ঙসি প্রধান মন্ত্রী নরেন্দ্র মোদীনা তেলিফোন্দা য়ু.এস.এগী রাস্ত্রপতি জোসেফ আর.বাইদেনগা ৱারি শানখ্রে।
হিরম খুদিংমক্তা চাউখৎলক্লিবা ইন্দিয়া-য়ু.এস কমপ্রেহেন্সিপ গ্লোভেল স্ত্রাতেজিক পার্তনরসিপ হেন্না চেৎশিনহনবদা প্রধান মন্ত্রীনা অপেনপা ফোঙদোকখ্রে। এয়র ইন্দিয়া অমসুং বোইংগী শিংথানিঙাই ওইরবা য়ানচে অমগী লাউথোকপদা লুচিংবশিংনা তরাম্না ওকখ্রে অমসুং মসি লৈবাক অনিমক্তা অনৌবা থবক কয়া পীবদা মতেং পাংগদবা নাকল অনিমক কান্নবা ফংনবা মতেং পীনবগী ময়েক লারবা খুদম অমনি। ভারত্তা সিবিল এভিএসন সেক্তর পাকথোক-চাউথোরকপগী খুদোংচাবশিং লৌনবা প্রধান মন্ত্রীনা বোইং অমসুং য়ু.এসকী অতোপ্পা কম্পেনিশিংদা খঙহনখ্রে।
হন্দক ৱাশিংতন দি.সিদা পাংথোকখিবা ইনিসিএতিপ ইন ক্রিতিকেল এন্দ ইমর্জিং তেক্নোলোজি(আইসেত)গী অহানবা মীফম লুচিংবা অনিনা তরাম্না ওকখ্রে অমসুং স্পেস, সেমি-কন্দক্তরশিং, দিফেন্স কো-প্রদক্সন, লৌশিং অমসুং ইন্নোবেসনগী থবকশিং পু্ন্না শেমগৎমিন্ননবগী থবকশিং অমসুং অতোপ্পা হিরমশিংদা লৈবাক অনি মতেং পাংনবা হেনগৎহন্নবা অপাম্বা ফোঙদোকখি। লৈবাক অনিগী মরক্তা নাকল অনিমক্না কান্নবা ফংগদবা মীগা-মীগা লৈনবা মরীশিং ফগৎহনবা হায়না লুচিংবশিংনা য়ানখি।
ভারতনা জি-২০গী প্রসিদেন্ত ওইরিঙৈ মনুংদা মসি মাইপাক্নবা লেপ্তনা পাউ ফাউনবা হায়না লুচিংবশিংনা য়ানখি
