প্রধান মন্ত্রী শ্রী নরেন্দ্র মোদীনা ময়াই তাংবল লৌখিবা কেন্দ্রগী কেবিনেৎনা বিহারগী দরভঙ্গাা অনৌবা ওল ইন্দিয়া ইন্সতিত্যুত ওফ মেদিকেল সাইন্সেস (এম্স) লিংখৎনবা অয়াবা পীখ্রে। মসি প্রধান মন্ত্রী স্বাস্থ্য সুরক্ষা য়োজনা (পি.এম.এস.এস.ৱাই.)গী মখাদা লিংখৎকনি। হায়রিবা এম্স অসিগী বেসিক পে লুপা ২,২৫,০০০/-(ফিক্স) প্লস এন.পি.এ. (অদুম ওইনমক পে + এন.পি.এ.না লুপা ২,৩৭,৫০০/- হেল্লোই)দা দিরেক্তরগী ফম অমা হাপনবা কেবিনেৎনা অয়াবাসু পীখি।
পুন্না চংগদবা শেল অসি লুপা করোর ১২৬৪নি অমদি মসি ভারত সরকারনা অয়াবা পীখিবা তাং অদুদগী থা ৪৮গী মতমগী মনুংদা শাবা লোয়শিনগনি।
প্রজাদা কান্নগদবশিং/মরু ওইবশিং
• অনৌবা এম্স অসিনা য়ু.জি.গী(এম.বি.বি.এস.) সীৎ ১০০ অমসুং বি.এসসি.গী (নর্সিং) সীৎ ৬০ লৈহল্লগনি।
• অনৌবা এম্স অসিনা সুপর স্পেসিএলিতী দিপার্তমেন্ত ১৫-২০ লৈহল্লগনি।
• অনৌবা এম্স অসিদা হোস্পিতালগী ফমুং ৭৫০ লৈহল্লগনি।
• হৌজিক মথৌ তৌরিবা এম্সকী দেতাগী মতুং ইন্না, অনৌবা এম্স অমমমনা নোংমদা চাউরাক্না ও.পি.দি. পেসেন্ত ২০০ অমসুং থা অমদা আই.পি.দি. পেসেন্ত ১০০০দা কান্নবা ফংহল্লগনি।
• অথুবা মতমদা পি.জি. অমসুং দি.এম/এম.সিঐচ. সুপর-স্পেসিল্তী কোর্সশিং হৌরগনি।
প্রোজেক্ত অসিগী অকুপ্পা ৱারোল:
অনৌবা এম অমা লিংখৎপা অসিদা পি.এম.এস.এস.ৱাই.গী অহানবা তাঙ্কক্কী মখাদা নই দিল্লীগী এম্স অমসুং অতোপ্পা অনৌবা এম্স তরুক্কী মওংদা হোস্পিতাল, মেদিকেল অমসুং নর্সিং কোর্সশিংগী মহৈ তমফম ব্লোক, রেসিদেন্সিএল কমপ্লেক্স অমসুং মরী লৈনবা ফেসিলিতীশিং/সর্ভসশিং শেমগৎপা য়াওরি। অনৌবা এম্স অসি লিংখৎপগী পান্দমদি লমদম অসিদা জাতিদা কান্নগদবা ইন্সতিত্যুসন ওইনা ক্বালিতী তর্সরী হেল্থক্যের, মেদিকেল এজুকেসন, নর্সিং এজুকেসন অমসুং রিসর্চ ফংহন্নবনি।
শাগদৌরিবা ইন্সতিত্যুসন অসিদা ইমর্জেন্সী/ত্রোমা বেদশিং, আই.সি.য়ু. বেদশিং, আয়ুশ বেদশোং, প্রাইবেৎ বেদশিং অমসুং স্পেসিএলিতী অমসুং সুপর স্পেসিএলিতী বেদশিং য়াওনা ফমুং ৭৫০ লৈবা হোস্পিতাল অমা লৈগনি। মসিগী মথক্তা মেদিকেল কোলেজ অমা, আয়ুশ ব্লোক, ওদিতোরিয়ম, নাইৎ শেলতর, গেস্ত হাউস, হোস্তেলশিং অমসুং রেসিদেন্সিএল ফেসিলিতীশিং লৈগনি।নৌনা লিখৎকদৌরিবা এম্স অসি অনৌবা এম্স তরুক্কী মওং-মতৌদা য়ুম্ফম ওইরগা কেপিতেল এসেস্তশিং শেমগনি মসি চল্লাইনবা অমদি য়েংশিন্নবা হীরম অসিদা মথৌ তাবা খঙহৈরবা মেনপাৱর লৈহনগনি। ইন্সতিত্যুসনশিং অসিগী রিকরিং কোস্ত অসি ফংহন্নবা মখোয়দা হকশেল অমসুং য়াইফ য়ুম্বাল মন্ত্রালয়গী পি.এম.এস.এস.ৱাই.গী প্লান বজেৎ হেদকী গ্রান্ত-ইন-এদকী খুত্থাংদা ফংহনগনি।
কান্নবা:
অনৌবা এম্স অসি লিংখৎপনা হেল্থ এজুকেসন অমসুং ত্রেনিংদা খক্তা অওনবা পুরকপদা নত্তনা মসিনা লম অসিগী হেল্থ ক্যেরগী প্রোফেস্নেলশিংগী অৱাৎপা লৈরিবা অসি কোকহনগনি। অনৌবা এম্স লিংখৎপা অসিনা হীরম অনিদা কান্নবা ফংহল্লগনি, মসিনা মীয়ামদা সুপর স্পেসিএলিতী হেল্থ ক্যের ফংহন্দুনা লমদম অসিদা দোক্তর অমসুং অতোপ্পা হেল্থ ৱার্করশিং মশিং য়াম্না লৈহন্দুনা নেস্নেল হেল্থ মিসন (এন.ঐচ.এম.)গী মখাদা প্রাইমরী অমসুং সেকেন্দরীগী থাক্তা লৈবা ইন্সতিত্যুসনশিং/ফেসিলিতীশিংদা ফংহনবা ঙম্লগনি।অনৌবা এম্স অসি শানবা কেন্দ্র সরকারনা মপুং ফানা শেন্থং পীথরি। অনৌবা এম্স অসিগী চল্লাইনবা অমসুং য়েংশিন্নবা অচংবা শেলশিং অসিসু কেন্দ্র সরকারনা পুম্নমক পুথোক্কনি।
থবক ফংহনবা:
রাজ্যদা এম্স লিংখৎপনা ফেকলতী অমসুং নন-ফেকলতী পোস্তশিংদা মীওই ৩০০০ ময়া নক্না থবক ফংহল্লগনি। অনৌবা এম্সকী অকোইবদা লাক্কদবা খুদোংচাশিং অমসুং শোপ্পিং সেন্তর, কেন্তীনশিংনচিংবগী সর্ভিসনা মরম ওইরগা মখাতানা থবক ফংহল্লগনি।
এম্স দরবঙ্গাগী ফিজিকেল ইনফ্রাস্ত্রকচর শেমগৎপগী কন্সত্রক্সন এক্তিবিতী অসিনা কন্সত্রক্সনগী তাঙ্কক মনুংদা থবক চাউনা পীরগনি হায়না পানরি।
মসিনা তর্সিয়রী হেল্থ-ক্যের ইনফ্রাস্ত্রকচরদা অহোবা লৈহন্দবগা লোয়ননা রাজ্য অমসুং মসিগী অকোইবদা ক্বালিতী মেদিকেল এজুকেসনগী খুদোংচাবশিং ফংহল্লগনি। এম্সনা লায়রবা অমসুং শোত্থরবশিংদা তঙাইফদবা সুপর স্পিসিএলিস্ত/মমল হোংনা তর্সিয়রী হেল্থ ক্যের পীবা খক্তা নত্তনা মসিনা হকশেল অমসুং য়াইফ-য়ুম্বাল মন্ত্রালয়গী নেস্নেল রুরেল হেল্থ মিসন/ অতোপ্পা হকশেলগী প্রোগ্রামশিংগী ত্রেন তৌরবা মেদিকেল মেনপাৱরশিং ফংহল্লগনি। মসিগী ইন্সতিত্যুত অসিনা ক্বালিতী মেদিকেল এজুকেসন পীবা ঙম্বা ত্রেন তৌরা তিচিং রিসোর্সশিং/ ফেকলতী মশিং য়াম্না ফংহল্লগনি।
