শশক্ত নারী – বিকশিৎ ভারত প্রোগ্রাম হৌদোকপদা প্রধান মন্ত্রীনা থমখিবা ৱারোল
March 11th, 10:30 am
ঙসিগী নুমিৎ অসিদি নুপীশিংবু মপাঙ্গল হাপ্পগী মতাংদা পুৱারী ওইরগনি। ঙসি, ঐহাক্না নমো দ্রোন দিদি প্রোগ্রামগী খুত্থাংদা মতমগা চুনবা দ্রোন 1000বু নুপীশিংগী সেল্ফ হেল্প গ্রুপকী মফমদা খুৎশিন্নবগী খুদোংচাবা ফংজরি। লৈবাক্কী করোর 1দগী হেনবী নুপী কয়ানা স্কিম অমসুং ঐখোয়না পায়খৎপা খোঙথাং কয়াগী মতেংদগী লাক্ষপতি দিদি ওইনখ্রে। মসিদি অপীকপা মশিং নত্তে। ঐহাক্না হৌজিক মীয়ামগা ৱারী শাজবদা, ইচল কিশোরীনা মহাক্তি থা অমদা লুপা লিশিং 60-70 তাল্লি হায়না পাউদম্লকখ্রে। খুঙ্গংগী ইচল অমনা মহাক্কী হোৎনজমন্দগী থা অমদা লুপা লিশিং 60-70 তানবা ঙম্বগী পাউজেল তাবদা লৈবাক্কী নহাশিংদা ইথিল য়াম্না পীগনি। মহাক্কী মশাদা থাজবগী মতৌসি অমুক্তা য়েংসি, কিশোরী মসিদা ফম্লে, মখুৎশু থাংগৎলি। মসিগুম্বা ৱারোল তাবদা ঐহাক্কী নুংগী থাজবগী চাং য়াম্না হেনগৎলি। অদোমগী মসিগুম্বা তাবদা ঐহাক্না য়াম্না নুংঙাইবা ফাওই। ঐখোয়না হোৎনরিবা খুদিংমক মায়কৈ চুম্না চৎলি হায়না ফাওহল্লি, লৈবাক্কী মফমদা কান্নবা পীরি হায়বা খঙহল্লি। ঐখোয়না শেম্লিবা স্কিম অসিবু অদোম্না নীংথিনা ইন্দুনা চৎপীরবদি, অদোমগী মায় পাকপসু শোইদনা ফংগনি। মসিনা মরম ওইরগা ঐহাক্না লাক্ষপতি দিদিগী মশিং অসি করোর 3 শোইদনা হেলহনগনি হায়না লেপ্লিবনি। মরী লৈনবা থৌওং অমা ওইনা, ঐখোয়না ঙসি লুপা করোর লিশিং 10গী শেনফমশু মখোয়গী বেঙ্ক একাউন্ততা হাপখ্রবনি। মসিগীদমক্তা অদোম পুম্নমকপু থাগৎচরি।প্রধান মন্ত্রীনা সশক্তী নারী – বিকশিৎ ভারত প্রোগ্রামদা শরুক য়াখ্রে
March 11th, 10:10 am
প্রধান মন্ত্রী শ্রী নরেন্দ্র মোদীনা ঙসি নই দিল্লীগী পুসাদা লৈবা ইন্দিয়ন এগ্রিকলচরেল রিসর্চ ইন্সত্যিত্যুত্তা ঙসি পাংথোকপা শশক্ত নারী – বিকশিৎ ভারত প্রোগ্রামদা শরুক য়াখ্রে অমসুং নমো দ্রোন দিদিনা লৌউ-শিংউদা শিজিন্নগদবা দ্রোন পাইবগী মতৌবুসু মিৎয়েং তাখ্রে। লৈবাক শিনবা থুংবগী তোঙান-তোঙানবা মফম 10গী নমো দ্রোন দিদিশিংনা ঙসিগী থংন-থংননা দ্রোন পাইবগী থৌরমদা শরুক য়াখি। প্রধান মন্ত্রীনা থৌরম মনুংদা নমো দ্রোন দিদি 1000গী মফমদা দ্রোন কয়া খুৎশিন্নখি। বেঙ্কশিংনা জিলা খুদিংদা শেমগৎলিবা বেঙ্ক লিঙ্কেজ কেম্পশিংগী খুত্থাংদা সবসিদাইজ ওইরবা শেন্দোইগা লোয়ননা পীরিবা চাউরাকপা লুপা করোর 8,000গী বেঙ্ক লোনশিংসু প্রধান মন্ত্রীনা সেল্ফ হেল্প গ্রুপ (SHG)শিংদা য়েন্থোকখি। প্রধান মন্ত্রীনা SHGশিংদা লুপা করোর 2000গী কেপিতেলাইজেসন সপ্পোর্ত ফন্দসু য়েন্থোকখি। প্রধান মন্ত্রীনা বেনেফিশরীশিংগা ৱারীসু শাখি।প্রধান মন্ত্রী মার্চ ১১দা দিল্লিদা সশক্ত নারী-বিকসিত ভারত থৌরম শরুক য়াগনি
March 10th, 11:14 am
প্রধান মন্ত্রী শ্রী নরেন্দ্র মোদীনা মার্চ ১১গী অয়ুক পুং ১০ তাবদা নিউ দিল্লিগী ইন্দিয়ান এগ্রিকলচরেল রিছার্স ইন্সতিতুৎ, পুসাদা সশক্ত নারী-বিকসিত ভারত থৌরম শরুক য়াগনি অমসুং নমো দ্রোন দিদিশিংনা লৌউ-শিংউগী দ্রোনশিং পাইবা য়েংগনি। লৈবাক্কী তোঙান-তোঙানবা মফম ১১গী নমো দ্রোন দিদিশিং মতম অমতদা দ্রোন পাইবা উৎপগী থৌরম শরুক য়াগনি। থৌরম অদুদা প্রধান মন্ত্রীনা নমো দ্রোন দিদি ১০০০দা দ্রোনশিং খুৎশীন্নগনি।