ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভেনস ওর্বিতর মিসন(ভি ও এম) পায়খৎপদা অয়াবা পীখ্রে। মসি থা অমসুং মার্সকী মথক্তা, ভেসন থিজিন্নবা অমসুং নৈন্নবা সরকারগী পান্দমগী মাইকৈদা থাংজিনবা মরুওইবা খোঙথাং অমনি। ভেনস পৃথিবীগা খ্বাইদগী নক্নবা গ্রহনি অমসুং মসি পৃথিবীগা মান্নবা ফিবমশিংদা শেমখিবনি হায়না থাজনরি অমসুং কমদৌনা গ্রহশিং তোখায়-তোখায়না ওইরকখিবগে হায়বা খঙনবা তোপ-তোপ্পা খুদোংচাবা অমা গ্রহ অসিনা পীরি।
স্পেস দিপার্তমেন্তনা পায়খৎকদবা ভেনস ওর্বিতর মিসন অসিনা ভেনসকী লৈমায় অমসুং লৈমায়গী মনুং থংবা শরুক, এদমোস্ফিয়ারগী থৌওংশিং অমসুং নুমিৎনা ভেনসকী এফমোস্ফিয়ারদা পীরিবা ইথিলগী মরমদা হেন্না খঙনবা ভেনসকী ওর্বিত্তা সাইন্তিফিক স্পেসক্রাফ অমা থানবা পান্দম থম্লি। মতম অমদা থৱায় পানবশিং লৈবা য়ারম্মী হায়না থাজনরিবা অমসুং পৃথিবীগা য়াম্না মান্নবা অসিনা ভেনসকী অওনবা লাকপগী মরমশিং থিজিনবা অসিদগী ভেনস অমসুং পৃথিবী শেম্লকখিবগী মতাংদা মমল নাইদ্রবা ৱাফম কয়া মতেং পাংগনি।
স্পেসক্রাফ শেমগৎপা অমসুং থাগৎপগী থৌদাং ইসরোনা লৌগনি। ইসরোদা হৌজিক পায়খৎলিবা থবকশিংগী খুৎথাংদা প্রোজেক অসি পায়খৎকনি অমসুং য়েংশিনগনি। মিসন অসিদগী ফংলকপা দেতা হৌজিক চৎনরিবা থবকশিংগী খুৎথাংদা সাইন্তিফিক কম্মুনিতিদা য়েন্থোক্কনি।
মিসন অসি মার্চ ২০২৮ দা মাইপাক্না পাংথোক্কনি হায়বগী থাজবা থম্লি। ভারতকী ভেনস মিসন অসিনা মশক থোকপা সাইন্তিফিক ওইবা ৱাহং খরগী পাউখুম পীদুনা তোঙান-তোঙানবা সাইন্তিফিক ওইবা কান্নবা কয়া ফংগনি। তোঙান-তোঙানবা ইন্দস্ত্রিশিংগী খুৎথাংদা স্পেসক্রাফ অমসুং লঞ্চ ভেহিকল শেমগৎকনি অমসুং মসিনা মশিং য়াম্লবা থবক ফংহনগনি অমসুং শেন্মিৎলোনগী তোঙান-তোঙানবা হিরমশিংদা তেক্নোলোজি চাউখৎহনগনি।
ভেনস ওর্বিতর মিসন(ভি ও এম)গী অপুনবা ফন্দ লুপা করোর ১২৩৬ অয়াবা পীরে, মসিগী মনুংদা লুপা করোর ৮২৪.০০ স্পেসক্রাফ শাবদা শীজিন্নগনি। শেনফম অসিগী মনুংদা স্পেসক্রাফকী পেলোদশিং অমসুং তেক্নোলোজিগী মচাকশিং, নেভিকেসনগী মালেমগী ওইনা লৈমায়দগী মতেং পীবা, লঞ্চ ভেহিকল অমসুং নেতৱার্ককী মমল য়াওনা স্পেসক্রাফ শেমগৎপগী শেনফম য়াওরে।
ভেনস ফাওবগী খোঙচৎ
অচৌবা পেলোদশিং অমসুং ওর্বিত লান্থোক্তুনা চৎনবগী ভারতকী তুংগী প্লানেতরি মিসনশিংদা মিসন অসিনা মতেং পাংগনি। স্পেসক্রাফ অমসুং লঞ্চ ভেহিকল শেমগৎপা মতমদা ভারতকী ইন্দস্ত্রিশিং শরুক য়াগনি। তোঙান-তোঙানবা ইন্সতিতুৎশিং শরুক য়াগনি অমসুং দিজাইন, দিবলপমেন্ত, তেস্তিং, তেস্ত দেতা রিদক্সন, কেলিব্রেসন য়াওনা থাগৎত্রিঙৈগী তাঙ্কক্তা মহৈরোয়শিংদা ত্রেনিং পীনবা পান্দম থম্লি। মিসন অসিদা অখন্নবা খুৎলায়শিং য়াওহন্দুনা ভারতকী সাইন্তিফিক কম্মুনিতিদা অনৌবা অমসুং মমল য়াম্লবা সাইন্তিফিক দেতা পীগনি অমসুং মসিনা অনৌবা খুদোংচাবা কয়া পীরগনি।
Glad that the Cabinet has cleared the Venus Orbiter Mission. This will ensure more in-depth research to understand the planet and will provide more opportunities for those working in the space sector.https://t.co/nyYeQQS0zA
— Narendra Modi (@narendramodi) September 18, 2024
