প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীম মন্দলনা লোথল গুজরাত্তা নেস্নেল মেরিতাইম হেরিতেজ কমপ্লেক্স (NMHC) শেমগৎনবা অয়াবা পীখ্রে। প্রোজেক্ত অসি তাঙ্কক অনিদা লোইশিনগনি।
মন্ত্রী মন্দলনা ভোলুন্তরী রিসোর্স/ কন্ত্রিব্যুসনগী খুত্থাঙদা ফন্দ খোমগত্তুনা অমদি ফন্দ খোমগৎলবা মতুংদা থবক ওইনা পায়খৎনবা মাস্তর প্লানগী মখা পোন্না ফেজ 1B অমসুং ফেজ 2 গী ইন-প্রিন্সিপল অয়াবা পীখ্রে।
ফেজ 1Bগী মখাদা লাইত হাউস ম্যুজিয়ম শাগৎপগী থবক্তা দাইরেক্তোরেত জেনেরেল ওফ লাইতহাউসেস এন্দ লাইতসিপ্স (DGLL)না শেল থাদগনি।
তুংগী ফেজশিং পায়খৎনবা, পোর্ত, সিপ্পিং অমসুং ৱাতরৱেজকী মন্ত্রীনা লুচিংবা গভর্নিং কাউন্সিল অমনা চলাইগদবা তোঙানবা সোসাইতী অমা, লোথল, গুজরাত্তা NMHC পায়খৎনবা, শেমগৎনবা, শিন-লাংনবা, অমসুং চলাইনবা, সোসাইতিজ রেজিস্ত্রেসন এক্ত, ১৯৬০গী মখাদা লিংখৎকনি।
NMHC বু মালেমগী থাক্কী হেরিতেজ ম্যুজিয়ম অমা ওইনা লিংখৎনবা প্রোজেক্ত অসিগী ফেজ 1A পায়খৎপা হৌখিবগা লোয়ননা ৬০% লোইশিল্লক্লে অমসুং ২০২৫ ফাওবদা লোইশিন্নবা থৌরাং তৌরি। প্রোজেক্ত অসিগী ফেজ 1A অমসুং 1B EPC মোদতা পায়খৎকনি অমসুং প্রোজেক্ত অসিগী ফেজ 2 না লেন্দ সবলিজিং/ PPPগী খুত্থাঙদা পায়খৎকনি।
থবক পীবগী মতিং য়াওনা মরুওইবা শাফুশিং:
NMHC প্রোজেক্ত শেমগৎপদা হকথেংননা থবক ১৫,০০০ অমসুং নাকোয়ননা ৭,০০০ পীদুনা চাউরাক্না থবক ২২,০০০ রোম পীগনি হায়না পারি।
বেনিফিসরী মশিং:
NMHC পায়খৎপনা চাওখৎপা হেনগৎহনগনি অমসুং লমদমদুগী মীওইশিং, লমকোয়বা অমসুং মফমদুদা লাকপশিং, থিজিন হুমজিল্লিবশিং অমসুং স্কোলারশিং, লৈঙাক্কী বোদীশিং, মহৈ মশিংগী ইন্সতিত্যুসনশিং, নাৎকী লূপশিং, অকোয়বগী ফীভম ঙাক শেন্বা কাঙলুপ, বিজিনেসশিংদা চাউনা কান্নবা পীগনি।
বেকগ্রাউন্দ:
চহি ৪,৫০০ শুরবা ভারতকী মেরিতাইম হেরিতেজ উত্থোক্নবা প্রধান মন্ত্রীগী মঙলান মতুং ইন্না, পোর্ত, সিপ্পিং অমসুং ৱাতরৱেজ মন্ত্রালয় (MoPSW)না লোথলদা মালেমগী থাক্কী নেস্নেল মেরিতাইম হেরিতেজ কমপ্লেক্স (NMHC) অমা লিংখৎকদৌরি।
NMHCগী মাস্তরপ্লান মমিং লৈরবা অর্কিতেকচর ফর্ম M/s অর্কিতেক হফীজ কন্ত্রেক্তরনা শেম্বনি অমসুং ফেজ 1A শেমগৎপগী থমক তাতা প্রোজেক্ত লিমিতেদতা শিন্নখ্রে।
NMHC অসি তোঙান তোঙানবা ফেজতা শেমগৎনবা থৌরাং তৌরি, মসিদা:
- ফেজ 1A তা গেলরী ৬ য়াওবা NMHC ম্যুজিয়ম শেমগৎকনি, মসিদা এক্তরনেল নেভেল অর্তিফেক্তশিং (INS নিশঙ্ক, সী হেরিয়র ৱার এয়রক্রাফ্ত, UH3 হেলিকোপ্তর অসিনচিংবা), ওপন এক্বাতিক গেল্লরী অমসুং জেতী ৱাল্কৱেনা কোয়শিন্বা লোথল তাউন্সিপকী রেপ্লিকা মোদেলগা লোয়ননা লৈবাকসিগী খ্বায়দগী চাউবশিংগী মরক্তা অমা ওইহন্নবা মীৎয়েঙ থম্লিবা ইন্দিয়ন নেভী এন্দ কোস্ত গার্দ গেল্লরী অমা য়াওরি।
- ফেজ 1B দা অহেন্বা গেল্লরী ৮ য়াওবা NMHC ম্যুজিয়ম, মালেমগী খ্বায়দগী ৱাংবা ওইনা থৌরাং তৌরিবা লাইত হাউস, বগিচা কমপ্লেক্স (কার ১৫০০ রোম চনগদবা কার পার্কিং ফেসিলিতী, ফুদ হোল, মেদিকেল সেন্তর অসিনচিংবা য়াওবা) য়াওগনি।
- ফেজ 2 দা কোস্তেল স্তেতস পেভিলিয়নশিং (মরী লৈনবা সমুদ্র খোঙবালগী স্তেত অমসুং য়ুনিয়ন তেরিতরীশিংনা শেমগৎকদবা), হোস্পিতেলিতী জোন (মেরিতাইম থীম ইকো রিজোর্ত অমসুং ম্যুজিওতেলশিংগা লোয়ননা), রিএল তাইম লোথল সিতীগী শক্তম, মেরিতাইম ইন্সতিত্যুৎ অমসুং হোস্তেল অমদি থীম বেস পার্ক ৪ (মেরিতাইম অমসুং নেভেল থীম পার্ক, ক্লাইমেত চেঞ্জ থীম পার্ক, মোনুমেন্ত পার্ক অমসুং এদভেঞ্চর পার্ক অমসুং এদভেঞ্চর অমসুং এম্যুজমেন্ত পার্ক) য়াওরি।
