প্রধান মন্ত্রী, স্রী নরেন্দ্র মোদিনা চেবাউ পীবদগী, জপানগী প্রধান মন্ত্রী, হিস এক্সেলেন্সী, শ্রী কিশিদা ফুমিয়োনা ১৪শুবা ইন্দিয়া-জপান এন্যুৱল সম্মিতকীদমক্তা ২০২২গ মার্চ ১৯দগী ২০ ফাওবা নই দিল্লীদা ওফিসিয়েল ওইবা মওংদা লাক্লগনি। সম্মিত অসিনা লুচিংবা অনি অসিগী অহানবা উনবনি। মমাংগী ইন্দিয়া-জপান এন্যুৱল সম্মিত অদু ২০১৮গী এক্তোবরদা তোক্যোদা পাংথোকখি।
ইন্দিয়া অসমুং জপানগী মরক্তা লৈরিবা ‘স্পেসিয়েল স্ত্রেতেজিক এন্দ গ্লোবল পার্তনরশিপ’কী হীরম অসিগী মনুং চন্না মাইকৈ কয়া অমদা খুৎশম্নদুনা থবক তৌরি। সম্মিত অসিনা ইন্দো-পেসিফিক রিজন অমসুং মসিগী ৱাংমদা শান্তি লৈনা , মরা চেৎনা অমসুং চাহোং-ঙাহোংনবগীদমক্তা মখোয়গী পার্তনর্শিপ অসিবু খুমাং চাউশিনহন্নবা তোঙান-তোঙানবা লম কয়া অমদা মাইকৈ অনিমক্না খুশম্ননা থবক তৌরিবা অসি য়েংশিন্নবা অমসুং হেন্না মপাঙ্গল কনখৎহন্না অমসুং মসিগা লোইন-লোইননা মাইকৈ অনিমক অসিগা মরী লৈননা রিজনেল অমসুং গ্লোবল ইশুশিংদসু খন্নরগনি।
