পোহারাদেবীগী বঞ্জারা বিরাসত ম্যুজিয়ম অসি বঞ্জারা নাতপু মশক থোকহল্লিবা শীংথানিংঙাই ওইরবা থৌরাং অমনিঃ প্রধান মন্ত্রীনা
October 05th, 04:39 pm
প্রধান মন্ত্রী, শ্রী নরেন্দ্র মোদীনা ঙসি পোহারাদেবীগী বঞ্জারা বিরাসত ম্যুজিয়ম শঙ্গাখ্রে। মহাক্না পুৱারী অমসুং নাত নৈনবা পামজবা মীওই পুম্নমক্না ম্যুজিয়ম অসিদা কোইবীরক্নবা পুক্নিং চিংশিনখি।
প্রধান মন্ত্রী ওক্তোবর ৫ দা মহারাস্ত্রাদা চৎকনি
October 04th, 05:39 am
প্রধান মন্ত্রী শ্রী নরেন্দ্র মোদী ওক্তোবর ৫ দা মহারাস্ত্রাদা চৎকনি। মহাক্না অয়ুক্কী পুং ১১:১৫ রোম তাবদা ৱাসিমদা চৎকনি, মহাক্না জগদম্বা মাতা লাইশঙ, পোহারাদেবীদা লাই খুরুমগনি। মহাক্না ৱাসিমদা লৈবা শান্ত সেবালাল মহারাজ অমসুং শান্ত রামরাও মহারাজগী মোঙফমশিংদা ইকায়খুম্নবা উৎকনি। তুংদা, অয়ুক পুং ১১:৩০ রোম তাবদা, প্রধান মন্ত্রীনা বঞ্জারা ফুরুপকী ইনাকখুল্লবা হেরিতেচ হরাওবা ফোঙদোক্লদুনা, বঞ্জারা বিরাসাত ম্যুজম শঙ্গাগনি। নুমিৎয়ুংবা পুং ১২ রোম তাবদা, প্রধান মন্ত্রীনা লুপা করোর ২৩,৩০০ রোমগী লৌউ-শিংউ অমসুং শা-ষন লোইবগা মরী লৈনবা তোঙান-তোঙানবা থবকশিং হৌদোক্কনি। নুংথিলগী পুং ৪ রোম তাবদা, প্রধান মন্ত্রীনা থানেদা লুপা করোর ৩২,৮০০ রোমগী তোঙান-তোঙানবা প্রোজেকশিং শঙ্গাগনি অমসুং উরেপ-উয়ুং তমগনি। তুংদা, নুংথিলগী পুং ৬ রোম তাবদা, কে.বি.সি মেত্রো স্তেসন্দগী মহাক্না কে.বি.সিদগী আরে জে.ভি.এল.আর মুম্বাই ফাওবা চেনগদবা মেত্রো ত্রেন লমথাগনি। মহাক্না কে.বি.সি অমসুং শান্তক্রুজ স্তেসনশিংগী মরক্তা মেত্রো তোংগনি।