মহাক্কী নুমিৎ হুমনিগী ভারত খোঙচৎতা ঙসি বিল এন্দ মেলিন্দা গেৎস ফাউন্দেসনগী কো-চেয়রমেন বিল গেৎসনা প্রধান মন্ত্রী শ্রী নরেন্দ্র মোদী উনখ্রে। হৌখিবা সেপ্তেম্বরদা ন্যু য়োর্কতা য়ুনাইতেদ নেসন্স জেনেরেল এসেম্বলীদা মখোয় অনি উনখিবনি।
হকশেল, মচি ওইবা চীঞ্জাক, সেনিতেসন অমসুং লৌউ-শিংউগী লমদা ভারতনা স্তেনেবল দিবেলপমেন্ত গোল ফংনবা হোৎনবদা মহাক্কী ফাউন্দেসন্না পাংবা য়াবা মতেং পাংগনি হায়না বিল গেৎসনা থাজবা ফোংদোকখি।
প্রধান মন্ত্রীনা মচি ওইবা চীঞ্জাক অসি মরুওইনা লৌবা অমসুং মসিগীদমক নেস্নেল ন্যুত্রিসন মিসন পায়খৎপগীদমক মহাক্না প্রধান মন্ত্রীবু থাগৎখি।
লায়রবশিং অমসুং তোল্লবশিংগী ফিবম ফগৎহন্নবা মরুওইনা লৌউ-শিংউগী পোৎথোক হেনগৎহন্নবা অনৌবা ৱাখল্লোনশিং মহাক্না পুথোকখি।
ফাউন্দেসন্না পায়খৎলিবা থবকশিং প্রধান মন্ত্রীনা থাগৎখি অমসুং দেতা অমসুং খুদম-চাংদমদা য়ুমফম ওইবা মতেংশিংনা হকশেল, ন্যুত্রিসন, লৌউ-শিংউ অমসুং মৈখু চেন্দবা ইনর্জীগী লমদা মতেং পাংবা হেনগৎহনগনি হায়না প্রধান মন্ত্রীনা ফোংদোকখি।
