পি.এম.না নবেম্বর 14-15দা ঝারখন্দদা চৎকনি
November 13th, 07:31 pm
প্রধান মন্ত্রী শ্রী নরেন্দ্র মোদীনা নবেম্বর 14-15, 2023দা ঝারখন্দদা চৎকনি। নবেম্বর 15গী অয়ুক পুং 9:30রোম তারকপদা প্রধান মন্ত্রীনা রাঞ্চিদা লৈবা ভগৱান বিরসা মুন্দা মেমোরিএল পার্ক কম ফ্রীদম ফাইতর ম্যুজিয়মদা চৎকনি। মসিগী মতুংদা মহাক্না ভগৱান বিরসা মুন্দাগী মীতমদা হৈকৎ-লৈকৎ তম্নবা ভগৱান বিরসা মুন্দাগী পোক্নফম ওইরিবা উলিহাহু খুঙ্গংদা থুংগনি। পি.এম. নরেন্দ্র মোদীনা ভগৱান বিরসা মুন্দাগী পোক্নফম ওইরিবা উলিহাতু খুঙ্গংদা চৎপা অহানবা পি.এম. ওইরগনি। প্রধান মন্ত্রীনা খুন্তীদা অয়ুক পুং 11:30রোম তারকপদা অহুমশুবা গৌরব দিবস, 2023গী পালন থৌরমদা শরুক য়াগনি। থৌরম অসিদা প্রধান মন্ত্রীনা ‘বিক্ষিৎ ভারত সঙ্কল্প য়াত্রা’ অমসুং প্রধান মন্ত্রী পার্তিক্যুলর্লী ভলনরেবল ত্রাইবেল গ্রুপস মিসন হৌদোক্কনি। মহাক্না PM-KISANগী 15শুবা ইনস্তোলমেন্তসু থাদোক্কনি অমদি ঝারখন্দদা তোঙান-তোঙানবা চাউখৎ-থৌরাংগী প্রোজেক্তশিং শঙ্গাগনি, জাতিদা কত্থোক্কনি অমসুং উরেপ-উয়ুং তমগনি।