പ്രധാനമന്ത്രി നവംബർ 14നും 15നും ഝാർഖണ്ഡ് സന്ദർശിക്കും
November 13th, 07:31 pm
പ്രധാനമന്ത്രി ശ്രീ നരേന്ദ്ര മോദി 2023 നവംബർ 14നും 15നും ഝാർഖണ്ഡ് സന്ദർശിക്കും. നവംബർ 15ന് രാവിലെ 9.30ന് പ്രധാനമന്ത്രി റാഞ്ചിയിലെ ഭഗവാൻ ബിർസ മുണ്ഡ സ്മാരക പാർക്കും സ്വാതന്ത്ര്യസമര മ്യൂസിയവും സന്ദർശിക്കും. തുടർന്ന് ഭഗവാൻ ബിർസ മുണ്ഡയുടെ ജന്മസ്ഥലമായ ഉലിഹാതൂ ഗ്രാമത്തിലെത്തി ഭഗവാൻ ബിർസ മുണ്ഡയുടെ പ്രതിമയിൽ പുഷ്പാർച്ചന നടത്തും. ഭഗവാൻ ബിർസ മുണ്ടയുടെ ജന്മസ്ഥലമായ ഉലിഹാതൂ ഗ്രാമം സന്ദർശിക്കുന്ന ആദ്യ പ്രധാനമന്ത്രിയാണ് ശ്രീ നരേന്ദ്ര മോദി. ഖൂണ്ടിയിൽ പകൽ 11.30ന് നടക്കുന്ന 2023ലെ മൂന്നാം ജൻജാതീയ ഗൗരവ് ദിനാഘോഷ പരിപാടിയിൽ പ്രധാനമന്ത്രി പങ്കെടുക്കും. പരിപാടിയിൽ ‘വികസിത് ഭാരത് സങ്കൽപ്പ് യാത്ര’, പ്രത്യേകിച്ച് ദുർബലരായ ഗിരിവർഗ വിഭാഗത്തിനായുള്ള പ്രധാനമന്ത്രിയുടെ ദൗത്യം എന്നിവ പ്രധാനമന്ത്രി ഉദ്ഘാടനം ചെയ്യും. പിഎം-കിസാന്റെ 15-ാം ഗഡു വിതരണം ചെയ്യുന്ന പ്രധാനമന്ത്രി ഝാർഖണ്ഡിൽ വിവിധ വികസന പദ്ധതികളുടെ ഉദ്ഘാടനവും രാജ്യത്തിന് സമർപ്പിക്കലും ശിലാസ്ഥാപനവും നിർവഹിക്കും.