দিব্যাঙ্গ আর্তিস্ত দিয়া গোসাইগী ওইনা ক্রিএতিবিতীগী মীকুপ অসি পুন্সিদা অহোংবা পুরকপা এক্সপরিয়েন্স অমা ওইখি। ওক্তোবর 29দা পাংথোকখিবা পি.এম. মোদীগী বদোদরা রোদশোদা পি.এম. অমসুং স্পেন সরকারগী রাস্ত্রপতি, ঐচ.ই. শ্রী পেদ্রো সাঞ্চেজগী স্কেচশিং মহাক্না খুদোল তমখি। লুচিংবা অনিমক্না থোরক্তুনা হকথেংননা মহাক্কী খুদোল অদু লৌখি, মসিনা মহাকপু য়াম্না নুংঙাইবা পোকহনখি।
চয়োল খরগী মতুং, নবেম্বর 6তা দিয়ানা পি.এম.দগী মহাক্কী আর্তৱার্ক থাগৎপা অমসুং ঐচ.ই. শ্রী সঞ্চেজনা পামজখিবা অদুগী মতাংদা পাউদম্বা চিথী অমা ফংখি। পি.এম. মোদীনা কত্থোকপগা লোয়ননা মহাক্না ফাইন আর্তস তমথনবা মহাকপু পুক্নীং থৌগৎখি, “বিক্সিৎ ভারত” অমা শেম্বদা নহারোলশিংগী থৌদাং অদু ফোংদোকখি। মহাক্কী ইমুং মনুংদা দিৱালী অমসুং চহি হৌবগী য়াইফ-পাওজেলসু পীরদুনা মহাক্কী পর্সনেল তচ উৎখি।
নুংঙাইবনা য়োমলবা দিয়ানা চিথী অদু মহাক্কী মমা-মপাদা পাথোকখি, মহাক্না ইমুংদা অচৌবা ইকাই খুম্নবা পুরক্লে হায়না মখোয়না য়াম্না নুংঙাইখি। “ঐখোয়গী লৈবাক অসিগী অপীকপা শরুক অমা ওইবদা ঐহাক্না চাউথোকচবা পোকই। ঐঙোন্দা মীনুংশিং অমসুং থৌজালশিং পীনবীবগীদমক ঐহাক্না মোদীজীবু থাগৎচরি,” হায়না দিয়ানা ফোংদোকখি, মখা তারদুনা পি.এম.দগী চিথী অসি ফংবনা মহাক্না পুন্সিদা থৌনা লৈবা থবকশিং তৌনবা অমসুং অতৈশিংদসু চপ মান্ননা তৌনবা শক্তি পীনবা চাউনা ইথিল ফংখি হায়না ফোংদোকখি।
পি.এম. মোদীগী থৌওং অসিনা মহাক্না দিব্যাঙ্গশিংদা শক্তি পীনবা অমসুং মখোয়না শরুক তম্লিবশিং শকখঙনবা মহাক্কী ফিরেপ অদু উৎলি। সুগম্য ভারত অভিয়ানগুম্বা থৌশিল কয়ামরুমদগী দিয়াগী অসিগুম্বা পর্সনেল কনেক্সনশিং অসিনা মহাক্না মখা তানা ইথিল পীরি অমসুং পুক্নীং থৌগৎলি, মসিনা অফবা তুংলমচৎ অমা শেম্বদা মীপুম খুদিংমক্কী থৌদাং মরু ওই তাক্লি।
