২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল
April 27th, 11:30 am
ঙসি ঐনা মন কি বাত্ত অদোমগী মফমদা ৱা ঙাংবগা লোয়ননা, ঐগী থম্মোয়দা য়াম্না নুংঙাইতবা অমা ফাওরে। এপ্রিল ২২ দা পহালগামদা থোকখিবা তমথিরবা থৌদোক অদুনা লৈবাক অসিগী মীওই খুদিংমক নুংঙাইহন্দ্রে। অৱাবা নংলবা ইমুংশিংগীদমক ভারতমচা খুদিংমক থম্মোয় শোক্না অৱাবা ফোঙদোক্লি। করম্বা রাজ্যগী মীওইনো হায়বা লৈতনা, ঙাংলিবা লোলগী ৱাফম থিদনা, থৌদোক অসিদা লৈখিদ্রবশিংগীদমক চপ মান্নবা অৱাবা ফাওরি। তেরোরিস্তনা খুৎথারকপগী ফোতোশিং উবদা ভারতমচা খুদিংমক শাওবনা ঈ কারে হায়না ঐনা খল্লি। তেরোরিজম য়োকখৎলিবশিং নিংবা কাইবা অদু পহালগামগী থৌদোক অসিদগী খঙলে; কাস্মিরদা শান্তি হঞ্জিল্লকপদা, স্কুলশিং অমসুং কলেজশিং ফজনা হাংলকপদা, মমাংদা অমুক্ত ওইখিদ্রিবা খোঙজেলদা শেমগৎ-শাগৎপগী থবক পায়খৎলকপদা, গনতন্ত্র মপাঙ্গল কনখৎলকপদা, রেকোর্দ রেত অমদা লমকোয়বা মীওইশিং মশিং হেনগৎলকপদা, মীয়ামগী শেন্থোক হেনগৎলকপদা, নহারোলশিংগী অনৌবা খুদোংচাবশিং ফংহনবদা… মখোয়গী পাংদবা অদু উৎথোক্লকপনি। লৈবাক অসিগী য়েক্নবশিং, জম্মু অমসুং কাস্মিরগী য়েক্নবশিংনা মসি পামদে। তেরোরিস্তশিং অমসুং তেরর শৌগৎলিবশিংনা কাস্মির অমুক হন্না মাঙহনবা পাম্মী অমসুং মরম অদুনা অসিগুম্বা অচৌবা লৌতুনবা অমা মখোয়না পাংথোকপনি। তেরোরিজমগী মায়োক্ত চৎথরিবা লাল অসিদা, লৈবাক্কী অপুনবা, ভারতমচা করোর ১৪০ গী অমতা ওইবা অসি ঐখোয়গী খ্বাইদগী কনবা থৌনানি। মসিগী অপুনবা অসি ঐখোয়না তেরোরিজম থেংনবগী য়ুম্ফমনি। লৈবাক্কী মাঙদা থেংনরিবা শিংনবা অসি মায়োক্ননবা ঐখোয়না ঐখোয়গী ৱারেপ কনখৎহনগদবনি। লৈবাক অমা ওইনা ঐখোয়না অকনবা থৌনা উৎথোক্কদবনি। তেরোরিস্তশিংগী থৌদোক অসিগী মতুংদা, ঙসি মালেম্না য়েংলি, লৈবাক শীনবা থুংনা খোল্লাউ অমা লাউরি।
Together, let us build a Resilient, Revolutionary and Steel-Strong India: PM Modi at the India Steel 2025
April 24th, 02:00 pm
At India Steel 2025, PM Modi called the steel sector the foundation of a developed India, remarking, “Steel has played a pivotal role in modern economies, akin to a skeleton.” He stressed its role in building infrastructure and powering growth. Highlighting the road ahead, he said the future of steel will be shaped by AI, mation, recycling, and by-product utilization, urging innovation for a stronger, self-reliant India.
প্রধান মন্ত্রী শ্রী নরেন্দ্র মোদী ইন্দিয়া স্তিল ২০২৫ থৌরমদা ৱা ঙাংখ্রে
April 24th, 01:30 pm
ঙসি ভিদিও মেসেজ অমগী খুৎথাংদা মুম্বাইদা প্রধান মন্ত্রী শ্রী নরেন্দ্র মোদী ইন্দিয়া স্তিল ২০২৫ থৌরমদা ৱা ঙাংখ্রে। থৌরম অদুদা প্রধান মন্ত্রীনা হায়খি নুমিৎ অনিনি অসিদা ভারতকী স্তিল সেক্তরগী খুদোংচাবশিংগী মরমদা খন্নগনি। সেক্তর অসিদা অওনবশিং পুরকপা অসি ভারত চাউখৎনবগী য়ুম্ফমনি অমসুং চাউখৎলবা ভারত অমগী য়ুম্ফম মপাঙ্গল কনখৎহনগনি অমসুং লৈবাক অসিদা অওনবা পুরক্নবগী অনৌবা পন্দুব অমা ইবা হৌরে। থৌরম অসিদা অনৌবা ৱাখলশিং শরুক য়ামিন্নবা, নৌনা থবক তৌমিন্নবা অমসুং অনৌবা থবক পায়খৎপা পুক্নিং থৌগৎকনি। থৌরম অসিনা স্তিল সেক্তরদা অনৌবা পন্দুব অমগী থবক পায়খৎপা হৌগনি।তাং ২৩.০২.২০২৫ দা শন্দোকখিবা ‘মন কি বাত’গী ১১৯শুবা তাঙ্কক্ত প্রধান মন্ত্রীনা ফোঙদোকখিবা ৱারোল
February 23rd, 11:30 am
ঐগী নুংশিরবা ইরৈচাশিং, খুরুমজরি। মন কি বাত্ত তরাম্না ওকচরি। হৌজিক চেম্পিয়ন ত্রোফি পাংথোক্লি অমসুং মফম খুদিংমক্ত ক্রিকেতকী ৱারিনা পীক থল্লে। ক্রিকেত্ত সেঞ্চুরি অমগী নুংঙাইবা অদু ঐখোয় পুম্নমক্না খঙলে… অদুবু ঙসি ঐনা ক্রিকেতকী মরমদা ৱা ঙাংলোই, স্পেসকী লমদা ভারতকী অঙকপা সেঞ্চুরিগী মরমদা ঙাংগনি। হৌখিবা থাদা, ইসরোগী ১০০শুবা রোক্কেত থাগৎপা ঐখোয়না উরে। মসি শুপ্নবগী মশিং অমা খক নত্তে, মসিদা নুমিৎ খুদিংগী স্পেস সাইন্সতা অনৌবা থবকশিং পাংথোক্নবা ঐখোয়গী ৱাশক্কী মমিশু তারে। ইচম চম্বা লম্বী অমদা ঐখোয়গী স্পেসকী খোঙচৎ হৌখিবনি। খোঙথাং খুদিংদা খুদোংচাদবা কয়া মায়োক্নখি, অদুবু ঐখোয়গী সাইন্তিস্তশিংনা মখোয় মাইথিবা পীদুনা মাঙলোমদা চঙশিনখি। মতমগী মতুংইন্না, স্পেসকী খোঙচৎ অসিদা ঐখোয়গী মাইপাকপগী মশিং হেনগৎলকই। লঞ্চ ভেহিকলশিং শাবা, চন্দ্রয়ান, মঙ্গালয়ান, অদিত্যা এল-১ মাইপাকপা নত্ত্রগা রোক্কেত অমনা অমুক্তদা সেতেলাইত ১০৪ থাগৎপগী মমাংদা অমুক্ত পাংথোকখিদ্রিবা মিসন য়াওনা ইসরোগী মাইপাকপা অসি তশেংনা পাক-চাউরে। হৌখিবা চহি ১০ খক্তদা, চাউরাক্না সেতেলাইত ৪৬০ রোম থাগৎলে অমসুং মসিগী মনুংদা অতোপ্পা লৈবাকশিংগী কয়া য়াওরি। হৌখিবা চহি খর অসিদা ঐখোয়গী স্পেস সাইন্তিস্ত কাংবুগী মরক্ত নুপীশিং শরুক য়াবা লেপ্তনা হেনগৎলক্লি। ঙসি স্পেসকী হিরম অসি ঐখোয়গী নহারোলশিংগী পামজবা অমা ওইরকপদা ঐ য়াম্না হরাওই।ন্যু দিল্লিগী ভারত মান্দপমদা পাংথোকপা বিকসিত ভারত য়ং লিদর্স দাইলোগ ২০২৫ দা প্রধান মন্ত্রীনা ৱা ঙাংবগী মপুংফাবা ৱারোল
January 12th, 02:15 pm
কেন্দ্রগী মন্ত্রীমন্দলগী ঐগী মরুপশিং, শ্রী মনসুখ মন্দাবিয়া জি, ধর্মেন্দ্র প্রধান জি, জয়ান্ত চৌধুরি জি, রাক্ষা খাদসে জি, এম.পিশিং, অতোপ্পা শক্নাইরবশিং অমসুং লৈবাক অসিগী মফম কয়াদগী লাকপা ঐগী নহা ওইরিবা মরুপশিং !প্রধান মন্ত্রী শ্রী নরেন্দ্র মোদী বিকসিত ভারত য়ং লিদর্স দাইলোগ ২০২৫ শরুক য়াখ্রে
January 12th, 02:00 pm
জাতিগী নহারোলগী নুমিৎ থৌরমদা, শ্বামী বিবেকানন্দগী মপোক নুমিৎ পাংথোকপা ওইনা, ঙসি নিউ দিল্লিগী ভারত মান্দপমদা প্রধান মন্ত্রী শ্রী নরেন্দ্র মোদীনা বিকসিত ভারত য়ং লিদর্স দাইলোগ ২০২৫ শরুক য়াখ্রে। মহাক্না ভারত শীনবা থুংবগী নহা ওইরিবা লুচিংবা ৩০০০ উনখি। থৌরম অদুদা মীয়ামদা ৱা ঙাংবদা, প্রধান মন্ত্রী শ্রী নরেন্দ্র মোদীনা হায়খি ভারতকী নহারোলশিংগী থৌনা অসিনা ভারত মান্দপমদা পুন্সি অমসুং থৌনা পুরক্লে। লৈবাক অসিগী নহারোলশিংগী থৌনাদা থাজবা লৈখিবা শ্বামী বিবেকানন্দগী মফমদা লৈবাক শীনবা থুংনা ইকায়খুম্নবা উৎলি অমসুং মহাক নিংশিংলি। মহাক্কী সেবকশিং, নোংশাগুম্না খুদোংচাদবা খুদিংমক কোকহনবা ঙম্বা নহারোলশিংদগী ওইগদবনি হায়বা শ্বামী বিবেকানন্দনা থাজবা থমখি। শ্বামীজিনা নহারোলশিংদা থাজবা থম্বগুম মহাক্না শ্বামীজি অমসুং মহাক্কী ফিদমশিংদা থাজবা থম্লি। নহারোলশিংদা থম্লিবা মহাক্কী মঙলান অসিগীদমক মহাক্না শ্বামীজি মপুংফানা থাজৈ। করিগুম্বা ঙসি শ্বামীজি ঐখোয়গী ইরক্ত লৈরম্লবদি ২১শুবা চহিচাগী নহারোলশিংগী হোৎনবা কনবা অমসুং শক্তি উবদা মহাক অনৌবা থাজবনা থনগনি।ওন্তপ্রিন্যুওর, নিখিল কমতথকা লোয়ননা পি.এম.গী ৱারী-ৱাতাই শাখিবগী ৱারোল
January 10th, 02:15 pm
হোয় অদুবু ঐহাক্না থা অমদা নুমিদাং অমা খক্তা তৌই!প্রধান মন্ত্রী শ্রী নরেন্দ্র মোদীনা মহাক্কী অহানবা পোদকাষ্টতা, ওন্ত্রাপ্রেনিউয়র নিখিল কমাথকা ৱারি শানখ্রে
January 10th, 02:00 pm
ঙসি প্রধান মন্ত্রী শ্রী নরেন্দ্র মোদীনা মহাক্কী অহানবা পোদকাষ্টতা, ওন্ত্রাপ্রেনিউয়র অমসুং ইনভেষ্টর নিখিল কমাথকা ৱারি শানখ্রে। লৌথুপ-লৌকোই লৈতনা ৱারি শানবা অমদা মহাক্কী অঙাং ওইরিঙৈগী মতাংদা হংবদা, প্রধান মন্ত্রীনা মহাক্কী পুন্সিগী অঙনবা শরুকশিংগী ৱারিশিং লিখি, অৱাং থংবা গুজরাতকী মেহসানা জিলাগী অপীকপা তাউন ভাদনগরদগী মহাক্না হৌরকখিবগী মতাংদা পাউদমখি। মহাক্না হায়খি গায়কৱার স্তেৎ তাউন অমা ওইনা, ভাদনগর অসি লাইরিক-লাইশু, পুখ্রি, পোস্ত ওফিস অমসুং লাইব্রেরিগুম্বা তঙাইফদবা খুদোংচাবশিংগীদমক মমিং চৎলি। মহাক্না গায়কৱার স্তেৎ প্রাইমারি স্কুল অমসুং ভগবাতাচার্য়া নারায়ানাচার্য়া হায় স্কুলদা তম্লকখিবগী মতাংদা প্রধান মন্ত্রীনা নিংশিংখি।ওরিসাগী ভুবনেস্বরদা পাঙথোকপা ১৮শুবা প্রবাসি ভারতিয় দিবস হৌদোকপদা প্রধান মন্ত্রীনা পীখিবা ৱারোল
January 09th, 10:15 am
ওরিসাগী গভর্নর দোক্তর হরি বাবু, ঐখোয়গী মীয়াম্না পাম্নবা মুখ্য মন্ত্রী মোহন চরন মানঝী, ঐগী কেন্দ্রগী মন্ত্রী মন্দলগী মরূপ এস জয়শঙ্কর, জুঅল ওরাও, ধরমেন্দ্র প্রধান, অস্বিনি বৈষ্ণব, সোভা করন্দলাজে, কির্তি বর্ধন সিংহ, পবিত্র মার্ঘেরিতা, ওরিসা লৈঙাক্কী উপ-মুখ্য মন্ত্রী কনক বর্ধন সিংহদিও, প্রবাতি পরিদা, অতৈ মন্ত্রীশিং, MPs অমদি MLAs, মালেমগী মফম পুম্নমক্তগী লেঙবিরক্লিবা ভারত ইমাগী মপারী মমোম পুম্নমক!প্রধান মন্ত্রী শ্রী নরেন্দ্র মোদীনা ওরিসাদা ১৮শুবা প্রাভাসি ভারতিয় দিবস কনভেন্সন হৌদোকখ্রে
January 09th, 10:00 am
ঙসি ওরিসাগী ভুবনেশ্বরদা প্রধান মন্ত্রী শ্রী নরেন্দ্র মোদীনা ১৮শুবা প্রাভাসি ভারতিয় দিবস কনভেন্সন হৌদোকখ্রে। মালেমগী তোঙান-তোঙানবা মফমশিংদগী লাকপা দেলিগেদশিং অমসুং মপান্দা লৈবাক্তা খুন্দাদুনা লৈখ্রবা ভারতমচাশিং তরাম্না ওক্লদুনা, প্রধান মন্ত্রীনা হায়খি হৌদোকপগী ঈশৈ অসি তুংদা মালেমদা শীনবা থুংনা পাংথোকপা মপান লৈবাকশিংদা লৈখ্রবা ভারতমচাশিংগী থৌরমশিংদা শক্কনি। মপান লৈবাকশিংদা লৈখ্রবা ভারতমচাশিংগী পুক্নিং হুমহৎখিবা অঙকপা ঈশৈগীদমক গ্রাম্মি এৱার্দ ফংলবা কলাকার রিক্কি কেজ অমসুং মহাক্কী কাংবু প্রধান মন্ত্রীনা থাগৎপা ফোঙদোকখ্রে।পি.এম.গী কুৱেত্তা পাংথোকপা ভারত মচাশিংগী ওইবা থৌরম ‘হালা মোদী’দা থমখিবা ৱারোল
December 21st, 06:34 pm
ঐহাক পুং অনি মঙ্খাইগী মমাংদা কুৱেত্ততা থুংখি অমসুং ঐহাক্না মফম অসিদা লাকপদগী হৌনা, মফম পুম্বদা তোঙানবা মখলগী মরী, তোঙানবা মখলগী নুংশিবা অমা ঐহাক্না ফাওরক্লি। ময়াম পুম্নমক ভারতকী তোঙান তোঙানবা রাজ্যশিংদগী লাক্লি। অদুম ওইনমক ময়াম পুম্নমকপু উবদা, ঐগী মমাংদা অপীকপা হিন্দুস্তান অমা থোরকপগুম তৌই। মফম অসিদা ঐনা অৱাং, খা-নোংপোক, নোংচুপ, লমদম খুদিংমক্কী তোঙান-তোঙানবা লোন ঙাংবা মীওইশিং উবা ফংলি। অদুবু মীপুম খুদিংমক্কী থম্মোয়দা খোন্থাং অমখক্তমক লৈ। মীপুম খুদিংমক্কী থম্মোয়দা খোন্থাং অমখক্তমক লৈ - ভারত মাতা কী জয়, ভারত মাতা কী জয়।প্রধান মন্ত্রী শ্রী নরেন্দ্র মোদী কুৱেত্ত ‘হালা মোদী’ থৌরমদা ভারতমচাশিংদা ৱা ঙাংখ্রে
December 21st, 06:30 pm
প্রধান মন্ত্রী শ্রী নরেন্দ্র মোদীনা কুৱেতকী সৈখ সাদ অল-অবদুল্লাহ ইন্দোর স্পোর্তস কমপ্লেক্সতা পাংথোকপা ‘হালা মোদী’ থৌরমদা মশিং য়াম্লবা ভারতমচাশিংদা ৱা ঙাংখ্রে। তোঙান-তোঙানবা ফুরুপশিংগী ভারতমচাশিং কুৱেত্ত পাংথোকপা থৌরম অদুদা শরুক য়াখি।সংবিধান চৎনবা হৌখিবা চহি ৭৫ মপুংফারকপগী লোক সভাদা অখন্নবা খন্ন-নৈনবদা প্রধান মন্ত্রীনা ফোঙদোকখিবা মপুংফাবা ৱারোল
December 14th, 05:50 pm
তাঞ্জা অসি ঐখোয় খুদিংমক অমসুং লৈবাক অসিগী মীয়াম খক্তগী চাউথোকচবা খক নত্তনা মালেমগী গনতন্ত্রবু নুংশিজবা মীয়ামগীশু য়াম্না চাউথোকচবা মতম অমনি। মসি য়াম্না চাউথোকচবগা লোয়ননা গনতন্ত্রগী কুহ্মৈ হরাওবা ফোঙদোকপা থৌরম অমনি। সংবিধানগী চহি ৭৫ গী খোঙচৎ অসি নিংশিংদুনা লৈহৌরগদবা খোঙচৎ অমনি অমসুং মালেমদা খ্বাইদগী মপাঙ্গল কনবা অমসুং খ্বাইদগী চাউবা লৈবাক অমগী খোঙচৎনি। খোঙচৎ অসিদা ঐখোয়গী সংবিধান শেমখিবশিং, ঐখোয়গী সংবিধান শেমখিবশিংনা পাংথোকখিবা থবকশিংগী পান্দম অদু খোঙচৎ অসিদা উবা ফংলে অমসুং মসিগা লোয়ননা ঙসি ঐখোয় মাঙলোমদা চঙশিল্লি, মসি চহি ৭৫ মপুংফারকপগী হরাওবা ফোঙদোক্নবা তাঞ্জা অমনি। হরাওবা ফোঙদোকপা অসিদা সংসদশু শরুক য়াদুনা মসিগী অনিংবা ৱাখল্লোনশিং ফোঙদোকপা অসিদা ঐ হরাওই। ইকায়খুম্নরবা মেম্বরশিংদা ঐনা ঐগী তৌবীমল খঙবা উৎচরি। থৌরম অসিদা শরুক য়ারিবা মীওই খুদিংমক ঐনা থাগৎপা ফোঙদোকচরি।প্রধান মন্ত্রী শ্রী নরেন্দ্র মোদীনা সম্বিধান চৎনখিবগী 75শুবা কুমওনগী অখন্নবা খন্ন-নৈনবগী থৌরমদা লোক সভাদা ৱা ঙাংখ্রে
December 14th, 05:47 pm
প্রধান মন্ত্রী, শ্রী নরেন্দ্র মোদীনা ঙসি লোক সভাদা সম্বিধানগী 75শুবা চহিগী থৌরমদা অখন্নবা খন্ন-নৈনবগী থৌরমদা ৱা ঙাংখ্রে। হাউসতা ৱা ঙাংলদুনা শ্রী মোদীনা হায়খি মদুদি ঐখোয়না দেমোক্রেসীগী কুহ্মৈ অসি পাংথোক্লিবা অসি ভারতকী প্রজা খুদিংমক্কী অমসুং মালেম পুম্বগী দেমোক্রেসীবু ইকায় খুম্নবা মীওই খুদিংমক্কীদমক চাউথোকচনীংঙাই ওইবা ৱাফম অমনি। ঐখোয়গী সম্বিধানগী চহি 75গী অঙকপা খোঙচৎ অসিদা ঐখোয়গী সম্বিধান শেমগৎপশিংগী ৱাখল্লোন, মীৎয়েং অমসুং হোৎনরিবশিং অদুগীদমক থাগৎপা ফোংদোক্লদুনা মহাক্না হায়খি মদুদি চহি 75 মাই পাক্না মপুং ফারক্লবা মতুংদা হৌজিক্তি দেমোক্রেসীগী কুহ্মৈ পাংথোকপগী মতম ওইরে। শ্রী মোদীনা পার্লিয়ামেন্তকী মীহুৎশিং ফাওবনা থৌরম অসিদা শরুক য়াবা অমসুং মখোয়গী ৱাখল্লোনশিং ফোংদোকপদা নুংঙাইবা ফোংদোকখি।নাইজেরিয়াদা পাঙথোকপা ভারত মচাশিংগী থৌরমদা প্রধান মন্ত্রীনা পীখিবা ৱারোল
November 17th, 07:20 pm
ঙসি, অদোম্না অবুজাদা নীংথিরবা ফীভম অমা শেম্লি। ঙরাং নুমিদাংৱাইরমদগী হৌনা উরিবা ময়ামসিনা ঐ অবুজাদা লৈবা মান্দে, ভারতকী সহর অমদা লৈবগুম ফাওহল্লি। ময়াম মরক্তগী মীওই কয়াদি লাগোস, কানো, কাদুনা, অমসুং পোর্ত হারকোর্ত্তগী, তোঙান তোঙানবা মফমশিংদগী অবুজাদা লাক্লিবনি, অমসুং অদোমগী মায়থোঙদা তারিবা মমি, ফাওরিবা ইথিল অমসুং উৎলিবা হৈনিংবা মতৌনা মফমসিদা লাকপদা অদোমদা ফাওরিবা ইহুল অদুগী মমি তারি। ঐহাকসু ময়ামগা উনবগী তাঞ্জা অসি খৌরাংনা ঙাইরকপনি। অদোম্না ঐবু নুংশিবিবা অসি ঐগীদমক্তি অচৌবা লন অমনি। ময়াম মরক্তা তিঞ্জবা, ময়ামগা মতম লেনমিন্নবগী মীৎকুপশিং অসি ঐগী পুন্সিসিনা লৈরিমখৈ নীংশিংদুনা লৈহৌরগনি।প্রধান মন্ত্রী শ্রী নরেন্দ্র মোদীনা নাইজেরিয়াদা ভারতকী মীওইশিংগী মফমদা ৱা ঙাংখ্রে
November 17th, 07:15 pm
প্রধান মন্ত্রী শ্রী নরেন্দ্র মোদীনা ঙসি নাইজেরিয়াগী অবুজাদা ভারতকী মীওইশিংনা মহাকপু ইকায়খুম্নদুনা পাঙথোকপা থৌরম অমদা ভারতকী দাইস্পোরাশিংগী মফমদা ৱা ঙাংখ্রে। প্রধান মন্ত্রীনা ভারতকী মীওইশিংনা মহাকপু তরাম-তরাম ওকপিবগীদমক নুংঙাইবা ফোঙদোকখি। মীয়াম্না মহাক্কী মফমদা উৎপিরিবা মীনুংশি অমসুং মরূপ মপাং ওইবগী মরী অসি মহাক্কী মফমদদি অচৌবা লন অমনি হায়না মহাক্না হায়খি।ঙসিদি, মালেম অসিদা লৈরিবা মীয়াম্না ভারতকী মরমদা খঙবা পাম্লক্লেঃ মন কী বাত্তা পি.এম. মোদী
October 27th, 11:30 am
মন কি বাতনা তরাম্না ওকচরি। ঐগী পুন্সিদা খ্বাইদগী নিংশিংদুনা লৈহৌরগদবা থৌদোকশিং করিনো হায়না করিগুম্বা অদোম্না ঐঙোন্দা হংলবদি, ঐনা থৌদোক কয়া নিংশিংগনি, অদুবু থোইদোক হেন্দোকপা মিকুপ অমা লৈরি। থৌদোক অদু হৌখিবা চহিগী নবেম্বর ১৫ দা ওইখি, ঐ ভগবান বিরসা মুন্দাগী মপোক নুমিত্তা মহাক্কী পোক্নফম লমদম ঝারখন্দগী উলিহাতু খুঙ্গংদা চৎখি। খোঙচৎ অদুনা ঐঙোন্দা অকনবা ইথিল অমা পীখি। শেংলবা লমদম অসিগী লৈবাক্তা ঐগী লাইবক্না শোকপা ফংখিবা লৈবাক অসিগী অহানবা প্রধান মন্ত্রী ঐনা ওইখি। মিকুপ অউদা, ঐনা নিংতম ইহৌগী থৌনা অদু ফাওবা খক নত্তনা, লমদম অসিগী মপাঙ্গলগা শম্নবগী খুদোংচাবা অমশু ফংখি। ৱাশক অমা ঙাক্নবা থৌনানা কমদৌনা লৈবাক্কী মীওই করোর কয়াগী মরাইবক্তা অহোংবা পুরকপা ঙম্বগে হায়বা ঐ খঙবা ঙমখি।পি.এম.গী পরম রুদ্র সুপরকম্প্যুতর 3 অমসুং হায়-পরফোর্মেন্স কম্প্যুতিং সিস্তেম জাতিদা কত্থোকপগী থৌরমদা থমখিবা ৱারোল
September 26th, 05:15 pm
ইলেক্ত্রোনিক্স অমসুং আইতি মন্ত্রী…অশ্বিনী বৈষ্ণব, লৈবাক অসিগী তোঙান-তোঙানবা রিসর্চ ইন্সতিত্যুসনশিংগী দিরেক্তরশিং…. লৈবাক্কী মকোক থোংবা সাইন্তিস্তশিং…ইঞ্জিনীয়রশিং…মহৈরোয়শিং, অতৈ দিগনিতরীশিং, অমসুং নুপী অমদি নুপাশিং!প্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা PARAM রুদ্র সুপরকম্প্যুতর অহুম লৈবাক মীয়ামদা কৎথোকখ্রে
September 26th, 05:00 pm
প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা চাউরাক্না লুপা করোর 130গী মমল ওইগদবা PARAM রুদ্র সুপরকম্প্যুতর অহুম লৈবাক মীয়ামদা কত্থোকখ্রে। নেস্নেল সুপরকম্প্যুতরিং মিসন (NSM)গী মখাদা লৈবাক অসিদা শেমগৎলবা, হায়রিবা সুপরকম্প্যুতরশিং অসি পুনে, দিল্লী অমসুং কলকতাদা সাইন্তিফিক রিসর্চকীদমক্তা শিজিন্নবা য়াহন্নবগীদমক্তা শীজিন্নরি। প্রধান মন্ত্রীনা ৱেদর অমসুং ক্লাইমেৎ রিসর্চকীদমক্তা শেম-শারবা হাই-পরফোর্মেন্স কম্প্যুতিং (HPC) অমসু শঙ্গাখি।ভারতনা অমুক হন্না থাদা চৎকনি: হন্দক্কী অসিদি থাদা লেন্দ তৌরবা মতুংদা পৃথিবীদা হল্লকনি
September 18th, 04:32 pm
প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা চন্দ্রয়ান-৪ হায়না মিংথোনবা মিসন অসি থাদা মাই পাক্না লেন্দ তৌরবা মতুংদা মালেমদা হল্লক্নবা তেক্নোলোজীশিং শেমগৎনবা অমসুং উৎনবা অমসুং থাগী সেম্পলশিং লৌরগা মালেমদা নৈননবা অয়াবা পীখ্রে। চন্দ্রয়ান-৪ মিসন অসিনা ভারতনা থাদা লেন্দ তৌনবা (চহী ২০৪০ ফাওবদা থৌরাং তৌরিবা) অমসুং মালেমদা হকথেংননা হল্লক্নবা ফাউন্দেস্নেল তেক্নোলোজীগী তৌবা ঙম্বশিং ফংহল্লগনি। দোকিং/অন্দোকিং, লেন্দিং, পৃথিবীদা সেফ ওইনা হল্লকপা অমসুং থাগী সেম্পল খোমজিনবা অমসুং এনালাইসিস তৌবদা মথৌ তাবা মরুওইবা তেক্নোলোজীশিং উৎকনি।