পি.এম.না “এনহেন্সিং মেরিতাইম সেক্যুরিতী: এ কেস ফোর ইন্তরনেস্নেল কোওপরেসন”গী মতাংদা পাঙথোকখিবা য়ু.এন.এস.সি.গী অৱাংবা থাক্কী ওপন দিবেৎতা থমখিবা ৱারোলশিং
August 09th, 05:41 pm
মেরিতাইম সেক্যুরিতীগী মতাংদা পাঙথোকপা খন্ন-নৈনবা অসিদা ময়াম পুম্বনা শরুক য়াবীবা অসিগীদমক ঐহাক্না থাগৎপা ফোঙদোকচরি। ঐহাক্না সেক্রেতরী জেনরেলবু অফবা পাউজেল পীবীবগী অমসুং য়ু.এন.ও.দি.সি.গী এগজিক্যুতিব দিরেক্তরনা ব্রিফিং তৌবীবগীদমক থাগৎপা ফোঙদোকচরি। রিপব্লিক ওফ কোঙ্গোগী রাস্ত্রপতিনা অফ্রিকন য়ুনিয়নগী অধ্যক্ষ ওইনা মহাক্কী পাউজেল পীবীখ্রে। মহাকপু তৌবীমল খঙবা উৎচরি। ঐহাক্না রুসিয়াগী রাস্ত্রপতি, কেন্যাগী রাস্ত্রপতি, অমসুং বিয়তনামগী প্রধান মন্ত্রীবু শরুক য়াবীবগীদমক ধমোই শেংনা তৌবীমল খঙবা উৎচরি।