মন্ত্রী মন্দলনা প্রধান মন্ত্রী অৱাস য়োজনা-অর্বান ২.০ স্কীম অয়াবা পীখ্রে

Cabinet approves Pradhan Mantri Awas Yojana-Urban 2.0 Scheme

1 crore houses to be constructed for urban poor and middle-class families

Investment of ₹ 10 lakh crore and Government Subsidy of 2.30 lakh crore under PMAY-U 2.0

ইকায়খুম্নরবা প্রধান মন্ত্রী শ্রী নরেন্দ্র মোদীনা থৌরম মপু ওইদুনা পাঙথোকখিবা কেন্দ্রগী মন্ত্রী মন্দলনা ঙসি প্রধান মন্ত্রী অৱাস য়োজনা-অর্বান (পি.এম.এ.ৱাই.-য়ু.) ২.০ অয়াবা পীখ্রে‍। মসিগী মখাদা চহি ৫গী মনুংদা ময়োল্লমগী মফমশিংদা অতাবা মমলদা য়ুম অমা শানবা, লৈনবা নৎত্রগা ৱায়নবগীদমক স্তেত/য়ুনিয়ন তেরিতরী (য়ু.তি.)শিং/পি.এল.আই.শিংগী খুত্থাঙদা ময়োল্লমগী লায়রবা অমদি ময়ায়-থাক্কী ইমুং করোর ১দা শেলগী তেংবাং ফংহনগনি‍। স্কীম অসিগী মখাদা লৈঙাক্কী তেংবাং ওইনা লুপা লাখ করোর ২.৩০ পীগনি‍।

পি.এম.এ.ৱাই.-য়ু. অসি ময়োল্লমগী মফমশিংদা লৈবা ইলিজিবল ওইবা বিনিফিসয়রী পুম্নমক্তা নোংজু নুংশা খায়দবা পক্কাগী য়ুম ফংহন্নবা ভারত লৈঙাক্না পায়খৎপা অচৌবা ফ্লেকসিপ প্রোগ্রামশিংগী মনুংদা অমনি‍। পি.এম.এ.ৱাই.-য়ু.গী মখাদা য়ুম করোর ১.১৮ সেংসন তৌখ্রে অদুগা য়ুক লাখ ৮৫.৫ হেনবনা শাবা লোইদুনা বিনিফিসিয়রীশিংদা খুৎশিন্নখ্রে‍।

ইকায়খুম্নরবা প্রধান মন্ত্রীনা লাল কিলা মথক্তগী ওগস্ত ১৫, ২০২৩দা পীখিবা মহাক্কী নীংতম্বা নুমিৎকী ৱারোলদা অশোন্বা কাঙলুপ অমসুং ময়ায়-থাক্কী ইমুংশিংদা য়ুম অমগী মপু ওইজবগী কান্নবা পীনবগীদমক ভারত লৈঙাক্না অনৌবা স্কীম অমা হৌদোক্কনি হায়না লাউথোকখি‍।

কেন্দ্রগী মন্ত্রী মন্দলনা জুন ১০, ২০২৪দা মশিং হেনগৎলক্লিবা ইলিজিবল ইমুংশিং অসিনা য়ুম-কৈ শাবগী মথৌ তাবা হেনগৎহল্লক্লিবা অসি ফংহন্নবগীদমক খুঙ্গং অমসুং ময়োল্লমগী অহেন্বা ইমুং করোর ৩দা য়ুম শানবগী তেংবাং ফংহন্নবা ফিরেপ লৌখি‍। ইকায়খুম্নরবা প্রধান মন্ত্রীগী মীৎয়েঙ তুংইন্না, পি.এম.এ.ৱাই.-য়ু. ২.০না, লুপা লাখ করোর ১০গী ইনভেস্তমেন্ত অমগা লোয়ননা, ইমুং করোর ১গী য়ুম-কৈ শাবগী মথৌ তাবশিং ফংহন্দুনা মীপুম খুদিংদা হেন্না ফবা পুন্সি মহিং অমা ফংহনগগনি‍।

মসিগী মথক্তা, ইকনমিকেল্লী ৱীকর সেক্সন (ই.দব্লিউ.এস.)/ লো ইনকম গ্রুপ (এল.আই.জি.) কাঙলুপকী ইমুংশিংদা মখোয়গী অহান্বা য়ুম শানবা/লৈনবগীদমক বেঙ্ক/হাউজিং ফাইনান্স কম্পেনীশিং (ঐচ.এফ.সি.)/প্রাইমারী লেন্দিং ইন্সতিত্যুসন্স (পি.এল.আই.)শিংদা এফোর্দেবল হাউজিং লোন্দা ক্রেদিৎ রিস্ক গরেন্তীগী কান্নবা পীননবা ক্রেদিৎ রিস্ক গরেন্তী ফন্দ ত্রস্ত (সি.আর.জি.এফ.তি.)গী কোর্পস ফন্দসু লুপা করোর ১,০০০ দগী লুপা করোর ৩,০০০ দা হেনগৎহল্লে‍। মখা তানা মখা তানা, মেনেজমেন্ত ওফ ক্রেদিৎ রিস্ক গরেন্তী ফন্দ নেস্নেল হাউজিং বেঙ্ক (এন.ঐচ.বি.)দগী নেস্নেল ক্রেদিৎ গরেন্তী কম্পেনী (এন.সি.জি.তি.সি.)দা ত্রান্সফর তৌরগনি‍। ক্রেদিৎ রিস্ক গরেন্তী ফন্দ স্কীম অসি নৌনা শেমদোক্লি অমদি শেমদোক্লবা চৎন-পথাপশিং হাউজিং অমসুং অর্বান এফ্যার্স মন্ত্রালয় (MoHUA)না থোক্লগনি‍।

পি.এম.এ.ৱাই.য়য়ু. ২.০ ইলিজিববিলিতী ক্রাইতেরিয়া

লৈবাকসিগী মফম অমা হেক্তদা লৈবা মশাগী পক্কাগী য়ুম লৈজদবা ই.দব্লিউ.এস./এল.আই.জি./মিদ্দল ইনকম গ্রুপ (এম.আই.জি.) কাঙলুপকী ইমুংশিং পি.এম.এ.ৱাই.-য়ু. ২.০গী মখাদা য়ুম অমা শানবা নৎত্রগা লৈনবা ইলিজিবল ওই‍।

• চহিগী শেন্থোক লুপা লাখ ৩ ফাওবদং লৈবা ই.দব্লি.এস. ইমুংশিং
• চহিগী শেন্থোক লুপা লাখ ৩দগী লুপা লাখ ৬ ফাওবগী মনুংদা লৈবা এল.আই.জি. ইমুংশিং
• চহিগী শেন্থোক লুপা লাখ ৬তগী লুপা লাখ ৯ ফাওবদা লৈবা এম.আই.জি. ইমুংশিং

স্কীমগী কভরেজ

নোতিফাইদ প্লান্নিং এরিয়াস, ইন্দস্ত্রিএল দিভেলপমেন্ত ওথোরিদী/ স্পিসিএল এরিয়া দিভেলপমেন্ত ওথোরিতী/ অর্বান দিভেলপমেন্ত ওথোরিতী নৎত্রগা অর্বান প্লান্নিং অমসুং রিগুলেসসনগী মথৌ শিন্নবা স্তেত লৈঙাক্কী মখাদা লৈবা অসিগুম্বা ওথোরিতীশিংগী মখাদা লৈবা মফমশিং য়াওনা সেন্সস ২০১১গী মতুং ইন্না লৈরিবা স্তেতুতরী ময়োল্লমশিং অমসুং মদুগী মতুংদা লাউথোকখিবা ময়োল্লমশিং পি.এম.এ.ৱাই.-য়ু. ২.০গী মখাদা কোনশিনগনি‍।

পি.এম.এ.ৱাই.-য়ু. ২.০ কম্পোনেন্তশিং

স্কীম অসিনা মখাগী থৌওংশিংসিগী খুত্থাঙদা ময়োল্লমশিংদা লৈরিবা অতাবা মমলগী য়ুম-কৈ শাবগী মথৌ তাবশিং মেনখৎনবা থৌরাং তৌরি:

১. বিনিফিসিয়রী-লেদ কন্সত্রক্সন (বি.এল.সি.): থৌরাং অসিগী মখাদা, ই.দব্লিউ.এস. কাঙলুপকী ইলিজিবল ওইবা ইমুংশিংদা মখোয় মশাগী অহাংবা লমদা য়ুম অনৌবা শাননবা শেলগী তেংবাং পীগনি‍। করিগুম্বা বিনিফিসিয়রীশিং মশাগী লম লৈত্রবদি, স্তেত/য়ু.তি.শিংনা লম পীবিবা য়াই‍।

২. এফোর্দেবল হাউজিং ইন পার্ত্নরসিপ (এ.ঐচ.পি.): এ.ঐচ.পি.গী মখাদা, স্তেত/য়ু.তি./সিতিজ/পব্লিক/প্রাইভেত এজেন্সীশিংনা তোঙান তোঙানবা খোঙবু ওইইবগী মওংদা শাগৎলিবা য়ুমশিং মপু ওইনবগীদমক ই.দব্লিউ.এস. বিনিফিসিয়রীশিংদা শেলগী তেংবাং পীগনি‍।

• লনাই প্রোজেক্তশিংদগী য়ুম লৈরিবা বিনিফিসিয়রীশিংদা রিদীম তৌবা য়াবা হাউজিং ভাউচরশিং পীগনি‍। স্তেত/য়ু.তি/য়ু.এল.বি.শিংনা মথৌ তাবা পরম পুম্নমক ইল্লবা প্রাইভেত সেক্তর প্রোজেক্তশিং ৱাইতলিস্ত তৌগনি‍।
• ইনোভেতিব ওইবা কন্সত্রক্সন তেক্নোলোজীশিং শীজিন্নবা এ.ঐচ.পি. প্রোজেক্তশিংদা স্ক.মি./য়ুনিত অমদা লুপা ১০০০গী চাংদা তেক্নোলোজী ইনোওভেসন গ্রান্ত (তি.আই.জি.) ওইনা অহেন্বা গ্রান্ত পীগনি‍।

৩. এফোর্দেবল রেন্তেল হাউজিং (এ.আর.ঐচ.): থৌরাং অসিনা থবক তৌবা নুপীশিং/ইন্দস্ত্রীগী শিন্মীশিং/অর্বান্ত মাইগ্রেন্তশিং/ ময়ুম মকৈ লৈজদবা/অৱা-অনা তারবা/ মহৈরোয়শিং অমসুং অতৈ ইলিজিবল ওইবা বিনিফিসিয়রীশিংগীদমক ভারাগী য়ুম মরাং কায়না লৈহনগনি‍। এ.আর.ঐচ.না য়ুম লৈবদি পামজদবা অদুবু অতেন্বা মতমগী ওইনা য়মদি মথৌ তাবা, নৎত্রগা য়ুম অমা শানবা/লৈনবা শেলথুম মরাং কায়না লৈজদবা ময়োল্লমদা লৈবা মীওইশিংগীদমক অতাবা মমলদা লু-নান্বা লৈফম ফংহন্নবা হোৎনগদবনি‍।

থৌরাং অসি মখাগী অসিগুম্না মোদেল অনি থোক্না পায়খৎকনি:

• মোদেল-১: হান্ননা লৈরবা লৈঙাক্না শেল থাদবা ময়োল্লমদা লৈবা য়ুমশিংবু পব্লিক প্রাইভেত পার্ত্নরসিপ মোদ নৎত্রগা পব্লিক এজেন্সীগী মখাদা এ.আর.ঐচ. ওন্থোক্তুনা শীজিন্নবা‍।
• মোদেল-২: প্রাইভেত/পব্লিক এজেন্সীশিংনা ভারাগীঈ য়ুম শাবা, চলাইবা অমদি শেন্নবা‍।

ইনোভেতিব তেক্নোলোজীশিং শীজিন্নদুনা শাগৎপা প্রোজেক্তশিংগীদমক, স্ক.মি. অমদা লুপা ৩০০০গী চাংদা তি.আই.জি. কেন্দ্র লৈঙাক্না থাদোক্কনি অদুগা স্তেত/য়ু.তি. লৈঙাক্না স্তেত শেয়র ওইনা স্ক.মি অমদা লুপা ২০০০গী চাংদা পীগনি‍।

৪. ইন্তরেস্ত সবসিতী স্কীম (আই.এস.এস.): আই.এস.এস. থৌরাংনা ই.দব্লিউ.এস./এল.আই.জি. অমসুং এম.আই.জি. ইমুংশিংগী হোম লোন্দা সবসিদীগী কান্নবা পীগনি‍। লুপা লাখ ৩৫ ফাওবগী মনুংদা লৈবা য়ুমগীদমক লুপা লাখ ২৫ ফাওবগী লোন লৌরিবা বিনিফিসিয়রীশিং অহান্বগী লুপা লাখ ৮ ফাওবগী লোন্দা চহি ১২ ফাওবা চাদা ৪গী ইন্তরেস্ত সবভেন্সন লৌবা য়াগনি‍। ইলিজিবল ওইবা বিনিফিসিয়রীশিংদা পুস বত্তনগী খুত্থাঙদা য়াম্লবদা লুপা লাখ ১.৮০ ফাওবগী সবসিদী চহিগী ওইবা ইন্সতোলমেন্ত ৫ থোক্না পীগনি‍। বিনিফিসিয়রীশিংনা মখোয়গী একাউন্তশিং ৱেবসাইত, ও.তি.পি. নৎত্রগা স্মার্ত কার্দশিংগী খুত্থাঙদা চঙবা য়াগনি‍।

সেন্ত্রেল সেক্তর স্কীম ওইনা পায়খৎকদবা ইন্তরেস্ত সবসিদী স্কীম (আই.এস.এস.) কম্পোনেন্ত অসি নত্তনা, পি.এম.এ.ৱাই.-য়ু. ২.০ অসি সেন্ত্রেল্লী স্পোন্সর্দ স্কীম (সি.এস.এস.) অমা ওইনা পায়খৎকনি‍।

ফন্দিং মেকানিজম

আই.এস.এস.কীখক নতত্তনা তোঙান তোঙানবা থৌরাংশিংগী মখাদা শাগৎলিবা য়ুমগী শেঞ্জং মন্ত্রালয়, সস্তেত/য়ু.তি./য়ু.এল.বি. অমদি শকখঙলবা ইলিজিবল ওইবা বিনিফিসিয়রীশিংদা ফংহনগদবনি‍। পি.এম.এ.ৱাই.-য়ু. ২.০গী মখাদা এ.ঐচ.পি./বি.এল.সি. থৌরাংগী ওইবা লৈঙাক্কী তেংবাং য়ুনিৎ অমদা লুপা লাখ ২.৫ ওইগনি‍। স্কীম অসিগী মখাদা স্তেত/য়ু.তি. শেয়র শোয়দনা লৈগনি‍। লেজিসলেচর লৈতবা য়ু.তি.শিংগী ওইইনা, কেন্দ্র-স্তেত শেয়রিং তৌবগী মওং অসি ১০০:০ ওইগনি‍। লেজিসলেচর লৈবা য়ু.তি.শিং (দিল্লী, জে.&কে. অমদি পুদুচেরী য়ু.তি.শিং), অৱাং-নোংপোক স্তেতশিং অমসুং হিমালয়ান স্তেতশিংগী (হিমাচল প্রদেশ অমসুং উত্তরাখন্দ) ওইনা শেয়রিং তৌবগী মওং অসি ৯০:১০ ওইগনি অদুগা অতৈ স্তেতশিংগীনা শেয়রিং তৌবগী মওং ৬০:৪০ ওইগনি‍। য়ুম লায়না লৈবা ঙমহন্নবগীদমক, স্তেত/য়ু.তি. অমদি য়ু.এল.বি.শিংনা বিনিফিসিয়রীশিংদা অহেন্বা তেংবাং পীবা য়াই‍।

আই.এস.এস. থৌরাংগী মখাদা, ইলিজিবল ওইবা বিনিফিসিয়রীশিংদা চহি মঙাগী ইন্সতোলমেন্ততা লুপা লাখ ১.৮০ ফাওবগী সবসিদীগী সেন্ত্রেল এসিস্তেন্স পীগনি‍।

মচা খায়বা শেয়রিং পেত্তর্নূ মখাদা পীরি:

তেক্নোলোজী এন্দ ইনোভেসন সব-মিসন (তি.আই.এস.এম.)

তি.আই.এস.এম. অসি পি.এম.এ.ৱাই.—য়ু. ২.০গী মখাদা স্তেত/য়ু.তি.শিং অমসুং অতৈ স্তেকহোল্দরশিংবু মতমগা চুনবা, ইনোভেতিব ওইবা অমদি গ্রীন তেক্নোলোজীশিং অমসুং বিল্দিং মেতরিএলশিং য়ুম হেন্না থুনা অমদি ক্বালিতী লৈবা শানবগীদমক শীজিন্নবদা লমজিংনবা অমদি তেংবাংনবা লিংখৎকনি‍। তি.আই.এস.এম.গী মখাদা, স্তেত/য়ু.তি./সিতীশিংবু দিজাস্তর মায়োক্নবা ঙম্বা, অইং-অশাগী ফীভমগা চুনবা তেক্নোলোজী, স্মার্ত বিল্দিং অমসুং তুং কোইগদবা য়ু-কৈদা মীৎয়েঙ থমদুনা চেলেঞ্জ মোদতা ইনোভেতিব ওইবা থৌওং অমসুং প্রোজেক্তশিংগী খুত্থাঙদা তেংবাংগনি‍।

এফোর্দেবল হাউজিং পোলিসী

পি.এম.এ.ৱাই.-য়ু. ২.০গী মখাদা, স্তেত/য়ু.তি.শিংনা পব্লিক/প্রাইভেত এন্তিতীশিং ইচঙ থৌনা শরুক য়াহন্নবা অমদি এফোর্দেবল হাউজিং ইকোসিস্তেম য়োকখৎনবগীদমক মখল মখা কয়াগী রিফোর্মশিং অমসুং ইন্সেন্তিবশিং য়াওবা “এফোর্দেবল হাউজিং পোলিসী” শেমগদবনি‍।

শাফু:

পি.এম.এ.ৱাই.-য়ু. ২.০না ই.দব্লিউ.এস./এল.আই.জি. অমসুং এম.আই.জি. কাঙলুপগী য়ুম-কৈগী মঙলান মঙফাওনহন্দুনা ‘হাউজিং ফোর ওল’গী পান্দম ফংহনগনি‍। স্কীম অসিনা স্লমদা লৈবা মীওইশিং/এস.সি./এস.তি., মাইনোরিতীশিং, লুখ্রাবী, হকচাঙগী ফীভম মিমান্নদ্রবা মীওইশিং অমসুং অতৈ খুন্নাইগী চাকথুং ফিথুংদ্রবা কাঙলুপকী মীওইশিংগী মথৌ তাবশিং ফংহন্দুনা তোঙান তোঙানবা কাঙলুপকী মীওইশিংগী মরক্তা মান্নবা ফীভমসু পুরকহনগনি‍। শিৎ-শেংলিবা শিন্মীশিং, পি.এম.স্বানিধী স্কীমগী মখাদা শকখঙলবা লম্বী মতাইগী পোৎফম ফম্বশিং অমসুং প্রধান মন্ত্রী বিস্বকর্ম স্কীমগী মখাদা লৈবা তোঙান তোঙানবা খুৎহৈবশিং, অঙ্গনৱাদী ৱর্করশিং, বিল্দিং ঋন্দ অদর কন্সত্রক্সন ৱর্করশিং, স্লম/চোলদা লৈবা মীওইশিং অমসুং পি.এম.এ.ৱাই.-য়ু. ২.০ পায়খৎলঙৈদা মশক খঙদোক্লবা অতৈ মীওই কাঙলুপশিংদা অখন্নবা মীৎয়েঙ থমগনি‍।