ফোস্পেত অমসুং পোতাস(পি অমসুং কে) হারশিংদা নিংথম লৌরোক ২০২৩-২৪ গী(০১.১০.২০২৩ দগী ৩১.০৩.২০২৪ ফাওবা) নিউত্রিয়েন্ত বেজ সবসিদি(এন বি এস) রেতকী মতাংদা ফর্তলাইজরস দিপার্তমেন্তনা পুখৎলকপা ৱাফম প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।
|
চহি |
লুপা/কেজিদা |
|||
|
নিংথম লৌরোক ২০২৩-২৪ গী(০১.১০.২০২৩ দগী ৩১.০৩.২০২৪ ফাওবা) |
এন |
পি |
কে |
এস |
|
৪৭.০২ |
২০.৮২ |
২.৩৮ |
১.৮৯ |
|
লাক্লিবা নিংথম লৌরোক ২০২৩-২৪ দা এন.বি.এসতা লুপা করোর ২২,৩০৩ চাদিং তৌগনি হায়না থাজনরি।
হায়রিবা হার মখলশিং অসি লৌমীশিংদা অহোংবা মমলদা ফংহন্নবা নিংথম লৌরোক ২০২৩-২৪ গী(০১.১০.২০২৩ দগী ৩১.০৩.২০২৪ ফাওবা) গী অয়াবা পীরবা রেতশিংদা য়ুম্ফম ওইরগা পি অমসুং কে হারশিংদা সবসিদি পীগনি।
কান্নবশিং:
- লৌমীশিংদা সবসিদি, মমল হোংনা অমসুং চুনবা মমলশিংদা হারশিং ফংহনবা ঙমগনি।
- হৌজিক মালেমগী ওইনা হার অমসুং দরকার ওইবা পোৎলমশিংগী মমল হেনগৎলক্লিবা অসি য়েংলগা পি অমসুং কে হারশিংদা চুনবা সবসিদি পীগনি।
নুঙগীৱারোল:
সরকারনা লৌমীশিংদা অতাবা মমলদা ফোস্পেত অমসুং পোতাসকী হার মখল ২৫ ফংহল্লি। ফোস্পেত অমসুং পোতাস হারশিংদা সবসিদি পীবা অসি এন.বি.এস স্কিম্না এপ্রিল ১,২০১০দগী চৎনবা হৌরকখিবনি। স্কিম অসি লৌমীশিংনা য়াম্না পাম্নবদগী, লৌমীশিংদা ফোস্পেত অমসুং পোতাস হার অহোংবা মমলদা ফংহন্নবা সরকারনা থবক পায়খৎলকপনি। য়ুরিয়া, দি.এ.পি, এম.ও.পি অমসুং সলফর য়াওনা হৌজিক মালেমগী ওইনা হারগী মমল হেনগৎলক্লিবা অসি য়েংলগা ফোস্পেত অমসুং পোতাস হারশিংদা নিংথম লৌরোক ২০২৩-২৪ গী(০১.১০.২০২৩ দগী ৩১.০৩.২০২৪ ফাওবা) নিউত্রিয়েন্ত বেজ সবসিদি(এন বি এস) রেত অয়াবা পীনবা সরকারনা ৱারেপ লৌখিবনি। সবসিদি অসি হার কম্পেনিশিংদা য়ানখিবগী মতুংইন্না পীগনি অমসুং হান্না লেপখ্রবা মমলশিংদা লৌমীশিংদা অহোংবা মমলদা হার ফংহনগনি।
