2024-25 വിപണനകാലയളവിൽ ഖാരിഫ് വിളകൾക്കുള്ള കുറഞ്ഞ താങ്ങുവിലയ്ക്ക് (MSP) കേന്ദ്രമന്ത്രിസഭയുടെ അംഗീകാരം

2024-25 വിപണനകാലയളവിൽ അനുശാസിക്കുന്ന എല്ലാ ഖാരിഫ് വിളകൾക്കും കുറഞ്ഞ താങ്ങുവില (MSP) വർധിപ്പിക്കുന്നതിന് പ്രധാനമന്ത്രി ശ്രീ നരേന്ദ്ര മോദിയുടെ അധ്യക്ഷതയിൽ ഇന്നു ചേർന്ന കേന്ദ്രമന്ത്രിസഭായോഗം അംഗീകാരം നൽകി.

കർഷകർക്ക് ഉൽപ്പന്നങ്ങൾക്ക് ആദായകരമായ വില ഉറപ്പാക്കുന്നതിനായാണ് 2024-25 വിപണനകാലയളവിൽ ഖാരിഫ് വിളകളുടെ MSP ഗവണ്മെന്റ് വർധിപ്പിച്ചത്. എണ്ണക്കുരുക്കൾക്കും പയർവർഗങ്ങൾക്കും മുൻവർഷത്തെ അപേക്ഷിച്ച് MSP-യിൽ ഏറ്റവും ഉയർന്ന വർധനയാണ് [നൈജർസീഡ് (ക്വിന്റലിന് 983 രൂപ), എള്ള് (ക്വിന്റലിന് 632 രൂപ), തുവര/അർഹർ (ക്വിന്റലിന് 550)] ശുപാർശ ചെയ്തിട്ടുള്ളത്.

2024-25 വിപണനകാലയളവിൽ എല്ലാ ഖാരിഫ് വിളകൾക്കുമുള്ള കുറഞ്ഞ താങ്ങുവില

രൂപ ക്വിന്റലിന്

* കൂലിപ്പണി, കാളയ്ക്കുള്ള നിരക്ക്/യന്ത്രത്തിന്റെ നിരക്ക്, ഭൂമി പാട്ടത്തിനെടുത്ത വാടക, വിത്ത്, രാസവളം, മറ്റു വളങ്ങൾ, ജലസേചന നിരക്ക് തുടങ്ങിയവയ്ക്കായുള്ള ചെലവുകളടക്കം എല്ലാ ചെലവുകളും ഉൾപ്പെടുന്നു. ഉപകരണങ്ങളുടെയും കാർഷിക കെട്ടിടങ്ങളുടെയും മൂല്യത്തകർച്ച, പ്രവർത്തന മൂലധനത്തിന്റെ പലിശ, പമ്പ് സെറ്റുകളുടെ പ്രവർത്തനത്തിനുള്ള ഡീസൽ/വൈദ്യുതി, മറ്റു വിവിധ ചെലവുകൾ, കുടുംബാധ്വാനത്തിന്റെ കണക്കാക്കപ്പെടുന്ന മൂല്യം എന്നിവയും ഉൾപ്പെടുന്നു.

നെല്ല് (ഗ്രേഡ് എ), മണിച്ചോളം (മാൽദാണ്ഡി), പരുത്തി (നീണ്ട നാര്) എന്നിവയ്ക്കായി ചെലവുവിവരം പ്രത്യേകം സമാഹരിച്ചിട്ടില്ല.

2024-25 വിപണനകാലയളവിലെ ഖാരിഫ് വിളകളുടെ എംഎസ്‌പി വർധന, അഖിലേന്ത്യാ ശരാശരി ഉൽപ്പാദനച്ചെലവിന്റെ 1.5 മടങ്ങ് കണക്കാക്കി താങ്ങുവില നിശ്ചയിക്കുമെന്ന 2018-19 ലെ കേന്ദ്ര ബജറ്റ് പ്രഖ്യാപനത്തിന് അനുസൃതമാണ്. കർഷകർക്ക് അവരുടെ ഉൽപ്പാദനച്ചെലവ് ഏറ്റവും കൂടുതലായി കണക്കാക്കപ്പെടുന്നത് ബജ്റ (77%), തുവര (59%), ചോളം (54%), ഉഴുന്ന് (52%) എന്നിവയ്ക്കാണ്. ബാക്കിയുള്ള വിളകൾക്ക്, കർഷകർക്ക് അവരുടെ ഉൽപ്പാദനച്ചെലവിന്റെ 50% ലാഭമായി കണക്കാക്കുന്നു.

സമീപ വർഷങ്ങളിൽ, ഈ വിളകൾക്ക് ഉയർന്ന എംഎസ്‌പി വാഗ്ദാനം ചെയ്ത്, പയർവർഗങ്ങൾ, എണ്ണക്കുരുക്കൾ, പോഷക-ധാന്യങ്ങൾ/ശ്രീ അന്ന എന്നിവ ഒഴികെയുള്ള വിളകളുടെ കൃഷിയെ ഗവണ്മെന്റ് പ്രോത്സാഹിപ്പിക്കുന്നു.

2003-04 മുതൽ 2013-14 വരെയുള്ള കാലയളവിൽ ഖാരിഫ് വിപണന കാലയളവിൽ ഉൾപ്പെട്ട 14 വിളകൾക്ക്, എംഎസ്‌പിയുടെ ഏറ്റവും കുറഞ്ഞ വർധന ബജ്‌റയ്ക്ക് ക്വിന്റലിന് 745 രൂപയും ചെറുപയറിന് ക്വിന്റലിന് പരമാവധി 3130 രൂപയുമായിരുന്നു. 2013-14 മുതൽ 2023-24 വരെയുള്ള കാലയളവിൽ, എംഎസ്‌പിയുടെ ഏറ്റവും കുറഞ്ഞ വർധന ചോളത്തിന് ക്വിന്റലിന് 780 രൂപയും നൈജർസീഡിന് പരമാവധി 4234 രൂപയുമായിരുന്നു. വിശദാംശങ്ങൾ അനുബന്ധം-Iൽ നൽകിയിരിക്കുന്നു.

2004-05 മുതൽ 2013-14 വരെയുള്ള കാലയളവിൽ, ഖാരിഫ് വിപണന കാലയളവിൽ ഉൾപ്പെട്ട 14 വിളകളുടെ സംഭരണം 4675.98 ലക്ഷം മെട്രിക് ടൺ (LMT) ആയിരുന്നപ്പോൾ 2014-15 മുതൽ 2023-24 വരെയുള്ള കാലയളവിൽ ഈ വിളകളുടെ സംഭരണം 7108.65 ലക്ഷം മെട്രിക് ടണ്ണായിരുന്നു. വർഷം തിരിച്ചുള്ള വിശദാംശങ്ങൾ അനുബന്ധം-II-ൽ നൽകിയിരിക്കുന്നു.

2023-24 ലെ ഉൽപ്പാദനത്തിന്റെ മൂന്നാം മുൻകൂർ പ്രതീക്ഷിതനിരക്കു പ്രകാരം, രാജ്യത്തെ മൊത്തം ഭക്ഷ്യധാന്യ ഉൽപ്പാദനം 3288.6 ലക്ഷം മെട്രിക് ടൺ (LMT) ആയി കണക്കാക്കപ്പെടുന്നു. എണ്ണക്കുരു ഉൽപ്പാദനം 395.9 LMT-യുമാണ്. 2023-24 കാലയളവിൽ, അരി, പയർവർഗ്ഗങ്ങൾ, എണ്ണക്കുരുക്കൾ, പോഷക-ധാന്യങ്ങൾ/ശ്രീ അന്ന, പരുത്തി എന്നിവയുടെ ഖാരിഫ് ഉൽപ്പാദനം യഥാക്രമം 1143.7 LMT, 68.6 LMT, 241.2 LMT, 130.3 LMT, 325.2 ലക്ഷം ബേൽസ് എന്നിങ്ങനെ കണക്കാക്കപ്പെടുന്നു.

അനുബന്ധം-I

രൂപ ക്വിന്റലിന്

അനുബന്ധം-II

ഖാരിഫ് വിളകളുടെ സംഭരണം 2004-05 മുതൽ 2013-14 വരെയും 2014-15 മുതൽ 2023-24 വരെയും

എൽഎംടിയിൽ