അസമിലെ ബാർപേട്ടയിലുള്ള കൃഷ്ണഗുരു സേവാശ്രമത്തിൽ നടക്കുന്ന ലോക സമാധാനത്തിനായുള്ള കൃഷ്ണഗുരു ഏകാം അഖണ്ഡ കീർത്തനത്തിൽ പ്രധാനമന്ത്രി ശ്രീ നരേന്ദ്ര മോദി നാളെ (2023 ഫെബ്രുവരി 3 ന്) വൈകുന്നേരം 4:30 ന് വീഡിയോ കോൺഫറൻസിംഗ് വഴി പങ്കെടുക്കും. കൃഷ്ണഗുരു സേവാശ്രമത്തിലെ ഭക്തരെയും പ്രധാനമന്ത്രി അഭിസംബോധന ചെയ്യും.
പരംഗുരു കൃഷ്ണഗുരു ഈശ്വർ 1974-ൽ ബാർപേട്ട ആസാമിലെ നസത്ര ഗ്രാമത്തിൽ കൃഷ്ണഗുരു സേവാശ്രമം സ്ഥാപിച്ചു. മഹാനായ വൈഷ്ണവ സന്യാസിയായ ശ്രീ ശങ്കർദേവന്റെ അനുയായിയായിരുന്ന മഹാവൈഷ്ണബ് മനോഹർദേവയുടെ ഒമ്പതാമത്തെ പിൻഗാമിയാണ് അദ്ദേഹം. ലോകസമാധാനത്തിനായുള്ള കൃഷ്ണഗുരു ഏകാം അഖണ്ഡ കീർത്തനം ജനുവരി 6 മുതൽ കൃഷ്ണഗുരു സേവാശ്രമത്തിൽ നടക്കുന്ന ഒരു മാസത്തെ കീർത്തനമാണ്.
