ভারত তেক্স ২০২৫ দা প্রধান মন্ত্রীনা ফোঙদোকখিবা মপুংফাবা ৱারোল
February 16th, 04:15 pm
ঙসি ভারত মন্দাপমদা অনিশুবা ভারত তেক্স পাংথোক্লি। মসিগা লোয়ননা, ঐখোয়গী চৎনবীশিং, বিকসিত ভারতকী ওইথোকপা য়াবশিংশু উবা ফংলে। ঙসি ঐখোয়না হুল্লিবা মরুশিং য়াংনা চাউখৎলক্তুনা খোঙনাং পাম্বী অমা ওইরক্নবগী লম্বীদা লাকপা অসি লৈবাক অসিগী ওইনা য়াম্না চাউথোকচনিঙাইনি। হন্দক্কী থৌরম অসিদা অপুনবা ভেলু চেন, মসিগা থবক তৌমিন্নরিবা কাংবু ১২ মফম অসিদা পুল্লে। এসেসোরিশিং, ফিরোল, মেছিনশিং, কেমিকেলশিং অমসুং মচুশিং উৎলে। মালেম শীনবা থুংবগী সি.ই.ওশিং অমসুং ইন্দস্ত্রিগী লুচিংবশিং অমসুং থৌশিল শেম্বশিং পুন্নবা অফবা মফম অমা ভারত তেক্সনা ওইরে। থৌরম অসিগীদমক মরীলৈনবা খুদিংমক্কী থবকশিং অসি থাগৎনিঙাইনি। থবক অসিদা শরুক য়ারিবা মীওই খুদিংমক ঐনা থাগৎপা ফোঙদোকচরি।
প্রধান মন্ত্রী শ্রী নরেন্দ্র মোদীনা ভারত তেক্স 2025দা ৱা ঙাংখ্রে
February 16th, 04:00 pm
প্রধান মন্ত্রী, শ্রী নরেন্দ্র মোদীনা ঙসি নই দিল্লীগী ভারত মন্দপমদা ভারত তেক্স 2025দা ৱা ঙাংখ্রে। থৌরম অদুদা উৎখিবা একজিবিসন অদু মহাক্না য়েংখি। মীয়াম তিনখিবা অদুদা ৱা ঙাংলদুনা, প্রধান মন্ত্রীনা ভারত তেক্স 2025দা মীপুম খুদিংমকপু তরাম্না ওকখি অমসুং ঙসি ভারত মন্দপমদা ভারত তেক্সকী অনিশুবা ইদিসন উবা ফংলি হায়না ফোংদোকখি। থৌরম অসিনা ঐখোয়গী হেরিতেজ অমদি ভারতকীদমক চাউথোকচনীংঙাই ওইরিবা ভিক্সিত ভারতকী মীৎয়েং অমা উৎলি হায়না মহাক্না মখা তাখি। শ্রী মোদীনা হায়খি, ভারত তেক্সনা হৌজিক মালেমগী তেক্সতাইলগী অচৌবা থৌরম অমা ওইরক্লি। মহাক্না মখা তাখি মদুদি ভেল্যু চেনগী স্পেক্ত্রমগা মরী লৈনবা কম্ম্যুনিতী তরানিথোই পুম্নমক থৌরম অসিগী শরুক ওইখি। মহাক্না মখা তানা পনখি মদুদি এসেসরিজ, গার্মেন্তস, মেছিনরি, কেমিকেল্স অমসুং দাইশিংসু উৎখি। প্রধান মন্ত্রীনা হায়খি মদুদি ভারত তেক্স অসি মালেম শিনবা থুংনা লৈরিবা পোলিসী মেকরশিং, CEOশিং অমসুং ইন্দস্ত্রীগী লুচিংবশিংগীদমক থবক তৌমিন্ননবা, চুংশিন্নবা অমসুং মপাং ওইনবগীদমক মপাঙ্গল কনবা ফম্পাক অমা ওইরক্লি। থৌরম অসি শীনবদা শরুক য়ারিবা স্তেকহোল্দর পুম্নমক্না হোৎনরিবশিংবু মহাক্না থাগৎপা ফোংদোকখি।
পি.এম.না দিল্লীদা ফেব্রুৱারী 16তা পাংথোক্কদৌরিবা ভারত তেক্স 2025দা শরুক য়াগনি
February 15th, 01:56 pm
প্রধান মন্ত্রী শ্রী নরেন্দ্র মোদীনা ফেব্রুৱারী 16গী নুমিদাংৱাইরম পুং 4 রোম তাবদা নই দিল্লীগী ভারত মন্দপমদা পাংথোক্কদৌরিবা ভারত তেক্স 2025দা শরুক য়াগনি। থৌরম অসিদা মহাক্না মীয়ামদা ৱা ঙাংগনি।