পি.এম.না বেনিফিশরী লৌমীশিংদা ‘জয় জগন্নাথ’ হায়না কৌখ্রে
November 30th, 01:25 pm
প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা বিকশিৎ ভারত সঙ্কল্প য়াত্রাগী বেনিফিশরীশিংগা ৱারী শাখ্রে। মহাক্না প্রধান মন্ত্রী মহিলা কিসান দ্রোন কেন্দ্রসু হৌদোকখ্রে। থৌরম মনুংদা, প্রধান মন্ত্রীনা 10,000শুবা জন ঔশধী কেন্দ্রবু এমসকী দেওঘরদা মীয়ামদা খুৎশিন্নখ্রে। মখা তারকপদা, শ্রী মোদীনা লৈবাক্কী জন ঔশধী কেন্দ্র মশিংনা 10,000দগী 25,000 ফাওবা হেনগৎহন্নবা প্রোগ্রাম অমসু হৌদোকখি। নুপী SHGশিংদা দ্রোন পীথবা অমসুং জন ঔশধী কেন্দ্র মশিংবু 10,000দগী 25,000 ফাওবা হেনগৎহনবগী খোঙথাং অনিমক প্রধান মন্ত্রীনা চহিসিগী মতম খরগী মমাংদা, মহাক্কী নিংতম্বা নুমিৎকী লৈবাক মীয়ামদা থম্বা ৱারোলদা লাউথোকখিবনি। থৌরম অসিনা মহাক্কী ৱাশক মপুং ফাহল্লে হায়না পাউদম্লি।