রাজ্য অমসুং য়ু.তি. ১১দা লুপা করোর ৭৬,৫০০ হেন্না চঙনা পায়খৎলিবা মরুওইবা প্রোজেক্ত তরেত প্রধান মন্ত্রীনা হন্না য়েংশিনখ্রে
প্রোজেক্তশিং থিন্থহনবনা মমল তাঙখৎলকপদা নত্তনা মীয়ামদা প্রোজেক্ত অদুনা পীগদবা কান্নবা পীবা ঙমদেঃ প্রধান মন্ত্রীপ্রধান মন্ত্রীনা হায়রি "এক পেদ মা কে নাম" কেম্পেন অসিনা প্রোজেক্ত শেমগৎ শাগৎপগা লোইননা অকোইবগী ফিভম্বুসু ঙাক্তুনা থম্বা ঙম্লগনিপ্রধান মন্ত্রীনা অম্রুত ২.০ হন্না য়েংশিনখ্রে অমসুং চীফ সেক্রেতরীশিংদা স্কিম অসিগী মখাদা লৈবা থবকশিং মশা মক্না য়েংশিন্নবা পাউতাক পীখ্রেপ্রধান মন্ত্রীনা হায়রি রাজ্যশিংনা চাউখৎপগী শক্তি লৈবা অমসুং শহরশিংগী তুংগী তঙাইফদবশিং য়েংদুনা থৌরাং য়াৎকদবনিপ্রধান মন্ত্রীনা জল জীবন মিসনগা মরী লৈনবা মীয়ামগী ৱাকৎশিং হন্না য়েংশিনখ্রে অমসুং মিসন অমৃত সরোভরদা মখা তানা থবক পায়খৎনবা খন্নখিপ্রধান মন্ত্রী, শ্রী নরেন্দ্র মোদীনা ঙসি অঙনবদা আই.সি.তি.দা য়ুম্ফম ওইবা কেন্দ্র অমসুং রাজ্য সরকারশিং য়াওবা মলতি মোদাল প্লেৎফোর্ম ফোর প্রো এক্তিব গবর্নান্স এন্দ তাইম্লী ইমপ্লিমেন্তেসন, প্রগতিগী ৪৪শুবা তাংকক্কী মীফমদা ময়াই তাংবল লৌখ্রে। মসিনা অহুমশুবা তার্মগী অহানবা মীফম্নি।
মীফম অদুদা, মরুওইবা প্রোজেক্ত তরেত হন্না য়েংশিনখি, মসিদা লম্বী থোংগী প্রোজেক্ত অনি, রেল প্রোজেক্ত অনি অমসুং কোল, পাৱর অমসুং ৱাতর রিসোর্স সেক্তরশিংগী প্রোজেক্ত অমা য়াওরি। প্রোজেক্তশিং অসিগী অপুনবা অচঙবা শেনফম অসি লুপা করোর ৭৬,৫০০ হেল্লি অমসুং রাজ্য অমসুং য়ু.তি. ১১ হায়বদি উত্তর প্রদেশ, উত্তরাখন্দ, ঝার্খন্দ, মহারাস্ত্রা, রাজস্থান, গুজরাত, ওরিশা, গোৱা, কর্নাতাকা, ছতিশগর, অমসুং দিল্লীগা মরী লৈনৈ।
প্রধান মন্ত্রীনা মরুওইবা ৱাফম থমদুনা ফোংদোকখি মদুদি কেন্দ্র নৎত্রগা রাজ্যগী থাক্তা লৈরিবা ওফিসিএল খুদিংমক্না প্রোজেক্তশিং থিন্থহনবনা মমল তাঙখৎলকপদা নত্তনা মীয়ামদা প্রোজেক্ত অদুনা পীগদবা কান্নবা পীবা ঙমদে হায়বসি খঙগদবনি হায়খি।
প্রধান মন্ত্রীনা হায়খি "এক পেদ মা কে নাম" কেম্পেন অসিনা প্রোজেক্ত শেমগৎ শাগৎপগা লোইননা অকোইবগী ফিভম্বুসু ঙাক্তুনা থম্বা ঙম্লগনি।
ৱারী ৱাতাই অদুগী মনুংদা, প্রধান মন্ত্রীনা অম্রুত ২.০ অমসুং জল জীবন মিসনগা মরী লৈনবা মীয়ামগী ৱাকতশিং হন্না য়েংশিনখি। হায়রিবা প্রোজেক্তশিং অসিনা অমত্তা ওইনা শহর অমসুং খুঙ্গংগী মফমশিংদা ঈশিংগী ৱাকৎশিং কোকহনগনি। প্রধান মন্ত্রীনা ফোঙদোকখি মদুদি ঈশিং হায়বসিনা মীওইবগী তঙাইফদবা মচাক অমনি অমসুং রাজ্য সরকারনা জিলা অমসুং রাজ্যগী থাক্তগী নীংথিনা ৱাকৎশিং লোইশিনগদবনি। জল জীবন প্রোজেক্তকী মতীক চাবা ওপরেসন অমসুং মেন্তেনেন্স মেকানিজমশিং অসি মায় পাক্নবা হোৎনবদা য়াম্না মরুওই অমসুং প্রধান মন্ত্রীনা য়ারিবা মখৈ নুপী শেল্ফ হেল্প গ্রুপশিং য়াওহন্নবা অমসুং নহাশিংবু ওপরেসন অমসুং মেন্তেনেন্সকী থবক্তা স্কিল হেনগৎহন্নবা পাউতাক পীখি। প্রধান মন্ত্রীনা ৱাতর রিসোর্স সর্ভেশিং জিলাগী থাক্তা পায়খৎনবা অমসুং হৌরকফম অদুবু তুং কোইনা থম্নবা খঙহনখি।
প্রধান মন্ত্রীনা চীফ সেক্রেতরীশিংদা অম্রুত ২.০গী মখাদা লৈবা থবকশিং মশা মক্না য়েংশিন্নবা পাউতাক পীখি অমসুং রাজ্যশিংনা চাউখৎপগী শক্তি লৈবা অমসুং শহরশিংগী তুংগী তঙাইফদবশিং য়েংদুনা থৌরাং য়াৎকদবনি হায়খি। মহাক্না হায়খি মদুদি শহরগী ঈশিংগী প্লান য়াৎপা মতমদা মনাক নকপদা লৈবা মফমশিংসু ৱাখলদা থমগদবনি মরমদি মতমগী মতুং ইন্না, হায়রিবা মফমশিং অসিসু শহরগী লিমিত্তা লাক্লগদবনি। অর্বান গবর্নান্সকী রিফোর্মশিং, মপুং ওইবা অর্বান প্লান্নিং, অর্বান ত্রান্সপোর্ত প্লান্নিং, অমসুং ম্যুনিসিপাল ফাইনান্স হায়বসি লৈবাক অসিদা খোঙজেল য়াঙনা চঙশিল্লক্লিবা অর্বানাইজেসন অসি য়েংলবদি মীকুপ অসিগী ওইনদি য়াম্না তঙাইফদবা অমনি। মহাক্না মখা তারদুনা হায়খি মদুদি কনাগুম্বা অমনা পি.এম. সুর্য়া ঘর মুফ বিজলি য়োজাগী কান্নবশিং লৌদুনা শহরগী এনর্জীগী তঙাইফদবা লাক্লিবসি ফংহন্নবা হোৎনগদবনি। প্রধান মন্ত্রীনা মসিমসু নীংশিংখি মদুদি অর্বানাইজেসন অমসুং থক্নবা ঈশিংগী হীরমশিং অসি চীফ সেক্রেতরীশিংগী কনফরেন্সতা খন্নখ্রে অমসুং মদুগী ৱারেপ অদু চীফ সেক্রেতরী মশামক্না হন্না য়েংশিনফম থোকই।
প্রধান মন্ত্রীনা মখা তানা ভারত সরকারগী চীফ সেক্রেতরী অমসুং সেক্রেতরীশিংদা মিসন অমৃত সরোভর প্রোগ্রাম মখা তানা চত্থনবা পাউতাক পীখি। মহাক্না হায়খি মদুদি অমৃত সরোভরগী ঈশিং তুংফমশিং অসি লু নানা থমগদবনি অমসুং ঈশিং তুংফমশিং অসিগী দিসিলতিংগী থবকসু খুঙ্গংগী কম্মিতীশিংগা লোইননা তঙাইফদবগী মতুং ইন্না লৌখৎকদবনি।
প্রগতি মীফমগী ৪৪শুং তাংকক ফাওবদা লুপা করোর লাখ ১৮.১২ গী অপুনবা অচঙবা শেনফম ওইগদবা প্রোজেক্ত ৩৫৫ হন্না য়েংশিনখ্রে।
