গ্যাস পুথোকপগী লমদা মশা মরোমদোম লেপচবা ঙম্নবা মায়কৈদা অনৌবা রেকোর্দ অমা থম্বগীদমক প্রধান মন্ত্রী শ্রী নরেন্দ্র মোদীনা মীয়ামদা হরাওবা ফোঙদোকখ্রে। শ্রী মোদীনা হায়খি ইনর্জিগী লমদা মশাগী ওক্নবা পুথোকচবা অসি চাউখৎলবা ভারত অমগী ৱাশক ঙাক্নবা য়াম্না মরুওইবা মাইপাকপা অমনি।
পেত্রোলিয়ম অমসুং নেচরেল গ্যাসকী য়ুনিয়ন মিনিস্তর শ্রী হরদিপ সিংহ পুরিনা এক্স পোস্ত অমদা হায়খি গ্যাস পুথোকপগী লমদা লৈবাক অসি অনৌবা রেকোর্দ অমা থম্লে। ২০২০-২১ দা গ্যাস পুথোকপা অসি ২৮.৭ বি.সি.এম ওইখি। ২০২৩-২৪ দা মসি ৩৬.৪৩ বি.সি.এমদা হেনগৎলে। য়ুনিয়ন মিনিস্তরনা পীরিবা দেতা অসিদা ২০২৬ তা গ্যাস পুথোকপা ৪৫.৩ বি.সি.এম ওইগনি হায়না পান্দম থম্লি।
য়ুনিয়ন মিনিস্তরগী এক্স পোস্তকী পাউখুম পীরদুনা, প্রধান মন্ত্রীনা হায়খি;
“মাইপাকপা অসিগীদমক লৈবাক অসিগী মীয়ামদা হরাওবা ফোঙদোকচরি!
ইনর্জিগী লমদা মশাগী ওক্নবা পুথোকচবা অসি চাউখৎলবা ভারত অমগী ৱাশক ঙাক্নবা য়াম্না মরুওইবা মাইপাকপা অমনি। মসিগী রেকোর্দ ওইনা গ্যাস পুথোকপা অসি মাইকৈ অসিদা পায়খৎলিবা ঐখোয়গী থবক্কী খুদম অমনি”।
देशवासियों को इस उपलब्धि के लिए बहुत-बहुत बधाई!
— Narendra Modi (@narendramodi) August 4, 2024
विकसित भारत के संकल्प की सिद्धि में ऊर्जा के क्षेत्र में हमारी आत्मनिर्भरता बहुत महत्वपूर्ण है। गैस उत्पादन का यह रिकॉर्ड इस दिशा में हमारी प्रतिबद्धता का प्रत्यक्ष प्रमाण है। https://t.co/czlrxvTFJt
