প্রধান মন্ত্রীনা দাঃ হরেকৃষ্ণ মাহতাবকী ওরিশা ইতিহাসকী হিন্দি ৱাহন্থোক ফোঙবদা ঙাংখিবা ৱারোল
April 09th, 12:18 pm
থৌরম অসিদা ঐহাক্কী ইনাক্তা তিনবীরিবশিং অসি লোক সভাগী মীহুৎ ওইবতা নত্তনা পুন্সি মহিং অমদা মতৌ করম্না মীহুৎ অমা ওইনা থবক তৌবগে তাকপীবা অহিঙবা খুদম অমা ওইরিবা ভাই ভর্তুহরী মাহতাবজী, ধর্মেন্দ্র প্রধানজী, অতোপ্পা শক্নাইরবা মীওইশিং, তিনবীরিবা ইকায়খুম্নরবা মীওইশিং! ‘উৎকল কেসরী’ হরেকৃষ্ণ মাহতাবজীগা মরী লৈনবা থৌরম অসিদা ঐহাক্না শরুক য়াবা ফংজবা অসি ঐহাক্কী লাইবক ফবনি লৌজৈ। ঐখোয়না চহি অমগা মখায়গী মমাংদা ‘উৎকল কেসরী’ হরেকৃষ্ণ মাহতাবজীগী ১০০শুবা মপোক কুমওনবু ইথিল পীবা থৌরম অমা ওইনা পাংথোকখি। ঙসিদি, ঐখোয়না মহাক্কী ফাওরবা লাইরিক ‘ওরিসা ইতিহাস’কী হিন্দিগী ৱাহন্থোক হন্দোক্লে। ওরিশাগী মওং য়াম্বা পু ৱারীগী মতাংদা মীওই খুদিংদা য়ৌবা ঙম্লি, মসি য়াম্না মরু ওইবা অমনি। ওরিয়া অমসুং ইংলিশ লোলগী মথংদা হিন্দি ৱাহন্থোক্কী খুত্থাংদা ঐখোয়না মসিগী মরু ওইবা অসিসু মাই পাকহল্লে। ঐহাক্না অসিগুম্বা থৌদাংগীদমক্তা ভাই ভার্ত্রিহরী মাহতাবজী, হরেকৃষ্ণ মাহতাব ফাউন্দেসন অমসুং মরু ওইবা ওইনা শঙ্কর্লাল পুরোহিৎজী থাগৎচবগা লোয়ননা মখোয়গী য়াইফ পাউজেলসু নীজরি।পি.এম.না দা. হারেক্রুষ্ণ মাহতাবনা ইবা ওরিশা ইতিহাসকী হিন্দি বর্জন রিলিস তৌখ্রে
April 09th, 12:17 pm
প্রধান মন্ত্রী, শ্রী নরেন্দ্র মোদীনা ‘উতকল কেসরী’ দা. হারেক্রুষ্ণ মাহতাবনা ইবা ‘ওরিশা ইতিহাস’কী হিন্দি লোন্দা হন্দোকপা লাইরিক রিলিস তৌখ্রে৷ হৌজিক ফাওবদা ওরিয়া অমসুং ইংলিস লোন্দা ফংলিবা লাইরিক অসি শ্রী শঙ্করলাল পুরোহিতনা হিন্দি লোন্দা হন্দোকখ্রে৷ থৌরম অসিদা কেন্দ্রগী মন্ত্রী শ্রী ধর্মেন্দ্র প্রধান অমসুং শ্রী ভার্ত্রুহরি মাহতাব এম.পি. (এল.এস.), কত্তক্তসু শরুক য়াখি৷প্রধান মন্ত্রীনা এপ্রিল ৯, ২০২১দা দাঃ হরেক্রুষ্ণ মাহতাবনা ইবা ওরিশা ইতিহাসকী হিন্দীদা হন্দোকপা লাইরিক ফোঙগনি
April 07th, 01:56 pm
প্রধান মন্ত্রীনা এপ্রিল ৯, ২০২১দা ‘উৎকাল কেশরী’ দাঃ হরেক্রুষ্ণ মাহতাবনা ইবা “ওরিশা ইতিহাস”কী হিন্দীগী ৱাহন্থোক লাইরিক অসি নই-দিল্লীগী জনপথতা লৈবা অম্বেদকর ইন্তর্নেস্নেল সেন্তরদা নুমিৎ য়ুংবগী পুং ১২দা ফোঙগনি। ওরিয়া অমসুং ইংলিশখক্তদা হৌজিকফাওবা ফংলম্বা লাইরিক অসি শ্রী শঙ্কর্লাল পুরোহিৎনা হিন্দীদা হন্দোকপনি। থৌরম অসিদা কেন্দ্রগী মন্ত্রী, শ্রী ধর্মেন্দ্রা প্রধান মমসুং কত্তক্কী এম.পি. (এল.এস.), শ্রী ভারত্রুহরী মাহতাবসু শরুক য়াগনি। হিন্দী লোলদা হন্দোকপা লাইরিক ফোঙবগী থৌরম অসি হরেক্রুষ্ণ মাহতাব ফাউন্দেসন্না শিন-লাঙবনি।