ಪ್ರಧಾನ ಮಂತ್ರಿ ಶ್ರೀ ನರೇಂದ್ರ ಮೋದಿ ಮತ್ತು ಕೋರಿಯಾ ಗಣರಾಜ್ಯದ ಘನತೆವೆತ್ತ ಅಧ್ಯಕ್ಷರಾದ ಮೂನ್ ಜೆ ಇನ್ ಅವರು ಇಂದು ಬೆಳಗ್ಗೆ ದೂರವಾಣಿ ಮೂಲಕ ಮಾತನಾಡಿದರು.
ಕೋವಿಡ್ – 19 ಸಾಂಕ್ರಾಮಿಕ ವಿರುದ್ಧದ ಹೋರಾಟದಲ್ಲಿಯ ಪ್ರಗತಿಯೂ ಸೇರಿದಂತೆ ಮುಂದುವರಿಯುತ್ತಿರುವ ಅಂತಾರಾಷ್ಟ್ರೀಯ ಮೌಲ್ಯಯುತ ಸರಪಳಿಯ ವೈವಿಧ್ಯೀಕರಣ, ಪಾರದರ್ಶಕ, ಅಭಿವೃದ್ಧಿಶೀಲ ಮತ್ತು ನೀತಿಯಾಧಾರಿತ ಜಾಗತಿಕ ವ್ಯಾಪಾರ ಕ್ರಮವನ್ನು ಕಾಪಾಡುವುದರ ಅವಶ್ಯಕತೆ ಹಾಗೂ ವಿಶ್ವ ವ್ಯಾಪಾರ ಸಂಸ್ಥೆಯ ಮಹತ್ವಪೂರ್ಣ ಜಾಗತಿಕ ಅಭಿವೃದ್ಧಿಗಳ ಕುರಿತು ಉಭಯ ನಾಯಕರು ಚರ್ಚಿಸಿದರು.
ಈ ಮೇಲಿನ ವಿಷಯಗಳ ಕುರಿತು ಸದಾ ಸಂಪರ್ಕದಲ್ಲಿರುವಂತೆ ಮತ್ತು ಮುಂಬರುವ ದಿನಗಳಲ್ಲಿ ಎಲ್ಲ ಕ್ಷೇತ್ರಗಳಲ್ಲೂ ಪರಸ್ಪರ ಸಹಕಾರ ವೃದ್ಧಿಗೆ ಉಭಯ ನಾಯಕರು ಒಪ್ಪಿಕೊಂಡರು.
