প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা লাইন মন্ত্রালয় ৯গী খুত্থাঙদা মরুওইবা ইন্তরভেন্সন ১১দা মীৎয়েঙ থম্নবগীদমক অপুনবা শেনফম লুপা করোর ২৪,১০৪ (কেন্দ্রগী চাকথুং: লুপা কর,র ১৫,৩৩৬ অমদি স্তেতশিংগী চাকথুং: লুপা করোর ৮,৭৬৮) লৈগদবা প্রধান মন্ত্রী জঞ্জাতী আদিবাসী ন্যায় মহা অভিয়ান (পি.এম. জনমন) অয়াবা পীখ্রে। প্রধান মন্ত্রীনা অভিয়ান অসি খুন্তীদা পাঙথোকপা জঞ্জাতিয় গৌরব দিবস থৌরমদা লাউথোকখিবনি।
“পার্তিকুলর্লী ভল্নরেবল ত্রাইবেল গ্রুপ্স (পি.ভি.তি.জি.)শিংগী খুন্নাই শেন্মিৎলোনগী ফীভম ফগৎহন্নবগীদমক, প্রধান মন্ত্রী পি.ভি.তি.জি. ওফ দিভেলপমেন্ত মিসন হৌদোক্লগনি। মসিনা পি.ভি.তি.জি. য়ুমথোঙশিং অমদি খুলশিংদা শাফবা য়ুম, অরুবা থক্নবা ঈশিং অমদি সেনিতেসন, মহৈ মশিং, হকশেল অমদি মচি ওইবা চীঞ্জাক নীংথিনা ফংহনবা, লম্বী থোং অমদি তেলিকোমগী কন্নেক্তিবিতী ফগৎহন্নবা অমদি তুং কোইগদবা পুন্সি হিংনবগী খুদোংচাবশিং পীবা য়াওনা মচং ওইবা মচাকশিং মপুং ফানা ফংহনগনি। মিসন অসি পায়খৎনবগীদমক দিভেলপমেন্ত এক্সন প্লান ফোর দি সিদ্যুল্দ ত্রাইব্স (দি.এ.পি.এস.তি.)গী মখাদা লাক্কদৌরিবা চহি অহুমগী ওইনা লুপা কর,র ১৫,০০০গী শেনফম খাক্তুনা থম্লগনি,” হায়না বজেৎ ৱারোল ২০২৩-২৪দা লাউথোকখি।
ভারতকী এস.তি. মীশিং ২০১১ সেন্সসকী মতুং ইন্না করোর ১০.৪৫নি, মসিগী মনুংদা স্তেত অমদি য়ুনিয়ন তেরিতরী ১৮দা লৈবা ফুরুপ ৭৫বু পার্তিকুলর্লী ভল্নরেবল ত্রাইবেল গ্রুপ্স (পি.ভি.তি.জি.)কী কাঙলুপ্তা চলহনখি। হায়রিবা পি.ভি.তি.জি.শিং অসিনা খুন্নাইদা, শেন্মিৎলোন্দা অমদি মহৈ মশিংগী লমদা খুদোংচাদবা মায়োক্নদুনা লৈরি।
ত্রাইবেল এফ্যার্স মন্ত্রালয় য়াওনা মন্ত্রালয় ৯গী খুত্থাঙদা মরুওইবা ইন্তরভেন্সন ১১দা মীৎয়েঙ থমদুনা পি.এম.-জনমন (সেন্ত্রেল সেক্তর অমদি সেন্ত্রেল্লী স্পোন্সর্দ স্কীমশিং য়াওনা)গী মখাদা পায়খৎকদবা থবকশিংদি মখাগীশিং অসিনি:
|
সেরিএল মশিং |
থবক |
বেনিফিসরী/ তার্গেৎ মশিং |
শেঞ্জংগী পথাপ |
|
১ |
পক্কাগী য়ুম শাবিবা |
লাখ ৪.৯০ |
লুপা লাখ ২.৩৯/য়ুম |
|
২ |
শমজিন্নবা লম্বীশিং |
কিলোমিতর ৮০০০ |
লুপা করোর ১.০০/ কিলোমিতর |
|
৩এ |
পাইপ ৱাতর সপ্লাই |
য়ুমথোঙ লাখ ৪.৯০ য়াওনা পি.ভি.তি.জি. খুল পুম্নমক্তা মিসন অসিগী মখাদা শেমগৎ শাগৎকনি। |
স্কিমেতিক কাংলোনগী মতুং ইন্না |
|
৩বি |
কম্ম্যুনিতী ৱাতর সপ্লাই |
য়ুমথোঙ ২০দগী তাদবা খুল/লৈকায় ২৫০০ |
তশেংনা চঙবা শেঞ্জংগী মতুং ইন্না |
|
৪ |
হিদাক লাংথক্কী শেঞ্জং য়াওনা মোবাইল মেদিকেল য়ুনিৎশিং |
১০০০ (১০/দিস্ত্রিক্ত) |
লুপা লাখ ৩৩.৮৮ /এম.এম.য়ু. |
|
৫এ |
হোস্তেলশিং শেমগৎ শাগৎপা |
৫০০ |
লুপা করোর ২.৭৫/হোস্তেল |
|
৫বি |
ভোকেস্নেল এজুকেসন অমসুং স্কিল্লিং |
এস্পিরেস্নেল পি.ভি.তি.জি. ব্লোক ৬০ |
লুপা লাখ ৫০/ব্লোক |
|
৬ |
অঙ্গনৱাদী সেন্তরশিং শেমগৎ শাগৎপা |
২৫০০ |
লুপা লাখ ১২/এ.দব্লিউ.সি. |
|
৭ |
মল্তিপর্পজ সেন্তরশিং (এম.পি.সি.) শেমগৎ শাগৎপা |
১০০ |
লুপা লাখ ৬০/এম.পি.সি. এম.পি.সি. খুদিংদা এ.এন.এম. অমদি অঙ্গনৱাদী ৱর্করশিং থম্বগী ৱাফম য়াওরগা |
|
৮এ |
ঐচ.ঐচ.শিং ইনর্জাইজ তৌবা (লাস্ত মাইল কন্নেক্তিবিতী) |
৫৭০০০ ঐচ.ঐচ. |
লুপা ২২,৫০০/ঐচ.ঐচ. |
|
৮বি |
কিলোৱাৎ ০.৩গী সোলার ওফ-গ্রিদ সিস্তেম পানখৎপা |
১০০০০০ ঐচ.ঐচ. |
লুপা ৫০,০০০/ঐচ.ঐচ. নৎত্রগা তশেংনা চঙবা শেঞ্জংগী মতুং ইন্না |
|
৯ |
লৈরক অমদি এম.পি.সি.শিংদা সোলার লাইতিং |
য়ুনিৎ ১৫০০ |
লুপা ১,০০,০০০/য়ুনিৎ |
|
১০ |
ভি.দি.ভি.কে.শিং লিংখৎপা |
৫০০ |
লুপা লাখ ১৫/ভি.দি.ভি.কে. |
|
১১ |
মোবাইল তৱারশিং পানখৎপা |
খুঙ্গং ৩০০০ |
স্কিমেতিক কাংলোনগী শেঞ্জংগী মতুং ইন্না |
মথক্তা পল্লিবা ইন্তরভেন্সনশিং অসিগী মথক্তা, মখাদা পীরিবা অতৈ মন্ত্রালয়শিংগী ইন্তরভেন্সনশিং অসিসু মিসন অসিগী মনুং চল্লি:
১. অয়ুস মন্ত্রালয়না চৎনরিবা কাংলোনগী মতুং ইন্না অয়ুস ৱেলনেস সেন্তরশিং লিংখৎকনি অমদি অয়ুস ফেসিলিতীশিং মোবাইল মেদিকেল য়ুনিৎশিংগী খুত্থাঙদা পি.ভি.তি.জি. তাবা মফমশিংদা ফংহনগনি।
২. স্কিল দিভেলপমেন্ত অমদি ওন্ত্রপ্রিন্যুরসিপ মন্ত্রালয়না ফুরুপশিংগী চুনবা স্কিলশিং য়েংলগা পি.ভি.তি.জি. তাবা মফমশিংদা, মল্তিপর্পজ হোলশিংদা অমদি হোস্তেলশিংদা স্কিল অমদি ভোকেস্নেল ত্রেনিংশিং পাঙথোক্কনি।
