মরুওইবা মিনরেল অহুম-লিথিয়ম, নিওবিয়ম অমসুং রিয়ার আর্থ ইলিমেন্তস(আর ই ই) মাইনিং তৌবগী রোয়েলতি রেতশিং লেপথোক্নবা মাইন্স এন্দ মিনরেলস(দিবলপমেন্ত এন্দ রিগুলেসন)এক্ত,১৯৭৫(‘এম এম দি আর এক্ত’)কী সেকেন্দ সেদুল শেমদোকপা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।
হন্দক সংসদনা মাইন্স এন্দ মিনরেলস(দিবলপমেন্ত এন্দ রিগুলেসন) এমেন্দমেন্ত এক্ত,২০২৩ পাস তৌখ্রে অমসুং মসি ওগস্ত ১৭,২০২৩দগী চৎনবা হৌখ্রে। এমেন্দমেন্ত অদুদা, এতোমিক মিনরেলশিংদগী লিস্তদগী লিথিয়ম অমসুং নিওবিয়ম য়াওনা মিনরেল তরুক মমিং লৌথোক্লে, মরম অসিনা নীলাম তৌদুনা হায়রিবা মিনরেলশিং অসি প্রাইভেদ সেক্তরনা মাইনিং তৌনবগী অয়াবা পীরে। মখা তানা, এমেন্দমেন্ত অসিনা মরুওইবা মিনরেল ২৪( এক্তকী অহানবা সেদুলগী পার্ত দি দা য়াওরিবশিং) হায়বদি লিথিয়ম, নিওবিয়ম অমসুং আর.ই.ইশিং(য়ুরানিয়ম অমসুং থোরিয়ম য়াওদনা) কেন্দ্র সরকারনা নীলাম লাউগনি।
রোয়ালতিগী রেত লেপথোক্নবা ঙসি কেন্দ্রগী মন্ত্রীমন্দলনা অয়াবা পীরিবা অসিনা লৈবাক অসিদা অহানবা ওইনা লিথিয়ম, নিওবিয়ম অমসুং আর.ই.ইশিংগী ব্লোকশিং কেন্দ্র সরকারনা নীলাম লাউবা ঙম্লগনি। ব্লোকশিং নীলাম লাউবদা বিদ্দরশিংগী ওইনা মিনরেলশিংগী রোয়েলতি রেত অসি শেন-থুমগী য়াম্না মরুওইবা ৱাফম অমনি। হায়রিবা মিনরেলশিং অসিগী এভরেজ সেল প্রাইজ(এ এস পি) খোৎপা অসি মাইন্স মিনিস্ত্রিনা পাংথোক্তুনা লাক্লি, মসিনা বিদ তৌনবগী ফিবমশিং লেপ্পা ঙমহনগনি।
মাইন্স এন্দ মিনরেলস(দিবলপমেন্ত এন্দ রিগুলেসন) এক্তকী অনিশুবা সেদুলনা তোঙান-তোঙানবা মিনরেলশিংগী রোয়েলতি রেতশিং লেপ্লে। সেকেন্দ সেদুলগী আইতেম নম্বর ৫৫দা মিনরেলশিংগী রোয়েলতি রেত অসি চপ চানা পীদে, মরম অদুনা এভরেজ সেল প্রাইজগী চাদা ১২ ওইগদবনি হায়রি। মতৌ অশুম্না, করিগুম্বা লিথিয়ম, নিওবিয়ম অমসুং আর.ই.ইগী রোয়েলতি রেত পীদ্রবদি, অতোপ্পা মরুওইবা মিনরেলশিংগা চাংদম্নদুনা মখোয়গী রোয়েলতি রেত অদু এ.এস.পিগী চাদা ১২ ওইগদবনি। মসিগী চাদা ১২গী রোয়েলতি রেত অসি অতোপ্পা মিনরেল পুথোকপা লৈবাকশিংগা চাংদম্নবা য়ারোই। মরম অদুনা, লিথিয়ম, নিওবিয়ম অমসুং আর.ই.ইগী চপ চাবা রোয়েলতি রেত অমা লেপ্নবা মখাদা পীরি:
(i) লিথিয়ম-লন্দন মেতেল একচেঞ্জ প্রাইজগী চাদা ৩,
(ii) নিওবিয়ম- এভরেজ সেল প্রাইজগী চাদা ৩(প্রাইমারি অমসুং সেকেন্দরি সোর্স অনিমক্কী)
(iii) আর.ই.ই – রিয়ার আর্থ ওক্সাইদকী এভরেজ সেল প্রাইজগী চাদা ১
লৈবাক অমগী শেন-থুম চাউখৎহনবা অমসুং নেসনেল সেকুরিতিদা মরুওইবা মিনরেলশিং অসি য়াম্না মরুওই। ইনর্জিগী অওনবা পুরক্নবা অমসুং ২০৭০দা মৈখু অমতা থাদোক্তনবা ভারতকী পান্দমশিং ফংনবা লিথিয়ম অমসুং আর.ই.ইগুম্বা মরুওইবা মিনরেলশিং অসিগী দরকার ওইবা হেনগৎলক্লে। মখোয়গী শীজিন্নফমশিং অমসুং মালেমগী রাজনিতিগী ওইরিবা ফিবম অসিদা লিথিয়ম, নিওবিয়ম অমসুং আর.ই.ইশিং অসি মরুওইবা ইলিমেন্তশিং ওইরে। লৈবাক অসিগী মশাগী মাইনিংগী থবক পুক্নিং থৌগৎপা অসিনা মপান্দগী পুশিল্লকপা হন্থহনগনি অমসুং মরী লৈনবা উদোগশিং অমসুং ইনফ্রাস্ত্রকচর প্রোজেকশিং লিংখৎপা ঙমগনি। পায়খৎকদৌরিবা থবক অসিনা মাইনিং সেক্তরদা থবক পীবা হেনগৎহনবা ঙমগনি হায়না থাজবা থম্লি।
আর.ই.ই অমসুং লিথিয়ম ব্লোকশিং ফংবগী রিপোর্ত হন্দক জিওলোজিকেল সর্ভে ওফ ইন্দিয়া(জি এস আই)না পুথোকখ্রে। মখা তানা, জি.এস.আই অমসুং অতোপ্পা এক্সপ্লোরেসন এজেন্সিশিংনা লৈবাক অসিদা মরুওইবা মিনরেলশিং থিবগী থবক পাংথোক্লি। মরুওইবা মিনরেলশিং লিথিয়ম, আর.ই.ই, নিক্কেল, প্লাতিনম গ্রুপকী ইলিমেন্তশিং, পোতাস, গ্লাউকোনাইত, ফোস্পেৎ, গ্রাফাইদ, মোলিবদেনম অহানবা তাঙ্কক্কী নীলাম লাউনবগী থবক কেন্দ্র সরকারনা পায়খৎপা হৌরে।
