সুরত এয়রপোর্ত ইন্তরনেসনেল এয়রপোর্ত ওইনা লাউথোকপা পুখৎলকপা ৱাফম প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।
সুরত এয়রপোর্ত অসি মালেমগী লমকোয়বশিংগী থোঙ্গাল অমা ওইবতা নত্তনা দাইমন্দ অমসুং তেক্সতাইল উদোগশিংগী এক্সপোর্ত-ইমপোর্তকী থবকশিংগী খুদোংচাবসু পীরি। মসিগী খোঙথাং অসিনা মালেমগী এভিএসনগী লমদা সুরত মরুওইবা মফম অমা ওইহন্দুনা শেন-থুমগী খুদোংচাবশিং লৌনবা পান্দম থম্লি অমসুং লমদম অসিদা নুংঙাই-য়াইফবগী অনৌবা যুগ অমা শেমগৎকনি।
সুরত ভারত্তা য়াংনা চাউখৎলক্লিবা সহর অমা ওইনা, শেন-থুমগী শক্তি অমসুং উদোগ চাউখৎপগী শিংথানিঙাই ওইবা শক্তি উৎলে। সুরত এয়রপোর্ত মালেমগী থাক্তা পুখৎপা অসিনা শেন-থুম চাউখৎহনবা, মপান লৈবাকশিংদগী শেন থাদরক্নবা পুক্নিং চিংশিনবা অমসুং দিপ্লোমেতকী মরী ফগৎহনবদা য়াম্না মরুওই। পেসেঞ্জর ত্রাফিক অমসুং কার্গো ওপরেসনশিং হেনগৎলকপগা লোয়ননা, এয়রপোর্ত অসি মালেমগী থাক্তা পুখৎপা অসিনা লমদম অসি চাউখৎপদা মরুওইবা ইনোৎ অমা পীগনি।
