুদোংচাবা হেনগৎহনগনি।
দিল্লি মেত্রোনা মসিগী মরিশুবা পাকথোক-চাউথোকপগী তাঙ্কক্কী শরুক অমা ওইনা কিমি ৬৫গী নেতৱার্ক অমা শেমগৎখ্রে। হায়রিবা অনৌবা কোরিদোরশিং অসি মার্চ ২০২৬ ফাওবগী মনুংদা লোইশিল্লবা য়াই। হৌজিক দি.এম.আর.সিনা কিমি ৩৯১গী স্তেসন ২৮৬ লৈবা নেতৱার্ক অমা লৈরে। দিল্লি মেত্রো হৌজিক মালেমদা খ্বাইদগী য়াংনা চাউখৎলিবা মেত্রো নেৱার্কশিংগী মনুংদা য়াওরে। দিল্লি মেত্রো রেল কোর্পোরেসন লিমিতেদ(দি এম আর সি) না হান্না প্রি-বিদকী থবকশিং অমসুং তেন্দর দোকুমেন্তশিং শেম-শাবগী থবকশিং পাংথোকখ্রে।
