'মন কী বাত' তারিবশিং থৌরম অসিগী অশেংবা এংকরশিংনি: পি.এম. মোদী
September 29th, 11:30 am
ঐখোয় অমুক হন্না মন কি বাত্তা উনরে। ঙসিগী তাঙ্কক অসি ঐগী ওইনা পুক্নিং য়াম্না নুংশিবা অমনি। তাঙ্কক অসিদা হৌখ্রবা থৌদোক কয়ানা ঐঙোন্দা পীক থল্লে। মসিগী মরমদি ঐখোয়গী মন কি বাতকী খোঙচৎ চহি ১০ মপুংফারে। চহি ১০গী মমাঙদা ওক্তোবর ৩আ বিজয়াদস্মী নুমিত্তা মন কি বাত হৌখি। অঙকপা চপ মান্নবা থৌদোক অমা ওইনা, চহি অসিগী ওক্তোবর ৩ দা মন কি বাত চহি ১০ মপুংফারে। নুমিৎ অসি নবরাত্রিগী অহানবা নুমিৎনি। মন কি বাতকী শাংলবা খোঙচৎ অসিদা ঐনা তাঙ্কক কয়া কাউবা ঙমদ্রে। মন কি বাত তারিবা মীওই করোর কয়া খোঙচৎ অসিদা ঐখোয়গী খোঙলোয়শিংনি, মখোয়না মখা তানা ঐ শৌগৎলি। মখোয়না লৈবাক অসিগী মফম কয়াদগী ই-পাউ পীরকখি।