প্রধান মন্ত্রীনা AEM সিঙ্গাপুরদা চৎখ্রে
September 05th, 12:31 pm
প্রধান মন্ত্রী ঐচ.ই. মিস্তর লোরেন্স ৱোংগা লোয়ননা প্রধান মন্ত্রী শ্রী নরেন্দ্র মোদীনা সেমিকন্দক্তর অমসুং ইলেক্ত্রোনিক্স সেক্তরদা সিঙ্গাপুরগী মকোক থোংবা কম্পনী অমা ওইরিবা AEM দা চৎখি। গ্লোবেল সেমিকন্দক্তর ভেল্যু চেনদা AEMগী থৌদাং, মাগী ওপরেসনশিং অমসুং ভারতকীদমক মাগী থৌরাংশিংগী মতাংদা মখোয়দা পাউদমখি। সিঙ্গাপুর সেমিকন্দক্তর ইন্দস্ত্রী এসোসিএসন্না সিঙ্গাপুরদা সেমিকন্দক্তর ইকোসিস্তেম চাউখৎহনবা অমসুং ভারতকা লোয়ননা তেংবাং পীনবগী খুদোংচাবশিংগী মতাংদা পাউদমখি। সেক্তর অসিগী সিঙ্গাপুরগী অতোপ্পা কম্পনী কয়াগী মীহুৎশিংসু শরুক য়াখি। প্রধান মন্ত্রীনা 2024গী সেপ্তেম্বর 11-13দা গ্রেতর নোইদাদা পাংথোক্কদৌরিবা সেমিকোন ইন্দিয়া এক্সপো অসিদা শরুক য়ানবা সিঙ্গাপুরগী সেমিকন্দক্তর কম্পনীশিংদা বর্তন তৌখি।