ফ্রেঞ্চ রিপব্লিককী প্রেসিদেন্ত ঐচ.ই. মিস্তর ইমানুএল মেক্রোননা ভারতকী প্রধান মন্ত্রী, শ্রী নরেন্দ্র মোদীবু, ২০২২গী মেগী তাং ৪দা য়াম্না অতেনবা মতমগী ওইবা পেরিসকী খোংচত্তা তরাম্না ওকখ্রে।
২. চহি ১৯৯৮দগী ভারত অমসুং ফ্রান্স অসি স্ত্রেতেজিক পার্তনর ওইরক্লি। স্ত্রেতেজিক পার্তনরশিপ অসি অচেৎপা লিপুন অমনা পুনশিন্দুনা অমসুং অমনা অমবু চিংনবা লৈতনা থাজনবা, স্ত্রেতেজিক ওতোনোমীদা থাজবা থম্বা, ইন্তর্নেস্নেল লোদা নিংহন্নবা লৈতনা অচেৎপা ফিরেপ লৌবা;অহোবা পুরক্লবা অমসুং ইফেক্তিব ওইবা মল্তিলেতরেলিজমনা শেম্লবা মল্তিপোলর ৱার্ল্দদা থাজবা থম্বা। অনিমক্না দেমোক্রেসী, ফন্দামেন্তল ফ্রীদম, রুল ওফ লো অমসু মীওইবগী হক্কীদমক্তা ইকাইখুম্নবীবা হায়রিবা শরুক য়ামিন্নরিবা ভেল্যুশিং অচেৎপা ফিরেপ লৌরি।
৩. লাইচৎ অসিগী মতুং, জিওপোলিতিকেল চেলেঞ্জ কয়া থেংনদুনা ৱারি অমা শানখিবা মতমদা, ভারত অনসুং ফ্রান্সনা তুংগী মরীবু, অনৌ-অনৌবা হিরম কয়াদা য়ানদুনা অনৌবা চেলেঞ্জ কয়াবু খুৎশম্নদুনা মায়োক্ননবা অমসুং ইন্তরনেস্নেল পার্তনরশিপপু ফগৎহন্নবগীদমক অমুক্কসু হেন্না চেকশিন্না শেম-শানবগীদমক খন্নখি ।
ইন্দো-পেসিফিক রিজন
৪. ভারত অমসুং ফ্রান্সনা ইন্দো-পেসিফিক রিজনদা শান্তি, মরা চেৎপা অমসুং চাউখৎপা পুরক্নবগীদমক প্রিমিয়র স্ত্রেতেজিক পার্তনরশিপ অমা শেমগৎলি। ইন্তরনেস্নেল লো, সোবরেন্তি অমসুং তেরিতোরিয়ল ইন্তেগ্রিতি ঙাক্তুনা চৎপা, নেভিগেসনগীদমক অথিংবা লৈতবা ৱাখল্লোনদা য়ুম্ফম ওইবা অমসুং চয়েৎনবা লৈতবা ফ্রি, ওপেন অমসুং লোদা য়ুম্ফম ওইবা ইন্দো-রিজনগী ভিজন শিয়র তৌই।
৫. ইন্দো-ফ্রান্স ইন্দো পেসিফিক পার্তনরশিপ অসিনা দিফেন্স অমসুং সিক্যুরিতি, ত্রেদ, ইনভেস্তমেন্ত, কনেক্তিভিতি, হেল্থ অমসুং সস্তেনেবিলিতি মনুং চনহল্লি। বাইলেতরেল কো-ওপরেসন অসি নত্তবদা ভারত অমসুং ফ্রান্সনা রিজন অসিদা ৱাখল্লোন মানবা লৈবাকশিং অমসুং রিজনেল ওর্গনাইজেশনশিংগা তোঙান তোঙানবা হিরম কয়াদা অনৌবা পার্তনরশিপ মখাতানা শেমখিগনি। ফ্রান্সনা ই.য়ু.গী কাউন্সিলগী প্রেসিদেন্ত ওইরিবা মতম, ২০২২গী ফেব্রুৱারিদা পেরিসতা পাংথোকখিবা অহানবা ইন্দো-পেসিফিক মিনিস্তেরিএল ফোরমনা ই.য়ু.গী থাক্তা ইন্দো-পেসিফিকতা কো-ওপরেশনগীদমক ই.য়ু.গী স্ত্রেতিজিদা য়ুম্ফম ওইবা য়াম্না চাউরবা এজেন্দা অমা লোঞ্চ তৌখি।
৬. ২০২১গী মেদা পাংথোকখিবা ভারত-ই.য়ু. লুচিংবাশিংগী মিফমদা ভারত অমসুং ফ্রান্সনা, ভারত অমসুং ই.য়ু.গী সত্রেতেজিক পার্তনরশিপপু হেন্না লুনা খন্ননবা হায়নখি অমসুং ভারত - ই.য়ু. কনেক্তিভিতি পার্তনরশিপপু ইমপ্লিমেন্ত তৌনবা নকশিন্ননা পুন্না থবক তৌনবগী মরমদা খন্নখি। মখোয়না হন্দক্তা লোঞ্চ তৌবা ভারত - ই.য়ু. ত্রেদ অমসুং তেক্নোলোজি কাউন্সিলবু তরাম্না ওকখি। মসিনা ত্রেদ , তেক্নোলোজি অমসুং সিকিয়ুরিতিগী স্ত্রেতেজিক ওইবা হিরম কয়াদা অৱাংবা থাককি অহোংবা কয়া পোরকপতা নত্তনা ভারত - ই.য়ু.গী ওইবা ত্রেদ , ইনভেস্তমেন্ত অমসুং জিওগ্রাফিকেল ইন্দিকেতরশিংগী মরমদা নেগোসিয়েশন অমুক্কসু হন্না হৌদোকপা ঙমগনি।
য়ুক্রেন
৭. ফ্রান্সনা রসিয়াগী ফোর্সশিংনা আইনগী ৱাংমদা অমসুং খৎনবা হৌরুদনা য়ুক্রেনদা লান্দাবসি য়াংনিদবা ফোংদোকখি।
৮. ভারত অমসুং ফ্রান্সনা য়ুক্রেনদা হৌজিক হৌজিক চৎথরিবা কনফ্লিক্ত অমসুং হিউমেনিতেরিয়ন ক্রাইসিসকী মরমদসু য়ানিংদবা ফোইদোকখ্রে। য়ুক্রেনদা মিচমশিংবু শিবগী মতাংদসু য়ানিংদবা ফোংদোকখরে অমসুং লান সোক্নরিবা মাইকৈ অনিংমক্তা ৱারি সানদুনা মিচমগী অৱাবা খুদক্তা কোকহন্নবসু লৈবাক অনিসিনা খোলাউ চপ মাননা হায়খরে। য়ু.এন.গী চার্তর, ইন্তরনেসনেল লো অমসুং সোবরেনিতী অমসুং লৈবাকশিংগী তেরিতোরিয়েল ইন্তিগ্রিতিবু ইকাইখুম্নগদবনি হায়নসু লৈবাক অনিমক্না হায়খ্রে। লুচিংবা অনি অসিনা য়ুক্রেনগী লান অসিনা রিজনেল অমসুং গ্লোবেলগী থাক্তা থোক্লিবা ইমপ্লিকেসনগী মরমদসু খন্নখ্রে অমসুং মরম অসিদা য়াননা চৎনবসু হায়নখ্রে।
৯. ভারত অমসুং ফ্রান্সনা কোবিদ-১৯ লাইচৎনা হান্নদগী ফিভম শোকহল্লবা মালেমগী ফুদ সেকভুরিতী অমসুং ন্যুত্রিশনগী হৌজিক শোকচল্লক্লিবা ফিভম অসিগ মতাংদা অৱাবা ফোংদোকখি, অমসুং মরু ওইনা চাউখৎলক্লিবা লৈবাকশিংদা য়ুক্রেনদা থোক্লিবা লান অসিনা মরম ওইরগা হেন্না শোকচিল্লক্লিবা ফুদ খ্রাইসিসকী খুদোংথিনিংঙাই ওইবা ফিভম অসিবু য়েংশিন্নবা মখোয়না অনৌবা খোংথাংশিং খুদম ওইনা নিংথিনা মথৌ তৌবা মার্কেতশিং লৈহনবা, সোলিদেরিতী অমসুং লোং-তর্ম রিজিলিয়েন্সতা পান্দম থম্লিবা ফুদ অমসুং এগ্রিকলচর রেজিলিয়েন্স মিসন (এফ.এ.আর.এম.)গী খুত্থাংংদা কোওর্দিনেতেদ ওইবা, মল্তিলেতরেল রেসপোন্স লৈহন্নবা অচেৎপা ফিরেপ লৌরি।
১০. অফঘানিস্তানগী মতাংদা ভারত অমসুং ফ্রান্সনা লমদম অদুগী সোভরেনতী, য়ুনিতী অমসুং তেরিতোরিবল ইন্তেগ্রিতীবু ইকাইখুম্নবীবা অমসুং মখোয়গী ইন্তর্নেল এফিয়র্সদা অয়েৎপা পীদবা হায়বসিদা মরু ওইবা থমদুনা মীওইবগী য়াইফনবগী মতাংদা লৈরিবা ফিভম অমসুং মীওইবগী হক খোংগাওনবা অদুগী মতাংদা য়াম্না নুংনাংনিংঙাই ওইবা মওংদা অৱাবা ফোংদোরকখি অমসুং শান্তি লৈবা, সেক্যোর ওইবা অমসুং মরা চেৎপা অফঘনিস্তান অমগীদমক্তা অমুক্কসু হন্না কন্না সপোর্ত তৌরকখি। মখোয়না ইনক্লুসিব ওইবা অমসুং মীহুৎকী ওইবা সরকার অমসুং নুপীশিং, অঙাংশিং অমসংউ মাইনোরিতীশিংবু ইকাইখুম্নবীনবগীদমক্তা হায়খি। মখোয়না য়ু.এন.এস.সি. রিজোলুশন ২৫৯৩ (২০২১) অমুক হন্না পনখি অমসুং মালেমগী অতোপ্পা শরুকশিংদা তেরোরিজম শন্দোক্নবগীদমক্তা অফঘান তেরিতোরী শিজিন্নবগীদমক্তা জিরো তোলেরেন্সতা মরু ওইনা পনখি, অমসুং য়ু.এন. সেক্যুরিতী কাউন্সিল য়াওনা মসিগী মতাংদা পুন্না থবক তৌমিন্নবা য়াখি।
স্ত্রেতেজিক কোওপরেশণ
১১. নাকল অনিমক্না দেফেন্সকী দোমেনশিংদা য়াম্না কন্না চত্থরিবা কোওপরেশন অসিবু তরাম্না ওকখি। জোইন্ত এক্সরসাইজ (সক্তি, বারুনা, পেগাসে, দেজর্ত নাইত, গরুদা) অসিনা অয়াবা খুদিংমক্তা হেন্না ফবা ইন্তিগ্রেশন অমসুং ইন্তরওপরেবিলিতীগী মাইকৈদা হোৎনরিবা থবকশিং অদুবু উৎলি। মরক অসিদা, ভারত অমসুং ফ্রান্সকী মরক্তা মেরিতাইম কোওপরেশন অসি থাজনবগী অনৌবা অৱাংবা থাক অমা য়ৌখ্রে অমসুং ইন্দিয়ন ওসীন পুম্বদা এক্সরসাইজ, এক্সচেঞ্জ অমসুং জোইন্ত এনদেভরশিংগী খুত্থাংদা মখাতানা অদুমক চত্থখিগনি।
১২. ভারত অমসুং ফ্রান্সনা মরু ওইনা পনখি মদুদি খুৎসু-খুৎলাইগী মতাংদা মতম কুইনদগী লৈরক্লিবা কোওপরেশন অসিনা নাকল অনি অসিগী মরক্তা লৈরিবা অমনা অমবু থাজবগী খুদম্নি। মুম্বাইগী এম.দি.এল.দা শঅরিবা স্কোরপিন সবমেরিন তরুক অদুনা “মেক ইন ইন্দিয়া” ইনিসিয়েতিব অদুগী মতুং ইন্না ফ্রান্সতগী ভারত্তা তেক্নোলোজী ত্রান্সফর তৌবগী থাক অদুবু তাক্লি। লাইচৎ লৈজরবসু মতম চানা রাফেল তৌখিবা অদুনা উৎলি মদুদি নাকল অনিমক্না দিফেন্সকী লমদা ৱাখল মান্ননা থবক তৌমিন্নৈ। মসিগী খোংজেল অসিবু মখা চত্থদুনা মখোয়না অমনা অমবু থাজবা অদুদা য়ুমফম ওইদুনা, নাকল অনিমক্না ইন্দস্ত্রী অমনা ইন্দসত্রী অমগা পার্তনরশিপ শেমবদা হেনগৎনবা পুক্নিং থৌগত্তুনা এদভান্স দিফেন্স তেক্নোলোজী, মেন্যুফেকচরিং অমসুং এক্সপোর্তশিংদা “আত্মানিরভর ভারত” (মরোমদোম লেপচবা ঙম্বা ইন্দিয়া)গীদমক্তা হোৎনরিবশিং অদুদা ফ্রান্সনা হেন্না হকচিন্না শরুক য়ানবগীদমক্তা ক্রিয়েতিব ওইবা লম্বিশিং থিনবা য়ানখ্রে।
১৩. চহি ৬০দগীসু হেল্লবা তেক্নিকেল অমসুং সাইন্তিফিক স্পেস কোওপরেশন অসিগী য়াম্না ফাওরবা ত্রেদিশন অসিদা য়ুম্ফম ওইদুনা শেম্বা অমসুং স্পেসতা থোরক্লিবা কন্তেমপোরী চেলেঞ্জশিং অদুবু য়েংশিন্নবা, মরু ওইনা মিপুম খুদিংমক্তা সক্যোত ওইবা স্পেস মীপুম খুদিংমক্তা ফংহন্নবা, ভারত অমসুং ফ্রান্সনা স্পেসকী ৱাফম অসিগী মতাংদা বাইলেতরেল স্ত্রেতেজিক দাইলোগ অমা পাংথোক্নবা য়ানখ্রে. মসিনা অউতর স্পেসতা লৈরিবা সেক্যুরিতী অমসুং ইকোনোমিক্কী ওইবা শিংনবশিং, স্পেসতা এপ্লিকেবল ওইবা নোর্মশিং অমসুং প্রিন্সিপলশিংগী মতাংদা খন্ননবা অমসুং মসিগা লোইন-লোইননা কোওপরেশনগী অনৌবা এরিয়াশিং হাংদোক্নবা স্পেস অমসুং দিফেন্স এজেন্সীশিং, এদমিনিস্ত্রেশন অমসুং অখন্না ইকোসীস্তেমদগী এক্সপর্তশিং পুনহল্লগনি। নাকল অনিমক্না য়াম্না থুরবদা হন্দক্কী চহি অসিদা অহানবা দাইলোগ পাংথোক্নবা য়ানখ্রে।
১৪. দিজিতেলাইজ ওইবা হেনগৎলক্লিবা মালেম অসিদা, ভারত অমসুং ফ্রান্সনা মাখোয়গী সাইবর সেক্যুরিতী এজেন্সীশিংগী মরক্তা কোওপরেশন হেনগৎহনখ্রে। কনভর্জেন্ত আউৎলুক অদুগী মতুং ইন্না, মখোয়না সাইবর নোর্মশিং অমসুং সাইবর থ্রেতশিং অদুবু কাউন্তর তৌনবা প্রিন্সিপলশিং প্রোমোত তৌবদা ফোর্সশিং পুনশিন্নবা য়াখি অমসুং শান্তি লৈবা, সেক্যোর ওইবা অমসুং ওপন ওইবা সাইবরস্পেসতা শরুক য়াবদা মীৎয়েং থমদুনা মাখোয়গী বাইলেতরেল সাইবর দাইলোগ অপগ্রেদ তৌনবা য়াখি।
১৫. নাকল অনিমক্না মখোয়গী স্তার্তঅপ ইকোসীস্তেমশিং কনেক্ত তৌনবা অনৌবা খোংথাং কয়া অমা পাইখৎখি অমসুং হন্দক্কী পব্লিক-প্রাইভেত এনগেজমেন্ত তরাম্না ওক্তুনা মশা-মশাগী মাইপাকপশিং অদুদা য়ুমফম ওইদুনা ফ্রী, ইনক্লুসিব, ইনোভেতিব অমসুং ওপন পব্লিক দিজিতেল ইনফ্রাস্ত্রকচরগীদমক্তা স্তেন্দার্দশিংঅমসুং প্রোতোকোলশিং শেম্নবা অমসুং মীশিংগী পুনশিদা অওনবা অমা পুরক্নবা সোল্যুশনশিং অমসুং মালেম অফবগীদমক্তা পুন্না থবক তৌমিন্নবা তরাম্না ওকখি।
১৬. সাইবর সেক্যুরিতী অমসুং দিজিতেল তেক্নোলোজীগী মতাংদা ইন্দো-ফ্রেন্স রোদমেপকী ইমপ্লিমেন্তেশন তৌবদা য়ুমফম ওইদুনা শাগত্তুনা, ভারত অমসুং ফ্রান্সনা ভারত্তা সুপরকমপ্যুতরশিং শাবা য়াওনা সি.দি.এ.সি. অমসুং এ.তি.ও.এস.কী মরক্তা মাইপাক্না কোলাবোরেশন তৌখিবা অদুদা য়ুমফম ওইরগা একজাস্কেল তেক্নোলোজীগী মতাংদা মখোয়গী কোওপরেশন অদু অমুক্কসু হেন্না চেৎশিন্নিংবগী অপাম্বা অদু অমধক্কসু হন্না ফোংদোরকখি।
১৭. নাকল অনিমক্না রিলায়েবল ওইবা, হোংবা অমসুং কার্বোন য়াম্না নেম্বা ইনর্জীদা এক্সেসকীদমক্তা স্ত্রেতেজিক জয়তাপুর ই.পি.আর. প্রোজেক্তকী মাইপাকনবগীদমক্তা লৌখিবা ফিরেপ অদুবু অমুক্কসু হন্না লৌখি, অমসুং হৌখিবা থাশিংদা খুমাং চাইশিনখিবশিং অদুবু তরাম্না ওকখি। মখোয়না অমুক্কসু হেন্না খুমাং চাউশিন্নবা লাক্কদবা থা খরা অসিদা কন্তেক্তশিং হেনগৎহল্লগনি।
১৮. কাউন্তর তেরোরিজম অসি ইন্দো-ফ্রেন্স স্ত্রেতেজিক পার্তনরশীপকী কোর্নর স্তোননি, মরু ওইনা ইন্দো-পেসিফিক রিজনদা। মখোয়না তেরোরিস প্রোক্সিশিং অমসুং ক্রোস বোর্দর তেরোরিজম য়াওনা মখল খুদিমক্কী তেরোরিজমবু য়াম্না কন্না কন্দেম তৌই। মখোয়না তেরোরিজমবু ফাইনান্সিং তৌবা অসিবু লান্থেংনবা, রেদিকেলাইজেশন অমসুং ভায়োলেন্ত এক্সত্রিমিজমবু কাউন্তর তৌবা, তেরোরিস্ত নত্রগা ভায়োলেন্ত ওইবা এক্সত্রিমিস্তকী মরমশিংগীদমক্তা ইন্তর্নেতপু লান্না শিজিন্নবা থিংবা, ইন্তর্নেস্নেলগী ওইনা মমিং লৈরবা এন্তাইতিশিং অমসুং মীওইশিংগী মায়োক্তা থবক পাইখৎপা হায়রিবশিং অসিগী খুত্থাংদা গ্লোবল তেরোরিজমগী মায়োক্তা চপ মান্ননা লান্থেংনবদা পুন্না থবক তৌমিন্নবগি ফিরেপ অদুবু অমুক্কসু হন্না হায়রকখি। নাকল অনিমক্না ২০২২দা ভারতনা য়ুম্বু ওইদুনা পাংথোক্কদবা “নো মনী ফোর তেরর” হায়বা ইন্তর্নেস্নেল কনফরেন্স অসিগী অহুমশুবা এদিশনদা হকথেংননা তেংবাং পীনদুনা শরুক য়ানবগী অপাম্বসু ফোংদোরকখি।
ক্লাইমেত, ক্লীন ইনর্জী অমসুং সস্তেনেবল দেবেলপমেন্ত
১৯. পেরিস এগ্রীমেন্ত লৌখৎলবাঅমসুং ইন্তর্নেস্নেল সোলর এলাইন্স পুন্না হৌদোকমিন্নরবা মতুং চহি তরেত লৈরগা, ক্লাইমেত চেম্জ অসিবু তেকল তৌনবগী ভারত অমসুং ফ্রান্সকী কমিতমেন্ত অসি মিতিগেশন অমসুং এদাপ্তেশনগী মতাংদা হান্নদগী অমুক্কসু হেন্না কনখৎলকখ্রে। রিন্যুৱেবল ইনর্জী দেবেলপমেন্ত অসিনা মসিগী ত্রাম্জিশন অসিগীদমক্তা য়াম্না মরু ওইবা সোল্যুশন অমা ওইবনা, ভারত অমসুং ফ্রান্সনা ইন্তর্নেস্নেল সোলর এলাইন্সকী পান্দম অদুবু মখাতানা মখোয়গী সপোর্ত অদু অমুক্কসু পীখি। ভারত অমসুং ফ্রান্সনা রিন্যুৱেবলশিংগী দিপ্লাইমেন্ত অমসুং অহোংবা অমসুং কুইনা খাংবা ইনর্জীদা এক্সেস লৈবা হেনগৎহন্নবা জি.৭গী মখাদা লৈরিবা অসি য়াওনা ইনর্জী ত্রঞ্জিশন পাথৱেজদা অপুনবা ওইনা থবক তৌনবা খুদোংচাবা কয়া এক্সপ্লোর তৌনবা য়ানখ্রে। ক্লীন ইনর্জীগী মতাংদা লৌরিবা মসিগী ফিরেপ অসিদা মাংদা চখত্তুনা, ভারতনা মখোয়গী নেস্নেল হাইদ্রোজেন মিসন অসিগী মখাদা ভারতপু গ্রীন হাইদ্রোজেন হব অমা ওইহন্নবা মখোয়গী ইনিসিয়েতিবশিং অদুদা শরুক য়ানবা ফ্রান্সপু চেবাউ পীখিখ। নাকল অনিমক্না অচৌবা অরিবা ইন্দস্ত্রিয়েল পার্তনরশিপশিং শেম্নবা দিকার্বোনাইজ তৌরবা হাইদ্রোজেনগী রেগুলেশন, সর্তিফিকেশন অমসুং স্তেন্দার্দাইজেশনগা মরী লৈনবা এসপেক্তশিংগী মতাংদা য়াওনা দিকার্বোনাইজ তৌরবা হাইদ্রোজেনগী মতাংদা কোওপরেশন শেমগৎপা পাম্লি অমসুং মসিগী কোওপরেশন অসিবু মাংদা পুখৎনবা রোদমেপ অমা অথুবা মতমদা ফাইনেলাইজ তৌনবা য়ানখ্রে। নাকল অনিমক্না এসিয়ন অমসুং য়ুরোপিয়ন মার্কেতশিংদা ইন্তিগ্রেতেদ সপ্লাই চেনগা লোইননা সপ্লাই তৌনবা মখোয়গী সোলর ইনর্জী প্রোদক্সন কেপাসিতীশিং অদুবু রিইনফোর্স তৌনবা ইন্দস্ত্রিয়েল পার্তনরশীপ অমা লিংখৎনবা পুন্না থবক তৌমিন্নগনি।
২০. ভারত অমসুং ফ্রান্সনা ইন্দো-পেসিফিক রিজনদা সস্তেনবল ফাইনান্সতা মখোয়গী সপোর্ত হেনগৎহন্নবা এ.এফ.দি. অমসুং ইন্দিয়া এক্সিম বেঙ্কনা পাইখৎলকপা থবকশিং অদুবু তরাম্না ওকখি অমসুং মসিগি মফমশিং অসিদা মখোয়গী কোওপরেশন হেনগৎনবা অয়াবা পীখ্রে। হন্দক্কী চহি অসিগী ফেব্রৱারীদা লৌখৎখিবা “ইন্দো-পেসিফিক পার্কস পার্তনরশিপ” অসিনা ঙাক- শেন্দুনা থম্লিবা মফমশিং অমসুং নেচরেল পার্কশিংগী দেবেলপমেন্তকী খুত্থাংদা ইন্দো-পেসিফিক রিজনদা সস্তেনেবল এপ্রোচ প্রোমোত তৌনবগী নাকল অনিমক্কী কমন এম্বিশন অদুবু উৎলি।
২১. প্লাস্তিক পোল্যুশনগী মায়োক্তা লান্থেংননবা ভারত অমসুং ফ্রান্সকী কমন অম্বিশন অসিনা য়ু.এন.ই.এ.গী হন্দক্কী প্রোগ্রেস অমসুং প্লাস্তিকশিংগী মপুং ফাবা লাইফ-সাইকল অদুবু য়েংশিল্লদুনা প্লাস্তিক পোল্যুশনগী মতাংদা লিগেল্লী বাইন্দিং ইন্তর্নেস্নেল এগ্রীমেন্ত অমগী মতাংদা নেগোসিয়েশন হৌদোক্নবগী ৱারেপ অদুগী মরু ওইবা মরম অমা ওইরিবনি। ভারত অমসুং ফ্রান্সনা অপুনবা ওইনা লৈবাক অমগী লৈরিবা ফিভম অদুগী ৱাখল্লোন অমসুং প্লাস্তিক পুল্যুশন অসিবু য়েংশিন্নবা থবকশিং পাংইখৎপগী মতিক অদুবুসু ইকাইখুম্নদুনা প্লাস্তিক পোল্যুশন অসিবু লোইশিন্নবা অরিংবা অসমুং অচৌবা লিগেল্লী বাইন্দিং ইন্সত্রুমেন্ত অমা লৌখৎপদা মখাতানা শোগৎখিগনি।মাইকৈ অনিমক্না য়াম্না থুনা অমসুং লেপ্তবা মওংদা প্লাস্তিক পোল্যুশন তেকল তৌনবা লৈবাকশিংনা খুদক্কী ওইবা অপুনবা ভোলন্তরী ওইবা থবক-থৌরমশিং পাইখৎনবা হায়খ্রে।
২২. ভারত অমসুং ফ্রান্সনা এ.এফ.দি. গ্রুপ অমসুং অতোপ্পা এজেন্সীশিংগী খুত্থাংদা ভারতকী সস্তেনএবল অর্বান দেবেলপমেন্ত, বায়োদাইভর্সিতী, ইনর্জী ত্রাঞ্জিশন অমসুং অতোপ্পা ক্লাইমেতকা মরী লৈনবা প্রোজেক্তশিংদা ফ্রান্সনা লৌরিবা ফিরেপ অদুবু তরাম্না ওকখি।
২৩. ভারত অমসুং ফ্রান্সনা ব্লু ইকোনোমী অমসুংওসীন গোবর্নেন্সকী মতাংদা বাইলেতরেল রোদমেপ অমা লৌখৎখিবদা অপেনবা ফোংদোকখ্রে অমসুং মসিবু য়াম্না থুনমক থবক ওইনা ওন্থোরক্নবগীদমক্তা অচেৎপা ফিরেপ লৌখ্রে।
২৪. ভারত অমসুং ফ্রান্সনা পুন্না হাই সীশিং ঙাক-শেন্দুনা থম্নবা মরু ওইবা খোংথাং অমা ওইনা মেরিন বায়োলোজী দাইভর্সিতী ওফ এরিয়াস বিয়োন্দ নেস্নেল জুরিসদিক্সন (বি.বি.এন.জে.) অসিবু কঞ্জার্ভেশন তৌবা অমসুং সস্তেনেবল ওইবা মওংদা শিজিন্নবগী মতাংদা য়ু.এন.সি.এল.ও.এস.কী মখাদা ইন্তর্নেস্নলে কনফরে্স ওন এন ইন্তর্নেস্নেললেগেল্লী বাইনদিংইন্সত্রুমেন্তকী প্রোগ্রেস অদুবু সপোর্ত তৌরগনি।
২৫. নাকল অনিমক্না জি.২০গী ফ্রেমৱার্ক অসিদা অরিংবা কোওর্দিনেশন অমা থম্নবা য়ানখি। ফ্রান্সনা ভারতকী য়ু.এন. সেক্যুরিতী কাউন্সিলগী পর্মনেন্ত মেম্বরশিপকী বিদ অদুগীদমক্তা লোইন-লোইননা ন্যুক্লিয়র সপ্লাইয়রস গ্রুপতা মেম্বরশিপকীদমক্তা খোংফম চেৎনা সপোর্ত তৌরি হায়না অমুক্কসু হন্না হায়খি।
২৬. ভারত অমসুং ফ্রান্সনা মাইগ্রেশন অমসুং মোবিলিতী মতাংদা পার্তনরশিপ এগ্রীমেন্তকী ইমপ্লিমেন্তেশন তানবদা অচেৎপা ফিরেপ লৌরি, মসি ২০২১গী এক্তোবর ১দা চৎনবা হৌখি।
২৭. নাকল অনিমক্না ইরিগুলর মাইগ্রেশন থিংনবা মখোয়গী এফর্তশিং অদু মপাঙ্গল কনখৎহন্দুনা মহৈরোইশিং, গ্রেজুৱেতশিং, প্রোফেস্নেলশীঙ অমসুং হৈ-শিংলবা ৱার্করশিংগী মোবিলিতী হেনগৎহন্নবা মখাতানা পুন্না থবক তৌমিন্নখিগনি। বাইলেতরেল স্তুদেন্ত মোবিলিতীগী কান্নবা অসি মশক খঙলদুনা, ফ্রান্সনা ২০২৫ ফাওবদা ভারতকী মহৈরোই ২০,০০০গী পান্দম থম্লি, মসিনালৈবাক অনী অসিগী মরক্তা অনৌবা বিজনেস, স্তার্তঅপশিং অমসুং ইনোভেশনগীদমক্তা খুদোংচাবশিং লৈহল্লগনি।
২৮. আর্তস অমসুং কলচরদা নাকল অনিমক্কী অপাম্বা অদু শিংথানিংঙাই ওইবা মওংদা হেনগৎলকখ্রে, অমসুং লৈবাক অনি অসিদগী আর্তিস্তশিংনা ফেস্তিবলশিং অসমুং রেসিদেন্সগুম্বা প্রোজেক্তশিংদা কোলাবোরেত তৌবদা হেন্না-হেন্না খৌরাংবা উৎলক্লি। ভারতকী নিংতম্বগী ৭৫ শুবা কুমওন অসি ভারত শিনবা থুংনা থৌরম কয়া অমাগা লোইননা বোবওর ইন্দিয়া ফেস্তিবলগী খুত্থাংদা ২০২২গী মার্চ তগী পাংথোরক্লি। ভারতনা মখোয়গী মাইকৈদগী নমস্তে ফ্রান্স ফেস্তিবল শিল্লি। ভারতনা পেরিস বুক ফেস্তিবল ২০২২দা গেস্ত ওফ ওনর ওইখি অমসুং ফ্রান্সনা মথংগী নই দিল্লী ৱার্ল্দ বুক ফেয়রদা গেস্ত ওফ ওনর ওইরগনি।
২৯. ২০২০গী জনুৱারী ২৮দা ম্যুজিয়ম অমসুং হেরিতেজ কোওপরেশনগী মতাংদা উৎয়েক পীনখিবা লেতর ওফ ইন্তেন্ত অদুগী মতুং ইন্না ভারত অমসুং ফ্রান্সনাদিল্লীদা অনৌবা নেস্নেল ম্যুজিয়ম অমা শেম্বদা ফ্রান্সপু “নোলেজ পার্তনর” অমা ওইনা ওইহন্নবগীদমক্তা ওইথোকপা য়াবশিং অমসুং মেকানিজম এক্সপ্লোর তৌরগনি।
৩০. প্রধান মন্ত্রী মোদীনা খোংচৎ অসিগী মনুংদা পনখিবা কোওপরেশন পীনবগী এরিয়াশিং অদুগী মতাংদা মচা খাইনা খন্ন-নৈননবা অমসুং অসুম্না খঙদোক্লবা পান্দমশিং অদুবু ফংবা ঙম্নবগী মোদেলিতীশিং অদুবু ফাইনেলাইজ তৌনবা প্রেসিদেন্ত মেক্রোনবু মহাক্না খুদোংচাগদবা মতম য়েংলগা য়াম্না থুনমক ভারত্তা লাক্নবা চেবাউ পীখি।
