പ്രധാനമന്ത്രി ശ്രീ. നരേന്ദ്ര മോദി ന്യൂഡൽഹിയിലെ കരിയപ്പ പരേഡ് ഗ്രൗണ്ടില്‍ നാഷണൽ കേഡറ്റ് കോർപ്സിന്റെ (എൻ സിസി) റാലിയിൽ പങ്കെടുക്കും.
ഗാർഡ് ഓഫ് ഓണർ പരിശോധിക്കുന്ന പ്രധാനമന്ത്രി വിവിധ എൻ സി സി സംഘങ്ങളുടെ മാർച്ച് പാസ്റ്റ് അവലോകനം ചെയ്യും. സാംസ്കാരിക പ്രകടനങ്ങളോടൊപ്പം എൻ സിസി കേഡറ്റുകൾ പ്രധാനമന്ത്രിക്ക് മുമ്പാകെ സാഹസിക കായിക വിനോദങ്ങൾ, സംഗീതം, അവതരണ കല എന്നിവയിലെ തങ്ങളുടെ കഴിവുകൾ അവതരിപ്പിക്കും.
മികച്ച എൻ സിസി കേഡറ്റുകൾക്കുള്ള അവാർഡുകൾ വിതരണം ചെയ്യുന്ന പ്രധാനമന്ത്രി പിന്നീട് സദസ്സിനെ അഭിസംബോധന ചെയ്യും.
എല്ലാ വർഷവും നൂറു കണക്കിന് എൻ സിസി കേഡറ്റുകൾ റിപ്പബ്ലിക് ദിന ക്യാമ്പിൽ പങ്കെടുക്കാൻ ന്യൂഡൽഹിയിൽ എത്താറുണ്ട്. കഴിഞ്ഞ വർഷം എൻ സി സി റാലിയെ അഭിസംബോധന ചെയ്യവേ പ്രകൃതി ദുരന്തങ്ങളുടെ സമയത്ത് നടത്തിയ രക്ഷാ – ദുരിതാശ്വാസ പ്രവർത്തനങ്ങൾക്കും സ്വച്ഛ് ഭാരത് അഭിയാൻ അടക്കമുള്ള ഉദ്യമങ്ങൾ പ്രോത്സാഹിപ്പിക്കാൻ നടത്തുന്ന ശ്രമങ്ങൾക്കും പ്രധാനമന്ത്രി എൻ സി സി കേഡറ്റുകളെ അഭിനന്ദിച്ചിരുന്നു.
