‘মন কি বাত’তা অফবা ৱাখল্লোন অমসুং ইথিল য়াওরি। মসিদা অপুনবগী মশক য়াওই: পি.এম. মোদী
July 25th, 09:44 am
মরূপশিং, লৈবাকসিগী মা ঙাক্তুনা মচু অহুমগী ফিরাল পায়রিবা ময়ামদুবু ইকায় খুম্নবদা পুক্নিং নুংশিবা হায়বসি মহৌশানি। লৈবাক নীংবগী ইথিলনা ঐখোয়বু অমত্তা ওইনা পুনশিল্লি। হয়েংদি, হায়বদি জুলাই ২৬ অসি কার্গিল বিজয় দিবসসু তারি। কার্গিল লান্ফম অসি মালেম পুম্বনা উখ্রবা ভারতকী খুৎলায় পায়বা লান্মীগী মথৌনা অমসুং খাঙবা কনবগী খুদম অমনি। হন্দক্কী ওইনদি চাউথোকচবনা থল্লবা নুমিৎ অসি অম্রিত মহোতসব মরক্তা পাঙথোক্কদৌরি। মরম অসিননি নুমিৎ অসি হেন্না অখন্নবা ওইরক্লিবসি। অদোমসু কার্গিলগী ইনোৎ হাপ্নিংঙাই ওইরবা ৱারীশিং পাহন্নিংই… ঐখোয় পুম্বা কার্গিলগী থৌনা ফরবশিংগী মফমদা ইকোক নোনসি।