ഇന്ത്യൻ സർവ്വകലാശാലകളുടെ 95-ാമത് വാർഷിക യോഗത്തെയും, വൈസ് ചാൻസലർമാരുടെ ദേശീയ സെമിനാറിനേയും പ്രധാനമന്ത്രി അഭിസംബോധന ചെയ്യും
April 13th, 11:45 am
പ്രധാനമന്ത്രി ശ്രീ നരേന്ദ്ര മോദി നാളെ ഇന്ത്യൻ സർവ്വകലാശാലകളുടെ 95-ാമത് വാർഷിക യോഗത്തെയും,സർവ്വകലാശാല വൈസ് ചാൻസലർമാരുടെ ദേശീയ സെമിനാറിനെയും നാളെ ( 2021 ഏപ്രിൽ 14 ന്) രാവിലെ 11 മണിക്ക് വീഡിയോ കോൺഫറൻസിംഗിലൂടെ അഭിസംബോധന ചെയ്യും. ശ്രീ കിഷോർ മക്വാന രചിച്ച ഡോ. ബി ആർ അംബേദ്കറുമായി ബന്ധപ്പെട്ട നാല് പുസ്തകങ്ങളും അദ്ദേഹം പുറത്തിറക്കും. ഗുജറാത്ത് ഗവർണറും, മുഖ്യമന്ത്രിയും കേന്ദ്ര വിദ്യാഭ്യാസ മന്ത്രിയും ചടങ്ങിൽ പങ്കെടുക്കും. അഹമ്മദാബാദിലെ ഡോ. ബാബാസാഹേബ് അംബേദ്കർ ഓപ്പൺ സർവ്വകലാശാലയാണ് പരിപാടി സംഘടിപ്പിക്കുന്നത്.