প্রধান মন্ত্রীনা গ্লোবেল মেরিতাইম ইন্দিয়া সম্মিত 2023দা থমখিবা ৱারোল
October 17th, 11:10 am
গ্লোবেল মেরিতাইম ইন্দিয়া সম্মিতকী অহুমশুবা মীফম অসিদা ঐহাক্না পুম্নমকপু তরাম্না ওকচরি। মসিগী মমাংদা ঐখোয়না ইং 2021দা উন্নখি, মতমদুদি মালেম পুম্ববু কোরোনানা ৱাহনবা মতম্নি। কোরোনাগী মতুংগী মালেম অসি মতৌ করম্বা ওইগনি হায়বা মতমদুদা কনা অমত্তনা খঙনবা নত্তে। অদুবু ঙসিদি, মালেমসিদা ঙসিদি অনৌবা ৱর্ল্দ ওর্দর অমা য়াকাইরক্লি, মসিগুম্বা অহোংবা নাইরক্লিবা অনৌবা ৱর্ল্দ ওর্দর অসিদা মালেম্না ভারত্তা থাজবা মিৎয়েংদা য়েংনরি। শেল-থুমগী শিংনবা কয়ানা কোইরবা মালেমসিদা ভারতকী শেন্মিৎলোন্না লেপ্তনা মপাঙ্গল কনখৎলক্লি। ভারতনা মালেমগী মকোক থোংবা শেন্মিৎলোন অহুমগী মনুংদা চনগদবা নুমিৎ অদু কুইদ্রবনি। মালেমগী খ্বাইদগী চাউবা লল্লোন ইতিক অসি সমুদ্রগী লম্বীদা পাংথোকই হায়বা ঐখোয় পুম্নমক্না খঙনরবনি। কোরোনাগী মতুংগী মালেমসিদা ঙসিদি থাজবা য়াবা অমসুং নীংহন্নবা লৈতবা সপ্লাই চেনগী তঙাই ফদবা লৈ। মরম অদুনা, গ্লোবেল মেরিতাইম ইন্দিয়া সম্মিতকী হন্দক্কী মীফম অসি য়াম্না মরু ওইরিবনি।প্রধান মন্ত্রীনা গ্লোবেল মেরিতাইম ইন্দিয়া সম্মিৎ ২০২৩ হৌদোকখ্রে
October 17th, 10:44 am
ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা মুম্বাইদা ৩শুবা গ্লোবেল মেরিতাইম ইন্দিয়া সম্মিৎ ২০২৩ হৌদোকখ্রে। ভারতকী মেরিতাইম ব্লু ইকোনোমিগী ব্লুপ্রিন্ত অমা-‘অমৃত কাল ভিজন ২০৪৭’ প্রধান মন্ত্রীনা হৌদোকখ্রে। তুংগীদমক য়েংলগা, ‘অমৃত কাল ভিজন ২০৪৭’ গা চুন্নবা প্রধান মন্ত্রীনা লুপা করোর ২৩,০০০ হেনবগী প্রোজেকশিং উরেপ-উয়ুং তমখ্রে অমসুং মীয়ামদা কৎথোকখ্রে। ভারতকী মেরিতাইম সেক্তরদা শেন থাদনিংবা পোকহন্নবা মীফম অসি মতিক চারবা মফম অমা ওইরে।প্রধান মন্ত্রীনা ওক্তোবর 17দা গ্লোবেল মেরিতাইম ইন্দিয়া সম্মিত 2023 হৌদোক্কনি
October 16th, 12:50 pm
প্রধান মন্তী, শ্রী নরেন্দ্র মোদীনা ওক্তোবর 17, 2023গী চাউরাক্না অয়ুক্কী পুং 10.30 তাবা মতমদা ভিদিও কনফরেন্সিংগী খুত্থাংদা গ্লোবেল মেরিতাইম ইন্দিয়া সম্মিত (GMIS) 2023গী অহুমশুবা মীফম হৌদোক্কনি। সম্মিত অসি মুম্বাইগী MMRDA লম্পাক্তা ওক্তোবর 17-19 ফাওবা চত্থগনি।