ಪ್ರಸ್ತುತ ವ್ಯಾಪಾರ ಸಂಬಂಧಿ ಕಾರ್ಯಕ್ರಮದಲ್ಲಿ ಭಾರತ ಭೇಟಿಯಲ್ಲಿರುವ ಟೆಕ್ಸಾಸ್ ರಾಜ್ಯಪಾಲರಾದ ಶ್ರೀ ಗ್ರೆಗ್ ಅಬ್ಬಾಟ್ ಅವರು ಬುಧವಾರದಂದು ಪ್ರಧಾನ ಮಂತ್ರಿ ಶ್ರೀ ನರೇಂದ್ರ ಮೋದಿ ಅವರನ್ನು ಭೇಟಿಯಾದರು.
ಭಾರತ-ಅಮೇರಿಕಾ ವ್ಯೂಹಾತ್ಮಕ ಸಹಭಾಗಿತ್ವದ ಬಲವಾದ ಬೆಳವಣಿಗೆಯ ಹಿನ್ನೆಲೆಯಲ್ಲಿ ಪ್ರಧಾನ ಮಂತ್ರಿ ಶ್ರೀ ಮೋದಿ ಅವರು ವ್ಯಾಪಾರ ಮತ್ತು ವಾಣಿಜ್ಯ ವ್ಯವಹಾರದಲ್ಲಿ, ಇಂಧನ, ಕೈಗಾರಿಕೆ, ಶಿಕ್ಷಣ ಮತ್ತು ಜನತೆಯ ನಡುವಿನ ಸಂಪರ್ಕದಲ್ಲಿ ಟೆಕ್ಸಾಸ್ ನ ಹೆಚ್ಚುತ್ತಿರುವ ಸಂಪರ್ಕದ ಮಹತ್ವದ ಬಗ್ಗೆ ಒತ್ತು ನೀಡಿ ಮಾತನಾಡಿದರು. ಇಬ್ಬರು ಗಣ್ಯರೂ ಈ ಸಂಬಂಧಗಳನ್ನು ಬಲಪಡಿಸುವ ನಿಟ್ಟಿನಲ್ಲಿ ಕಾರ್ಯೋನ್ಮುಖರಾಗಲು ಒಪ್ಪಿಕೊಂಡರು.
ರಾಜ್ಯಪಾಲ ಆಬ್ಬಾಟ್ ಅವರು ಟೆಕ್ಸಾಸಿನಲ್ಲಿ ವಾಸಿಸುತ್ತಿರುವ ಭಾರತೀಯ ಮೂಲದ ಜನರು ತಮ್ಮ ರಾಜ್ಯಕ್ಕೆ ಮತ್ತು ಆ ಮೂಲಕ ಅಮೇರಿಕಾಕ್ಕೆ ಕೊಡುತ್ತಿರುವ ಕೊಡುಗೆಗಳ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು.
Texas Governor Mr. @GregAbbott_TX met PM @narendramodi in Delhi today. @GovAbbott pic.twitter.com/Yf0czvjdaa
— PMO India (@PMOIndia) March 28, 2018
