ভারতনা ঐখোয়গী সফাই কর্মচারীশিংগীদমক্তা চাউথোকচরি। মদু ভারতপু তরু-তনান্না থম্নবগীদমক খ্বাইদগী মাং থারিবা মশিং থিঙমদ্রবা মীওইশিংনি।
ফেব্রুৱারী ২৪, ২০১৯দা প্রয়াগরাজদা চৎখিবা মহাক্কী কুম্ভ খোংচৎতা, লৈবাক অসিনা নীংশিদুনা লৈহৌরগদবা থবক খরা প্রধান মন্ত্রীনা তৌখি।
প্রধান মন্ত্রীনা সফাইকর্মচারীশিংগা ৱারী শানখি অমদি মখোয়গী মখোং চাম্বীখি।
মসিনা প্রধান মন্ত্রীনা সফাইকর্মচারীশিংগী মফমদা থম্লিবা ইকাই খুম্নবা অদু উৎলি। মসিনা উৎলি মদুদি, ভারতকী মীপুম খুদিংমক্কীদমক্তা খনবা, মীওই খুদিংমক্না তৌবা থবকপু শিংথাবীবা অমসুং ভারতকী মীয়ামগা লোইননা লেংথোং মান্ননা লেপ্পা ঙম্বা প্রধান মন্ত্রী অমনি।
প্রধান মন্ত্রী মোদীনা লৈবাক অসিবু তরু-তনান্না থম্ননবা সফাইকর্মচারীশিংনা তৌরিবা থবক অদুগী মতাংদা শন্দোক্না ঙাংখি। মহাক্না ২০১৯গী প্রয়াগরাজ কুম্ভগীদমক, মরু ওইনা লুবা-নানবদা মিৎয়েং থমদুনা পাইখৎলিবা থৌরাং অদুগীদমক শিংথাখি।
স্বচ্ছ ভারত মিশন অসি, মীপুম খুদিংমক্না চেৎনা শরুক য়াখিবনা মরম ওইদুনা মপাঙ্গল লৈবা মীয়ামগী খোংজং অমা ওইরে। ২০১৪দা য়াম্না লিক্না ৩৮%খক্তমক ওইরম্বা সেনিতেসন কভরেজ অদু ২০১৯দা ৯৮% ওইখ্রে। লৈবাক শিনবা থুংনা লুবা-নানববু য়োকখৎনবা মীয়াম্না অচৌবা খোংজং চংশিনবা উবা অসি অচম্বা নত্তে। লৈবাক অসিবু তরু-তনালহনবদা য়ং ইন্দিয়াগী অচেৎপা তেংবাং অসি থাগৎনীংঙাইনি।
প্রধান মন্ত্রীনা সফাইকর্মচারীশিংগী মখোং চাম্বীবগী ফোতোগ্রাফশিংগা লোইননা ভিদিও অসি য়েংবদা অদোম নুংঙোনবা ফাওবীগনি।
