প্রধান মন্ত্রীনা তমিলগী অনৌবা চহি হৌবগী নুংঙাইবা ফোংদোকপদা থমখিবা ৱারোল
April 13th, 08:21 pm
পুম্নমকপু তমিল পুত্তান্দুগীদমক্তা য়াইফ পাউজেল পীজরি। ঐহাক্না ঙসি অদোমগী মরক্তা তমিল পুত্তান্দুগী নুংঙাইবা পাংথোকমিন্নবগী তাঞ্জা ফংলিবা অসি অদোম্না ঐহাকপু নুংশিবীবগীনি। পুত্তান্দু অসিদি অরিবদা অনৌবা থীবগী কুহ্মৈনি। অশুক য়াম্না লিরবা তমিল সংস্কৃতী অমসুং চহি খুদিংগী পুত্তন্দুদগী অনৌবা ইথিল লৌদুনা তুংলমচত্তা চঙশিনবগী চৎনবী অসি তসেংনা য়াম্না অখন্নবা অমনি। মসিমক্না তমিলনাদু অমসুং তমিলগী মীওইশিংবু মগুন লৈহল্লিবনি। মরমদুনা, চৎনবী অসিনা মতম পুম্বদা ঐহাক্কী পুক্নিং শুমহৎলি, মসিনসু ঐহাক্না য়াম্না পামজবা অমা ফাওজৈ। ঐহাক্না গুজরাত্তা লৈরিঙৈদা, ঐহাক্না MLA ওইনা কাখিবা মনিনগরগী বিধান সভাগী সিত অদুদা তমিল য়াম্না লৈ, মখোয়না ঐঙোন্দা ভোত পীবিদুনা MLAসু ওইহনখি, মুখ্য মন্ত্রীসু ওইহনখি। অদুগা, মখোয়গা লেনমিন্নখিবা মিৎকুপ খুদিংমক ঐহাক্না ঙসিসু নিংশিংলি। ঐহাক্না তমিলনাদুবু নুংশিবা অদুদগী হেন্না তমিল মীয়াম্না ঐহাকপু নুংশিবীবা অসি ঐহাক্কী লাইবক ফবনি।প্রধান মন্ত্রী তামিলগী অনৌবা চহি হৌবগী থৌরম শরুক য়াখ্রে
April 13th, 08:20 pm
ঙসি প্রধান মন্ত্রী শ্রী নরেন্দ্র মোদীনা মহাক্কী মন্ত্রীমন্দলদা য়াওরিবা মিনিস্তর এল.মুরুগানগী য়ুমদা পাংথোকপা তামিলগী অনৌবা চহি হৌবগী থৌরম শরুক য়াখ্রে।