প্রধান মন্ত্রী, শ্রী নরেন্দ্র মোদীনা ঙসি তেলিফোনদা রসিয়ন ফেদরেশনগী প্রেসিদেন্ত, হিস এক্সেলেন্সী ব্লাদিমির পুতিনগা ৱারী শাখি
February 24th, 10:35 pm
প্রেসিদেন্ত পুতিন্না প্রধান মন্ত্রীদা য়ুক্রেনগী মতাংদা হন্দক্তা নৌনা থোরক্লিবা থৌদোকশিং অদুগী মতাংনা খঙহল্লকখি। প্রধান মন্ত্রীনা রসিয়া অমসুং এন.এ.তি.ও. কাংলুপকী মরক্তা লৈরিবা খৈৎনবা অসিবু পুকচেল শেংনা অরান-অথুপ য়াওদনা ৱারী-ৱাতাই শানদুনা লোইশিনবা য়াগনি হায়বা মহাক্কী মতম কুইনদগী লৈরক্লবা অচেৎপা থাজবা অদুগী মতাংদা হন্না-হন্না হায়খি। প্রধান মন্ত্রীনা হিংশাগী থবক অসিবু অথুবা মতমদা লেপ্ননবা আপীল তৌখি, অমসুং দিপ্লোমেতিক ওইবা মওংদা য়াশিন্ননবা তানবা অমসুং ৱারী-ৱাতাই শানবগী লম্বিদা অমুক হন্না পুরক্নবা মাইকৈ খুদিংমক্তগী লিংজেল মান্ননা অমসুং পুন্না হোৎনমিন্নবা হায়খি।