പ്രധാനമന്ത്രി ശ്രീ നരേന്ദ്ര മോദി വിദേശത്തുള്ള ഇന്ത്യൻ നയതന്ത്ര കാര്യാലയങ്ങളിലെ മേധാവികളുമായും രാജ്യത്തെ വ്യാപാര -വാണിജ്യ മേഖലയിലെ പങ്കാളികളുമായും 2021 ഓഗസ്റ്റ് 6 ന് വൈകുന്നേരം 6 മണിക്ക് വീഡിയോ കോൺഫറൻസിംഗ് വഴി സംവദിക്കും. ‘ലോക്കൽ ഗോസ് ഗ്ലോബൽ - മെയ്ക്ക് ഇൻ ഇന്ത്യ ഫോർ ദി വേൾഡ്’ എന്ന പരിപാടിക്ക് പ്രധാനമന്ത്രിയുടെ വ്യക്തമായ ആഹ്വാനം ഈ പരിപാടി അടയാളപ്പെടുത്തും.
കയറ്റുമതിക്ക് ഒരു വലിയ തൊഴിൽ ഉൽപാദന സാധ്യതയുണ്ട്, പ്രത്യേകിച്ച് എം എസ എം ഇ കൾക്കും ഉയർന്ന തൊഴിൽ-തീവ്രമായ മേഖലകൾക്കും. നിർമ്മാണ മേഖലയിലും മൊത്തത്തിലുള്ള സമ്പദ്‌വ്യവസ്ഥയിലും അതിന്റെ പ്രഭാവമുണ്ടാകും . ഇന്ത്യയുടെ കയറ്റുമതിയും ആഗോള വ്യാപാരത്തിൽ അതിന്റെ വിഹിതവും പ്രയോജനപ്പെടുത്തുന്നതിനും വിപുലീകരിക്കുന്നതിനും ശ്രദ്ധ കേന്ദ്രീകരിക്കുക എന്നതാണ് ആശയവിനിമയത്തിന്റെ ലക്ഷ്യം.
നമ്മുടെ കയറ്റുമതി സാധ്യതകൾ വിപുലീകരിക്കുന്നതിനും ആഗോള ആവശ്യം നിറവേറ്റുന്നതിനായി പ്രാദേശിക കഴിവുകൾ പ്രയോജനപ്പെടുത്തുന്നതിനും എല്ലാ പങ്കാളികളെയും ഊർജ്ജസ്വലമാക്കുക എന്നതാണ് ഈ ഇടപെടലിന്റെ ലക്ഷ്യം.
ആശയവിനിമയ വേളയിൽ കേന്ദ്ര വാണിജ്യ മന്ത്രിയും വിദേശകാര്യ മന്ത്രിയും പങ്കെടുക്കും. ഇരുപതിലധികം വകുപ്പുകളുടെ സെക്രട്ടറിമാർ, സംസ്ഥാന സർക്കാർ ഉദ്യോഗസ്ഥർ, കയറ്റുമതി പ്രമോഷൻ കൗൺസിലുകൾ, ചേംബർ ഓഫ് കൊമേഴ്‌സ് അംഗങ്ങൾ എന്നിവരുടെ പങ്കാളിത്തത്തിനും ഈ ഇടപെടൽ സാക്ഷ്യം വഹിക്കും.
