ঐগী মরুপ ফ্রান্সকী রাস্ত্রপতি ইম্মানুএল মেক্রোন্না চেবাউ পীরকপদগী ওফিসিএল ওইবা খোঙচৎ অমদা জুলাই ১৩-১৪ ফাওবা ঐ ফ্রান্সকী খোঙচৎ অমদা লৈরে।

পেরিস্তা ফ্রেঞ্চ নেসনেল দে নত্ত্রগা বেস্তাইল দে থৌরমদা গেস্ত ওফ ওনর ওইনা ঐনা রাস্ত্রপতি মেক্রোনগা  থৌরম শরুক য়াগদবা ওইবনা মসিগী খোঙচৎ অসি অখন্নবা অমনি। বেস্তাইল দে পেরেদতা ভারতকী সর্বিস অহুমগী কন্তিজেন্ত অমা শরুক য়াগনি অমসুং থৌরম অদুদা ইন্দিয়ান এয়র ফোর্স এয়রক্রাফনা ফ্লাই-পাস্ত অমা পাংথোক্কনি।

চৎলিবা চহি ঐখোয়গী মরুপ-মপাং ওইবা মরী লৈনরকপগী ২৫শুবা মপোক কুমওন্নি। ঙাক-শেন, স্পেস, সিবিল নিউক্লিয়ার, ব্লু ইকোনোমি, ললোন-ইতিক, শেন থাদবা, লাইরিক-লাইশু, কলচর অমসুং মীগা মীগা লৈনবা মরীশিং য়াওনা তোঙান-তোঙানবা হিরম কয়াদা ঐখোয়গী লৈবাক অনীনা মতেং পীনরি। লৈবাক অনিগী অমসুং মালেমগী ওইবা ৱাফমশিংদা ঐখোয় পুন্না থবক তৌমিন্নরি।

রাস্ত্রপতি মেক্রোন উন্নবা অমসুং চহি ২৫ হেল্লবা মতম কুইরবা মরুপ-মপাংগী মরীশিং অসি খুমাঙচাউশিন্নবা হিরম কয়াদা ৱারি শানগনি হায়না ঐনা থাজবা থম্লি। ঐনা ইকোন কোন্না ওফিসিএল ওইনা ২০২২দা ফ্রান্সতা চৎলুরবা মতুংদা রাস্ত্রপতি মেক্রোনগা উনবগী খুদোংচাবা কয়ারক ফংখ্রে, হন্দক মে ২০২৩ দা জি-৭ মীফম মনুংদা জপানগী হিরোসিমাদা উনখ্রে।

ফ্রান্সকী প্রধান মন্ত্রী ইলিসাবেথ বোর্ন, সিনেতকী রাস্ত্রপতি জেরার্দ লারচর অমসুং নেসনেল এশেমব্লিগী প্রসিদেন্ত য়েল ব্রাউন-পাইপেত য়াওনা ফ্রেঞ্চগী লুচিংবশিং ঐগা ৱারি শানগনি হায়না ঐনা থাজবা থম্লি।

ঐগী খোঙচৎ মনুংদা, ঐনা ভারতমচাশিং, লৈবাক অনিমক্কী সি.ই.ওশিং অমসুং  ফ্রেঞ্চগী শক্নাইরবা মীওইশিংগা উনগনি। ঐখোয়গী অচেৎপা মরুপ-মপাং ওইবা মরী অসিদা ঐগী খোঙচৎ অসিনা অনৌবা ইনোৎ অমা হাপকনি হায়না ঐনা থাজৈ।

পেরিস্তগী, জুলাই ১৫ দা ওফিসিএল ওইবা খোঙচৎ অমদা ঐ য়ু.এ.ইগী অবু ধাবীদা চৎকনি। ঐগী মরুপ অবু ধাবীগী লৈঙাকপা অমসুং য়ু.এ.ইগী রাস্ত্রপতি সৈখ মোহমদ বিন জয়েদ অল নাহয়ানগা উনগনি হায়না ঐনা থাজবা থম্লি।

ঐখোয়গী লৈবাক অনীনা ললোন-ইতিক, শেন থাদবা, ইনর্জি, লাইরিক-লাইশু, অনা-লায়য়েং, চীঞ্জাক, ফিনতেক, ঙাক-শেন অমসুং মীগা মীগা লৈনবা মরীশিং য়াওনা তোঙান-তোঙানবা হিরম কয়াদা থবক তৌমিন্নরি। ঐখোয়গী মরুপ-মপাং ওইবা মরীশিং হেন্না ফগৎনবা লম্বীশিং মশক খঙদোক্নবা লম্বী অমা শেম্বা হায়না হৌখিবা চহিদা রাস্ত্রপতি সৈখ মোহমদ বিন জয়েদ অমসুং ঐ য়ানখ্রে অমসুং ঐখোয়গী মরীশিং হেন্না ফগৎহন্নবা মহাক্কী ৱারি শানগনি হায়না ঐনা থাজৈ।

লৈরিবা

চৎলিবা চহি অসিদা য়ু.এ.ইনা য়ু.এন.এফ.সি.সি.সিগী কোপ-২৮ য়ুম্বু ওইগনি। ইনর্জি ত্রান্সসিসন অমসুং পরিস এগ্রিমেন্ত থবক ওইনা পাংথোক্নবা মালেমগী থাক্তা মতেং পীন্নবা ৱারি শানগনি হায়না ঐনা থাজবা থম্লি।

ঐগী য়ু.এ.ই খোঙচৎ অসিনা ঐখোয়গী অচেৎপা মরুপ-মপাং ওইবা মরীগী অনৌবা তাঙ্কক অমা হৌদোক্লগনি হায়না ঐনা থাজৈ।

 

Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Govt saved 48 billion kiloWatt of energy per hour by distributing 37 cr LED bulbs

Media Coverage

Govt saved 48 billion kiloWatt of energy per hour by distributing 37 cr LED bulbs
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 12 মার্চ , 2025
March 12, 2025

Appreciation for PM Modi’s Reforms Powering India’s Global Rise