"ആസാദി കാ അമൃത് മഹോത്സ'വുമായി ബന്ധപ്പെട്ട പരിപാടികൾ പ്രധാനമന്ത്രി നാളെ ഉദ്ഘാടനം ചെയ്യും
March 11th, 03:30 pm
പ്രധാനമന്ത്രി ശ്രീ നരേന്ദ്ര മോദി നാളെ (2021 മാർച്ച് 12 ന് ) അഹമ്മദാബാദിലെ സബർമതി ആശ്രമത്തിൽ നിന്ന് 'പദയാത്ര' (സ്വാതന്ത്ര്യ മാർച്ച്) ഫ്ലാഗുചെയ്യുകയും ‘ആസാദി കാ അമൃത് മഹോത്സവിന്റെ’ (ഇന്ത്യ @ 75) നാന്ദി കുറിച്ചുകൊണ്ടുള്ള പരിപാടികൾക്ക് സമാരംഭം കുറിക്കുകയും ചെയ്യും. ഇന്ത്യ @ 75 ആഘോഷങ്ങൾക്കായുള്ള മറ്റ് സാംസ്കാരിക, ഡിജിറ്റൽ സംരംഭങ്ങളും പ്രധാനമന്ത്രി ആരംഭിക്കും. കൂടാതെ സബർമതി ആശ്രമത്തിൽ നടക്കുന്ന സമ്മേളനത്തെയും അഭിസംബോധന ചെയ്യും. രാവിലെ 10: 30 ന് ആരംഭിക്കുന്ന ചടങ്ങിൽ ഗുജറാത്ത് ഗവർണർ ശ്രീ ആചാര്യ ദേവവ്രത് , കേന്ദ്ര സഹമന്ത്രി ശ്രീ പ്രഹളാദ് സിംഗ് പട്ടേൽ, ഗുജറാത്ത് മുഖ്യമന്ത്രി ശ്രീ വിജയ് രൂപാനി എന്നിവരും പങ്കെടുക്കും.