খুরুমজরি
রিপব্লিক ওফ মোরিসসকী প্রধান মন্ত্রী, ইকাই খুম্নরবা প্রবিন্দ কুমার জুগনাথজী,
এক্সিলেন্সীশিং,
ভারতকী প্রজা করোর ১৩০গী মাইকৈদগী মোরিসসকী ইচিল-ইনাও পুম্নমকপু খুরুমজরি, বোনজোর, অমসুং থাইপুসম কাবরীগী য়াইফ-পাউজেল পীজরি।
অহৌবদা ঐহাক্না ভারত-মোরিসসকী মরীশিং চেৎশিনহন্নবা লৈখিদ্রবা সর অনিরোদ জুগনাথনা শরুক তম্বীরম্বা অদুবু নীংশিংজরি। মহাক অসি ভারত্তা মীয়াম্না ইকাই খুম্নখিবা মীৎয়েং শান্না উবা ঙম্বা লুচিংবা অমা ওইরমখি। মহাক্না লৈখিদবদা, ঐখোয়না ভারত্তা জাতিগী থাক্তা নুংঙাইতবা ফোঙদোকপা নুমিৎ ওইনা লাউথোকখি অমসুং ঐখোয়গী পার্লিয়ামেন্তদা মহাকপু ইকাই খুম্নবসু উৎখি। মহাকপু ২০২০দা পদ্ম বিভুশন এৱার্দ পীদুনা ইকাই খুম্নবা উৎচবা ফংজবা লাইবক ফবনি। লৈবাক থিবদগী মহাক্না হিংলিঙৈ মনুংদা এৱার্দ পীবগী থৌরম অসি লাইচৎনা মরম ওইরগা পাঙথোক্নবা ঐখোয়দা খুদোংচাবা ফংখিদে। অদুবু হৌখিবা চহিদা এৱার্দ অসি লৌনবগীদমক নবেম্বরদা লেদী সরোজিনি জুগনাথ লাকখিবা অদু চাউথোকচনীংঙাই ওইখি। মসি মহাক্না লৈখিদ্রবা মতুংদা ঐখোয়গী লৈবাক অনিগী মরক্তা পাঙথোকপা অহানবা বাইলেতরেল ইভেন্তনি। অমসুং ঐখোয়গী অপুনবা চাউখৎ-থৌরাংগী খোঙচৎ অসিদা অতোপ্পা মাইপাকপা অমা ফংবগী ঐখোয়না পালন তৌবা অসিদা ঐহাক্না মহাক্কী ইমুং-মনুং অমসুং মোরিসসকী মীয়ামদা ঐহাক্না অৱাবা ফোঙদোকচরি।
এক্সিলেন্সীশিং,
ভারত অমসুং মোরিসস অসি পুৱারী, হৌরকফম, নাৎ, লোল অমসুং ইন্দিয়ন ওসিনগী ঈশিংনা শম্নরিবা অসিনা অমত্তা ওইহল্লি। ঙসি ঐখোয়গী অচৌবা চাউখৎ-থৌরাংগী খোঙলোয় ওইবা অসিনা ঐখোয়গী অচেৎপা মরী অসি মরু ওইবা য়ুম্বী অমা ওইরি। ঐখোয়গী খোঙলোয়শিংগী মথৌ-তাবশিং অমসুং মরু ওইবশিংদা অমসুং মখোয়গী সোভরেন্তীবু ইকাই খুম্নবদা য়ুম্ফম ওইবা চাউখৎ-থৌরাংগী খোঙলোয় ওইবগী ভারতকী এপ্রোচ অসিগী মোরিসস অসি অচৌবা খুদম অমনি।
প্রবিন্দজী অদোমগা লোয়ননা মেত্রো এক্সপ্রেস, অনৌবা ই.এন.তি. হোস্পিতাল অমসুং অনৌবা সুপ্রিম কোর্ত বিল্দিং শঙ্গাখিবা অদু ঐহাক্না নীংশিংলি। মেত্রো অসি পাম্নরক্লি, পেসেঞ্জরগী মশিং মিলিয়ন ৫.৬ হেল্লে তাবদা নুংঙাইবা পোকই। ঙসিগী মিলিয়ন দোলর ১৯০গী ক্রেদিৎ এগ্রীমেন্ত একচেঞ্জ তৌগদৌরিবা অসিগী মখাদা মেত্রো পাকথোক-চাউথোকপদা মতেং পাংনবা ঐখোয়না শেম-শাদুনা লৈজরি। কোবিদ-১৯ লাকশিনবদা অনৌবা ই.এন.তি. হোস্পিতাল অসি কান্নখিবা অসি অপেনবা অমসুং চাউথোকচপা পোক্নীংঙাই ওইবা ৱাফম অমনি।
তশেংবদি, কোবিদ লাইচৎ মনুংদা ঐখোয়না পীনখিবা মতেং অসি শীংথানীংঙাই ওইখি। ঐখোয়গী ভেক্সিন মৈত্রি প্রোগ্রামগী মখাদা মোরিসস অসি ঐখোয়না কোবিদ ভেক্সিনশিং থাখিবা অহানবা লৈবাকশিংগী মনুংদা অমা ওইখি। ঙসি মাগী লৈরিবা মীশিংগী শরুক মরি থোকপগী অহুম মপুং ফানা তীকা থদোকখিবা মালেমগী লৈবাক খরগী মনুংদা মোরিসসনা চনবা ঙম্বদা ঐহাক্না নুংঙাইবা পোকই। মোরিসস অসি ইন্দিয়ন ওসিনগী ঐখোয়গী এপ্রোচ অসিগী মরু ওইবা শরুক অমসু ওইরি। ঐহাক্কী ২০১৫গী খোঙচৎ মনুংদা মোরিসসতা ঐহাক্না সাগর – সেক্যুরিতী এন্দ গ্রোথ ফোর ওল ইন দি রিজনগী ভারতজী মেরিতাইম কোওপরেসন বিজন অসি ফোঙদোকখি।
মেরিতাইল সেক্যুরিতী য়াওনা ঐখোয়গী বাইলেতরেল কোওপরেসন অসি বিজন অসি থবক ওইনা ওন্থোকপা ঙমখিবদা ঐহাক্না নুংঙাইবা পোকই। কোবিদকী অপনবশিং লৈজরবসু ঐখোয়না লীজতা দোর্নিয়র এয়রক্রাফ খুৎশিন্নবা ঙমখি অমসুং মোরিসিয়ন কোস্ত গার্দ শিপ বার্রাকুদাগী শোর্ত রেফিৎ মপুং ফাহনখি। ৱাকাশিও থাও য়ুবা অসি লাকশিন্নবা ইক্বিপমেন্ত অমসুং এক্সপর্তশিং দিপ্লোই তৌখিবা অসি ঐখোয়গী অপুনবা মেরিতাইল হেরিতেজ ঙাকশিন্নবা ঐখোয়গী কোওপরেসন অসিগী অতোপ্পা খুদম অমনি।
এক্সিলেন্সীশিং,
ঙসিগী থৌরম অসিনা ঐখোয়গী মীয়ামগী পুন্সি ফগৎহন্নবা ঐখোয়গী অমত্তা ওইবা ফিরেপ অদু অমুক হন্না তাক্লি। প্রবিন্দজী, সোসিএল হাউসিং প্রোজেক্ত লোইশিনবা অসিদা অদোমগা লোয়ননা শরুক য়াবা ফংজবদা ঐহাক্না নুংঙাইবা পোকই। ঐখোয়না মোরিসসকী মীচম প্রজাশিংদা শেল চংদনা য়ুমশিং পীনবা পাইখৎপা মরু ওইবা খোঙথাং অসিগী শরুক অমা ওইবা ফংবদা অখন্ননা নুংঙাইবা পোকই। লৈবাক-শেমগৎপদা মরু ওইবা অতোপ্পা প্রোজেক্ত অনি: মোরিসস মখা তানা চাউখৎহন্নবগীদমক সরকারগী ওফিসরশিংবু স্কিল লৈহনবদা মতেং পাংগদবা স্তেৎ-ওফ-দি-আর্ত সিবিল সর্ভিস কোলেক অমা; অমসুং ঈথৎকী লৈবাক অমা ওইরিবা মোরিসসনা মায়োক্নরিবা অইং-অশাগী ওইবা শীংনবশিং অসি কোকহনবদা মতেং ওইগদবা মেগা ৱাত ৮গী সোলর পি.ভি. ফার্ম প্রোজেক্ত হায়রিবা অসি ঙসি ঐখোয়না হৌদোক্লি।
ভারত্তসু ঐখোয়না মিসন কর্ময়োগীগী মখাদা সিবিল-সর্ভিস কেপাসিতী বিল্দিংগী অনৌবা এপ্রোচশিংদা মীৎয়েং চংলি। অনৌবা সিবিল সর্ভিস কোলেজ অসিদা ঐখোয়গী এক্সপরিয়েন্স অদু শিয়র তৌবা ফংজরবদি নুংঙাইগনি। মেগা ৱাত ৮গী সোলর পি.ভি. ফার্ম অসি হৌদোকপদা, হৌখিবা চহিগী গ্লাস্গোদা সি.ও.পি.-২৬কী মীফমগী শরুক ওইনা ৱন সন ৱন ৱর্ল্দ ৱন গ্রীদকী থৌরাং হৌদোকখিবা অদু নীংশিংলকই। মসি ইং কুমজা ২০১৮গী ওক্তোবরদা ঐহাক্না ইন্তর্নেস্নেল সোলর এলাইন্সকী অহানবা এসেমব্লীদা থমখিবা ৱাখল্লোন অমনি। থৌরাং অসিনা কার্বোন ফুৎপ্রিন্ত অমসুং ইনর্জীদা শেল চংবা হন্থহনবা খক্তা নত্তনা মসিনা তোঙান-তোঙানবা লৈবাকশিং অমসুং লমদমশিংগী মরাক্ত কোওপরেসন পীননবা অনৌবা লম্বীসু য়াৎলি। ভারত অমসুং মোরিসসনা সোলর ইনর্জীদা অসিগুম্বা কোওপরেসন পীনবগী শীংথানীংঙাই ওইবা খুদম অমা পুন্না ওইহনবা ঙমগনি হায়না ঐহাক্না থাজবা থম্লি।
ঙসি ঐখোয়না একচেঞ্জ তৌনরিবা স্মোল দিবেলপমেন্ত প্রোজেক্তশিংগী য়ান্ন-ৱারোল অসিনা মোরিসস পুম্বদা কম্ম্যুনিতীগী থাক্তা চাউনা শাফু পীগদবা প্রোজেক্তশিং লৈহনবা ঙম্লগনি। তুংদা লাক্কদৌরিবা মতমশিংদা ঐখোয়না রেনেল ত্রান্সপ্লান্ত য়ুনিৎ, ফোরেন্সিক লেবোরেতোরী, নেস্নেল লাইব্রেরী এন্দ আর্কাইব অমসুং অতোপ্পা কয়াগা লোয়ননা অসিগুম্বা মরু ওইবা প্রোজেক্ত কয়ামরুমদা থবক হৌরগনি। ঐহাক্না ঙসি অমুক হন্না হায়জনীংবদি মোরিসসকী চাউখৎ-থৌরাংগী খোঙচৎকীদমক ভারতনা মতম চুপ্পদা লেপকনি।
ঐহাক্না মোরিসসকী ইচিল-ইনাও পুম্নমক্তা নুংঙাইবা, অফবা অমসুং চাউখৎপা ২০২২ ওইমিন্নরসি হায়না য়াইফ-পাউজেল পীজরি।
Vive l’amitié entre l’Inde et Maurice!
ভারত অমসুং মোরিসসকী মরক্তা লৈরিবা মরুপ ওইবগী মরী অসি অমর ওইরসনু!
Vive Maurice!
জয় হিন্দ!
হন্না-হন্না থাগৎচরি। খুরুমজরি!
