പ്രധാനമന്ത്രി ഫെബ്രുവരി 10ന് യു.പിയും മഹാരാഷ്ട്രയും സന്ദര്‍ശിക്കും
February 08th, 05:39 pm
പ്രധാനമന്ത്രി ശ്രീ നരേന്ദ്ര മോദി ഫെബ്രുവരി 10ന് ഉത്തര്‍പ്രദേശും മഹാരാഷ്ട്രയും സന്ദര്‍ശിക്കും. രാവിലെ 10 മണിക്ക് പ്രധാനമന്ത്രി ലഖ്‌നൗ സന്ദര്‍ശിക്കും, അവിടെ അദ്ദേഹം ഉത്തര്‍പ്രദേശ് ആഗോള നിക്ഷേപക ഉച്ചകോടി 2023 ഉദ്ഘാടനം ചെയ്യും. ഉച്ചയ്ക്ക് ഏകദേശം 2:45ന്, മുംബൈയിലെ ഛത്രപതി ശിവാജി മഹാരാജ് ടെര്‍മിനസില്‍ രണ്ട് വന്ദേ ഭാരത് ട്രെയിനുകള്‍ അദ്ദേഹം ഫ്‌ളാഗ് ഓഫ് ചെയ്യും. സാന്താക്രൂസ് ചെമ്പൂര്‍ ലിങ്ക് റോഡ്, കുരാര്‍ അടിപാത പദ്ധതി എന്നീ രണ്ട് റോഡ് പദ്ധതികളും അദ്ദേഹം രാജ്യത്തിന് സമര്‍പ്പിക്കും. അതിനുശേഷം, വൈകുന്നേരം ഏകദേശം 4:30 ന് അദ്ദേഹം മുംബൈയിലെ അല്‍ജാമിയ-തുസ്-സൈഫിയയുടെ പുതിയ കാമ്പസിന്റെ ഉദ്ഘാടനവും അദ്ദേഹം നിര്‍വഹിക്കും.