তাং ২৩.০২.২০২৫ দা শন্দোকখিবা ‘মন কি বাত’গী ১১৯শুবা তাঙ্কক্ত প্রধান মন্ত্রীনা ফোঙদোকখিবা ৱারোল
February 23rd, 11:30 am
ঐগী নুংশিরবা ইরৈচাশিং, খুরুমজরি। মন কি বাত্ত তরাম্না ওকচরি। হৌজিক চেম্পিয়ন ত্রোফি পাংথোক্লি অমসুং মফম খুদিংমক্ত ক্রিকেতকী ৱারিনা পীক থল্লে। ক্রিকেত্ত সেঞ্চুরি অমগী নুংঙাইবা অদু ঐখোয় পুম্নমক্না খঙলে… অদুবু ঙসি ঐনা ক্রিকেতকী মরমদা ৱা ঙাংলোই, স্পেসকী লমদা ভারতকী অঙকপা সেঞ্চুরিগী মরমদা ঙাংগনি। হৌখিবা থাদা, ইসরোগী ১০০শুবা রোক্কেত থাগৎপা ঐখোয়না উরে। মসি শুপ্নবগী মশিং অমা খক নত্তে, মসিদা নুমিৎ খুদিংগী স্পেস সাইন্সতা অনৌবা থবকশিং পাংথোক্নবা ঐখোয়গী ৱাশক্কী মমিশু তারে। ইচম চম্বা লম্বী অমদা ঐখোয়গী স্পেসকী খোঙচৎ হৌখিবনি। খোঙথাং খুদিংদা খুদোংচাদবা কয়া মায়োক্নখি, অদুবু ঐখোয়গী সাইন্তিস্তশিংনা মখোয় মাইথিবা পীদুনা মাঙলোমদা চঙশিনখি। মতমগী মতুংইন্না, স্পেসকী খোঙচৎ অসিদা ঐখোয়গী মাইপাকপগী মশিং হেনগৎলকই। লঞ্চ ভেহিকলশিং শাবা, চন্দ্রয়ান, মঙ্গালয়ান, অদিত্যা এল-১ মাইপাকপা নত্ত্রগা রোক্কেত অমনা অমুক্তদা সেতেলাইত ১০৪ থাগৎপগী মমাংদা অমুক্ত পাংথোকখিদ্রিবা মিসন য়াওনা ইসরোগী মাইপাকপা অসি তশেংনা পাক-চাউরে। হৌখিবা চহি ১০ খক্তদা, চাউরাক্না সেতেলাইত ৪৬০ রোম থাগৎলে অমসুং মসিগী মনুংদা অতোপ্পা লৈবাকশিংগী কয়া য়াওরি। হৌখিবা চহি খর অসিদা ঐখোয়গী স্পেস সাইন্তিস্ত কাংবুগী মরক্ত নুপীশিং শরুক য়াবা লেপ্তনা হেনগৎলক্লি। ঙসি স্পেসকী হিরম অসি ঐখোয়গী নহারোলশিংগী পামজবা অমা ওইরকপদা ঐ য়াম্না হরাওই।
প্রধান মন্ত্রীনা অৱাং নোংপোক্কী ফজববু শিংথাখ্রে
February 08th, 11:16 am
প্রধান মন্ত্রী শ্রী নরেন্দ্র মোদীনা অৱাং নোংপোক্কী য়েংনীংঙাই ওইরবা মহৌশাগী ফজববু শিংথাখ্রে।
Connect With the PM, now on Instagram!
November 16th, 12:25 pm
Connect With the PM, now on Instagram!Narendra Modi now on Instagram!
November 12th, 10:15 am
Narendra Modi now on Instagram!